想生BB

收藏本版
回覆 發帖
返回列表
跳至頁

首頁
678910...27

尾頁
   167
Ihyl


大宅

積分: 3302


141#
發表於 21-9-10 16:38 |只看該作者
回覆 eolhcc 的帖子

當然可以啦，已經pm你
私人傳訊回覆 引用

Ihyl


大宅

積分: 3302


142#
發表於 21-9-11 09:56 |只看該作者
不經不覺又係時候返去做產檢啦，本身我諗住自己call grab 車去，不過我朋友見到我面青青有啲擔心（其實長時間唔夠瞓，又食唔到嘢，仲不斷嘔嘅情況下，我相信每個人都會同我一樣，面青口唇白囉）所以佢専登做咗，我個柴可夫司機，媽咪就做‘跟得’夫人…一於跟實我。

去到診所當然要做指定動作，磅重量血壓同驗wee wee，跟著就係呆等見醫生。由於今次真係好唔精神，完全無狀態，所以喺等待嘅時候我就不斷喺度‘釣大魚’。釣咗差不多一個鐘頭大魚終於可以見到醫生啦。一入到去醫生都嚇一嚇，問我發生咩事，仲乜成個人‘落哂形’。醫生呀醫生，我每晚都瞓唔到覺，又食唔到野，而且仲嘔得越來越嚴重，係咪會持續嘔到生㗎？醫生就叫我唔使擔心，其實每個人嘅孕吐情況都好唔同，一般到咗三四個月嘅時候孕吐就會開始減少甚至消失。而正因爲孕吐攪到冇胃口同瞓唔到，隨著孕吐情況改善其他問題亦都會相應改善，所以唔使太過擔心。

同醫生講完兩句又係時候見下孖B啦，由於媽咪係第一次陪我去產檢，亦係佢第一次見到孖B，佢就好留心咁望實個mon等孖B嘅出現， 不過佢唔係好識睇，於是醫生就好比心機同媽咪講解究竟邊度係頭邊度係腳，媽咪睇到好開心，跟著醫生問佢想唔想聽下孖B嘅心跳，媽咪即刻話：‘吓，乜聽到㗎咩？真係聽到㗎？’ 話口未完醫生就已經開咗個喇叭比媽咪聽孖B心跳啦，媽咪話聽唔到喎，淨係聽到啲‘服服服服‘嘅聲咋喎！醫生跟著就同媽咪講：呢啲‘服服服服’聲就係bb嘅心跳聲啦。

待續……
私人傳訊回覆 引用

cathy.chu


禁止訪問

積分: 119


143#
發表於 21-9-11 18:29 |只看該作者
提示: 作者被禁止或刪除 內容自動屏蔽
私人傳訊回覆 引用

eriline


別墅

積分: 974


144#
發表於 21-9-12 02:30 |只看該作者
樓主，你好，多謝你嘅sharing。你真係好有毅力同勇氣。希望我都可以好似你咁。想問可唔可以PM馬來西亞醫院同醫生嘅資料我呀？謝謝你

私人傳訊回覆 引用

Ihyl


大宅

積分: 3302


145#
發表於 21-9-12 04:21 |只看該作者
回覆 eriline 的帖子

只要係為咗自己嘅小天使，我相信你都一樣可以得㗎，加油呀！已經pm咗你啦
私人傳訊回覆 引用

derrson2


別墅

積分: 506


146#
發表於 21-9-12 08:25 |只看該作者
人在異地生小朋友唔易
我都剛生咗，要開始努力湊b，一齊加油
私人傳訊回覆 引用

Ihyl


大宅

積分: 3302


147#
發表於 21-9-12 08:40 |只看該作者
回覆 derrson2 的帖子

恭喜你呀媽媽要好好咁休息，祝BB身體健康快高長大乖乖聽媽咪話
私人傳訊回覆 引用

derrson2


別墅

積分: 506


148#
發表於 21-9-12 08:45 |只看該作者
Ihyl 發表於 21-9-12 08:40
回覆 derrson2 的帖子

恭喜你呀媽媽要好好咁休息，祝BB身體健康快高長大乖乖聽媽咪話 ...

多謝你呀！感恩支持

點評

Ihyl    發表於 21-9-12 08:57
私人傳訊回覆 引用

Apple1083


複式洋房

積分: 443


149#
發表於 21-9-12 12:14 |只看該作者

回覆樓主:

恭喜樓主苦盡甘來，好佩服你勇氣同毅力。請問可否方便時pm 馬來西亞醫院同醫生資料比我呀，謝謝～
私人傳訊回覆 引用

Ihyl


大宅

積分: 3302


150#
發表於 21-9-12 16:11 |只看該作者
本帖最後由 Ihyl 於 21-9-13 00:40 編輯

回覆 Apple1083 的帖子

謝謝你
已經pm咗你啦
私人傳訊回覆 引用

PeggyPeg


複式洋房

積分: 414


151#
發表於 21-9-12 23:25 |只看該作者
Ihyl 發表於 21-9-1 16:46
呢幾日我繼續努力為有需要嘅jm解答同分享我喺馬來西亞做Ivf嘅資料，我發覺原來有好多jm 都有同一個疑問⋯⋯ ...

恭喜你，其實我都係台灣同香港都做過IVF 但都唔成功，我都想要馬來西亞Ivf 資料，可以pm我嗎，thanks (emoji)
私人傳訊回覆 引用

Ihyl


大宅

積分: 3302


152#
發表於 21-9-13 00:18 |只看該作者
本帖最後由 Ihyl 於 21-9-13 00:39 編輯

回覆 PeggyPeg 的帖子

謝謝你
冇問題，已經pm咗你啦
私人傳訊回覆 引用

Ihyl


大宅

積分: 3302


153#
發表於 21-9-13 18:22 |只看該作者
聽完心跳聲之後，醫生問我除左嘔之外仲有冇流血？雖然仲有流血，慶幸嘅係已經由紅轉啡了，不過個量都仲有啲多。而計返日子今日已經係week13+1，即係過咗三個月啦，我亦都打算下星期離開馬來西亞飛返香港。醫生覺得呢個時候飛返香港都適合，個胎都算陀穩，不過為安全起見佢建議我打多最後一支安胎針會好啲（唉！冇計啦，為咗孖B就唯有頂埋呢針，希望之後一切順順利利啦！）臨離開醫院，醫生都専登出嚟同我道別，佢話生咗就send孖B啲相比佢睇，希望一兩年後我帶埋孖B飛返嚟探佢。

由於我孕吐嘅情況都幾犀利，而且又食唔落野，雖然爹哋媽咪會陪我一齊返香港，不過老公都係唔放心，所以専登飛咗過嚟陪我同孖B一齊坐飛機返香港。喺臨返香港前呢個星期，我馬來西亞嘅朋友見我同爹哋媽咪嚟咗咁耐，都冇去過其他地方玩吓食吓，於是我哋就等埋老公，然後揸車去咗轉怡保睇吓嘢，食吓嘢同買下啲手信，今次仲專登跟住（走路去馬拉）個節目介紹嘅路線去玩。聽聞怡保啲豆沙餅、蓮蓉餅、花生糖、芽菜雞同埋啲湯河粉好好味。我樣樣都好想食（不過唔知孖B想唔想食同埋食唔食得落姐），而媽咪就最愛食花生糖，所以我老公排咗差不多2個鐘頭隊，都要買花生糖食，咁我當然就係坐喺架車度嘆住冷氣等食啦。

好啦，又係時候要同馬來西亞say個goodbye 啦。唔經唔覺喺度都住咗差唔多四個月，我好感謝馬來西亞朋友嘅招待，雖然係有啲唔捨得，不過唔緊要…… l will be back。第一次陀住孖B坐飛機，雖然我已經飛咗超過10年，所謂氣流之類已經習慣哂，不過心情始終有一種莫名嘅緊張（驚住會遇到突發嘅強氣流會拋離拋去），所以一上到機扣好條安全帶之後，我就再係個肚同條安全帶中間個位度攝咗兩個cushions墊住（保護住孖B）跟著就冇再除過（就連廁所都冇去過）。好好彩呢程機非常平靜，無風無浪咁就到咗香港，（孖B welcome to Hong Kong)

待續……
私人傳訊回覆 引用

Ihyl


大宅

積分: 3302


154#
發表於 21-9-21 06:53 |只看該作者
本帖最後由 Ihyl 於 21-9-25 16:44 編輯

眨下眼，原來我已經成個星期都冇寫到分享喇，呢個星期真係超忙，因為哥哥無啦啦發燒燒咗兩日，非常扭計而且又唔肯食嘢；再加上自己去咗打埋第二針，所以分唔到身去寫分享 就趁着哥哥今日精神好返啲，我終於都可以抽到少少時間再繼續寫餘下嘅分享啦


一飛到番香港，我突然間好想食燒味飯，所以一落機就係機場食咗個义燒燒鴨飯。不過媽咪話燒鴨好濕毒唔比我食，我唯有只係食啲义燒同下面有燒鴨味嘅豉油白飯，出奇地我可以食到一大碗飯而又冇反胃嘅感覺（哈哈，孖B應該都鍾意食燒味）所以返到香港屋企第一晩都好風平浪靜冇嘔過，我終於可以瞓返個舒舒服服嘅覺啦。
嘩！到咗第二日起身都已經差不多下晝一點幾，好耐都冇試過一瞓就瞓咗13個鐘頭，睇嚟孖B好鍾意自己屋企張床喎。食完個晏晝之後見冇乜唔舒服，咁就開始搵醫院同私家診所去登記準備係香港做產檢啦。

由於屋企係屯門區，為咗方便自己所以就打咗去屯門醫院度問究竟點先可以登記做產檢，當時佢哋回覆話只要一封醫生信就得。於是就book咗一個星期後係屯門醫院睇第一次產檢。不過係呢個星期入面，我又再次孕吐到坐天光喇。

待續……

咦係喎，今日原來係中秋節，我喺呢度祝各位jm 中秋節快樂！
私人傳訊回覆 引用

goodwife4ever


大宅

積分: 2671

牛年勳章


155#
發表於 21-9-21 15:46 |只看該作者
恭喜你
私人傳訊回覆 引用

Ihyl


大宅

積分: 3302


156#
發表於 21-9-25 16:40 |只看該作者
本帖最後由 Ihyl 於 21-9-25 16:45 編輯

終於嚟到第一次產檢日子，由於約咗朝早9:00，所以一早就起身準備，不過之前一晚又係頂住頂住好想嘔咁，最後當然又係坐天光收場（有一刻我好想cancel唔去，不如瞓多一陣算吧啦）但係諗到一陣又可以見到孖B，即刻就成個人醒哂。

因為第一次喺香港做產檢，所以老公專登請咗半日假陪我去，不過一去到醫院門口就已經見到一條好長好長嘅長龍，排晒隊喺度等lift（嘩！咁多人，即係要等好耐搞好耐先至可以返屋企瞓囉！希望老公返工之前就可以完成晒所有檢查啦！）

等咗差不多30分鐘，終於都等到部lift上去做登記啦，登記完又到咗做指定動作嘅時間，驗尿、量血壓同磅重。（咦！45.3kgs…….我啲體重開始重返啲啲啦喎，唔錯唔錯，唔係繼續輕落去就已經好好啦。）好啦，好啦，check完哂基本嘢…..就到咗等見醫生啦。由於尋晚坐天光冇乜瞓過，所以我一坐低就開始喺度釣魚，所以我最後‘樸’咗係老公個膊頭度一邊瞓覺，一邊等睇醫生。等咗差不多兩個幾鐘，終於都叫我個名啦，因為寫明老公唔比陪入去見醫生，所以得我自己一個瞓到夢夢鬆鬆傻下傻下咁行入去見醫生。

一入到去見醫生，對晒啲個人資料之後醫生就問我BB幾多周，計吓計吓原來孖B今日已經係week 15+5啦。我同醫生講我係陀緊孖B，因為佢哋係Ivf BB，跟手我就即刻俾埋馬來西亞嘅醫生寫嘅醫生信俾佢睇。醫生跟住就問我：咁你陀嘅係單卵雙胞胎定係雙卵雙胞胎？我就答係雙卵雙胞胎。然後醫生就講咗句⋯⋯點解你咁肯定呢？（我聽完之後，我覺得呢個醫生好好笑喎，馬來西亞嘅醫生明明已經喺封醫生信度寫到明我係雙卵雙胞胎，同埋我之前喺馬來西亞嘅時候已經照過陰超同超聲波，我自己已經見過係雙卵雙胞胎，點解講完比佢聽佢都要質疑呢？）醫生講唔夠兩句就叫我上床做檢查，（我初初以為又可以見到孖B啦，點知……姑娘淨係攞咗部機嚟同我check孖B個心跳，我淨係可以聽到孖B嘅心跳聲！）

姑娘一路check就一路不斷喺度‘依依哦哦’話我郁嚟郁去（嘩大佬呀！你唧Pat啫喱係我個肚度係超凍囉，同埋呢度啲冷氣好似唔駛錢咁，11月尾啦仲要開大個冷氣！姑娘呀，我其實唔係郁嚟郁去，我係凍到成個人喺度震緊咋）之後佢繼續喺度‘吟吟沉沉’話孖B點check心跳姐，我點知係咪check來check去都係同一個BB嘅心跳喎，孖B好難check心跳嗰喎！你真係肯定你陀嘅係孖B？你個肚唔似陀孖胎喎！跟著醫生都和應話：係囉，一啲都唔似陀緊孖胎！（嘩，呢句説話真係仲難聽過粗口喎，乜嘢叫做你個肚一啲都唔似陀繄孖胎呀？聽完嗰一刻我真係好想即刻走囉）

待續……
私人傳訊回覆 引用

ccling1022


大宅

積分: 1619


157#
發表於 21-9-26 08:37 |只看該作者
終於追晒post
樓主嘅故事真係有血有淚
好欣賞你同先生嘅勇氣
為咗呀b 真係幾辛苦都值得
祝福你們一家

我2017年結左婚好想要bb
但過左一年都無聲氣
睇醫生檢查後
醫生話只有做IVF 先幫到我
去左公立排期
同時間同先生一齊睇左大半年中醫針灸
調理好身體
仲諗住舊年去深圳做IVF
（點知疫情爆發無得通關）
就喺呢個時候
Bb自己來報到
好似天使咁來了
好感恩
B女依家已經10個月大

希望鼓勵一下打算做IVF的JM
唔好放棄 會有奇蹟出現的
私人傳訊回覆 引用

Ihyl


大宅

積分: 3302


158#
發表於 21-9-26 21:49 |只看該作者
回覆 ccling1022 的帖子

謝謝你
太好啦，小天使唔想媽媽辛苦，自己靜靜咁嚟黐實媽咪恭喜你呀！

你講得好啱，只要有信心同信念，奇蹟一定會出現㗎！各位正準備又或者已經開始咗Ivf嘅JM，加油呀！支持你哋呀
私人傳訊回覆 引用

小小芝麻


大宅

積分: 1136


159#
發表於 21-9-27 17:32 |只看該作者
你真係好強懷孕真係不簡單，比我想像中難，試左一個月唔得，已經好失望，計好日子都唔得，要努力補下檢查下
私人傳訊回覆 引用

Ihyl


大宅

積分: 3302


160#
發表於 21-9-30 05:19 |只看該作者
好啦，聽完孖B心跳聲之後，我諗住著返件衫嘅時候，姑娘就大聲問醫生係咪要check 埋其他（吓check其他，仲有咩嘢要check 呀？又話無嘢照嘅！咦，唔通改變主義，可以用個mon嚟睇吓孖B？不過，之前都係邊睇邊照順便聽心跳，乜香港係分開嚟做嘅咩？咁奇怪？）隔咗一陣，醫生就嗌話check埋啦，跟住姑娘就叫我除埋上身衫，佢話要check 胸喎！我即刻問姑娘點解要check，佢就話just make sure 我個胸冇硬塊喎（吓！乜香港做產檢要做埋呢啲嘅咩？唉！肉隨砧板上，你話check 乜就check乜啦。我諗我都係時候認真考慮吓我究竟喺香港生定返英國生喇！）

除咗件衫都差不多成兩三分鐘，醫生都仲未肯入嚟check，我就越來越震…係凍到震，我開始全身不受控制咁震，姑娘就開始驚，不斷問我咩事呀，做乜咁震呀？姑娘我好凍呀！（喂大姐呀，你叫人除哂啲衫又開大個冷氣，正常人都凍到震啦，更何況係一個通宵冇瞓過嘅大肚婆呢！傻的嗎？）

佢見到我震到好似人哋抽筋咁，先識大叫：喂！搵人熄咗個冷氣佢，同攞兩條毛毯嚟，個大肚婆好唔掂呀！佢講完個大肚婆好唔掂喎，果刻個醫生先識衝入嚟睇下我咩事（吓，醫生你仲喺度望，你冇嘢呀？你見我震到咁，你仲想check啲乜呢？）醫生跟住就話姑娘：個patient 凍成咁，你哋冇mon住嘅咩？佢依家震成咁，我都check唔到住㗎啦，等佢冇咁震我轉頭先再過嚟check啦（天呀，我究竟去咗邊度呀？！我都唔係要求啲咩星級服務啫，我淨係想快快脆脆俾你哋check完，我可以返屋企瞓啫！點解會遇到啲咁嘅醫生㗎？！我果一刻已經決定咗：我唔要喺香港生，我要返英國生！）

待續……
私人傳訊回覆 引用


首頁
678910...27

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy