其他親子社群 今日: 0 | 主題: 1218

積分: 2336

142^#

發表於 05-3-24 01:31 |只看該作者

Re: 78年"馬"會~~歡迎1978的媽媽(爸爸)! ^v^

hi gillianchan,

恭喜你呀! 你的小公主終於出世了,好同我昫光仔一樣咁有份量o咼,大家同樣咁重 :lol:

祝你身體健康, 修身成功,BB囡就人見人愛啦!

靚靚的Natalie ^!^ & 可愛的昫光仔仔 :-) * 歡迎來到盈盈&昫光Friends Club* http://by.lilypie.com/tg95p8.png

私人傳訊

mercy_mama

男爵府

積分: 9761

143^#

發表於 05-3-26 00:35 |只看該作者

Re: 78年"馬"會~~歡迎1978的媽媽(爸爸)! ^v^

gillianchan:

恭喜恭喜!

:-D 我於七月四日在廣華醫院出世 :-D 4/7 = 3.27Kg 13/7 = 3.7Kg 4/8 = 4.2Kg 23/8 = 5Kg

私人傳訊

積分: 3489

144^#

發表於 05-3-26 10:35 |只看該作者

Re: 78年"馬"會~~歡迎1978的媽媽(爸爸)! ^v^

多謝各位朋友的關心!

我已經係3月19日下午開刀,誕下体重3.89kg的雙魚座囡囡喇!

我訓左9日醫院,尋晚先出院咋!不過BB囡因為之前有D發燒所以仲要留院觀察多一日(一共要打7日療程既針呀!好慘哦!見到佢我就好心痛 :-( ) 希望佢聽日可以出院喇!
希望大家會繼續為我們祈禱祝福!

生BB既經歷同餵人奶既慘痛,我遲D再同大家分享.咁多日既留言我就要等得間先再慢慢覆喇!
我而家要返醫院探BB喇! CU!

私人傳訊

MaMa^-^Ada

子爵府

積分: 12555

145^#

發表於 05-3-27 13:26 |只看該作者

Re: 78年"馬"會~~歡迎1978的媽媽(爸爸)! ^v^

gillian,
休息多D呀，食多D嘢！
做咩要開刀呀？
喂....放張想係簽名位呀？

[size=small]My little baby Vivian ！

私人傳訊

carlily

積分: 1705

146^#

發表於 05-3-27 17:58 |只看該作者

Re: 78年"馬"會~~歡迎1978的媽媽(爸爸)! ^v^

gillian

係啦... 做咩要開刀... ????

開刀要休息多d 啦... !! 仲上網. .hehheheh

Josephine :-P

私人傳訊

積分: 2336

147^#

發表於 05-4-2 01:14 |只看該作者

Re: 78年"馬"會~~歡迎1978的媽媽(爸爸)! ^v^

gillian,

你係未因為過了預產期好幾日,而打了"摧生針"BB都唔出世所以醫生才替你開刀呢? (因為我有個親戚都係咁)

你要好好休息呀! 你BB囡現在出了院未呀?

祝你和你的小千金身體健康

靚靚的Natalie ^!^ & 可愛的昫光仔仔 :-) * 歡迎來到盈盈&昫光Friends Club* http://by.lilypie.com/tg95p8.png

私人傳訊

tsznok

侯爵府

積分: 21494

好媽媽勳章

148^#

發表於 05-4-8 08:11 |只看該作者

Re: 78年"馬"會~~歡迎1978的媽媽(爸爸)! ^v^

[size=large]恭喜gillian呀~~~~~

你要先休息多d呀!!!!

§ 為左食得好又健康啲，靚太橫行廚房中… §

私人傳訊

積分: 3489

149^#

發表於 05-4-8 19:06 |只看該作者

Re: 78年"馬"會~~歡迎1978的媽媽(爸爸)! ^v^

各位媽咪~

今日睇番D留言先知道有咁多媽咪擔心我地倆母女,真係過意唔去呀!我而家好少上網lu,就算有時間精神上黎,都去左'05年3月媽咪會'果邊,同D媽咪講生BB既經歷,照顧BB同餵人奶既'緊要'事,搞到今日先得閒再過黎尼邊,要你地久等真係唔好意思!
好多謝你地關心呀!我囡囡3/27中午終於可以出院返左屋企喇!

照顧BB真係好辛苦架!忙到頭頂都就黎出煙

尤其係餵人奶,大約2個鐘就要餵一次,我尼個'為食衰妹' 又好似食極都唔飽咁,餐前餐後都各要換一次'片',我真係忙到死死下呀!

我老公就成日都笑我,話我好犀利!可以生到一個咁重咁大既BB!

等我報導下生BB既情況喇!

原來生BB真係幾辛苦架!好在都唔算好痛,因為頭2日做'催生'只係需要放藥丸入陰道,然後等'反應'(宮縮)不過只係可以維持到十至十五分鐘一次冇規律的宮縮,而且陣痛'指數'只係去到一百五十,但係2日以來'下面'一度都開唔到呀! :-( 醫生都話好神奇?未見過有太太陰道咁'貼'架!

所以佢都忍唔住要幫我用手'鬆'幾下幫下我 (好在佢係女醫生咋!咁先冇咁尷尬)...

第二晚我由8點開始綁機check BB心跳,同宮縮指數,眼見另一位同我同日放藥既太太(都係放左2粒催生藥) 已經痛到死死下,去到一百九十幾,五分鐘規律性痛一次,我都好心急呀!點知到左十點鐘,BB心跳成日維持係'一百七十幾',而且郁得好勁,所以我立即按鐘叫姑娘黎,佢都話我好叻,咁都留意到...當時佢都唔知點算,即刻call左2個醫生黎睇我,叫我吸氧氣,打針,手背插喉滴'藥水',仲要開始禁食,連飲水同去所都唔得

到左半夜2點幾,BB情況都係一樣,所以要即刻將我連人帶床搬去產房'準備'....唔知點解,到左產房既'產前準備'病房,BB既情況又好轉了,回復一百三十至一百五十,連宮縮都變得有規律!?-( 就係咁,我就'靜靜的'?左一晚.

第二朝檢查,我依然一度都未開,醫生問我仲放唔放最後的第三粒藥?我話唔想試喇!因為未必有用,而且之前37週私家醫生話BB已經7磅(40週一定過8磅,好難順產) 所以佢地就幫我照多次超聲波,結果係BB頭圍有41週(我當時係41週2日) 肚圍同腳長都係44週

仲有4點幾kg,醫生問我想唔想開刀? 我話只要'快'就得喇!唔想再拖...所以醫生立即check下有冇醫生得閒同手術室俾我?...

本來諗住老公可以陪我入產房生BB,可惜最後都係要開刀搞到佢要係'門口'等...好在等左2個鐘我就可以入手術室,半身麻醉後,只是過了十五分鐘我的囡囡便出世了,佢喊得好大聲架!聽聞佢仲搞到一地都係'臭臭'(有個姑娘踩中左) :mrgreen: 我就過多半個鐘先可以出手術室....做手術真係幾辛苦架!D藥力過左之後真係幾痛!(包括子宮收縮)

最搞笑係老公同媽咪係我麻醉前趕到去醫院探我,但係姑娘話我要做一個鐘頭手術,所以媽咪叫我老公去食飯先(媽咪之前食左) 點知BB只係十五分鐘就'出左黎',所以當姑娘抱BB出去搵'爸爸'時,'婆婆'(我阿媽)話'爸爸'去左食飯

個姑娘都覺得'出奇'? (我同老公都覺得好可惜呀!見証唔到尼個重要時刻 :cry:)

3/19 一點幾生左BB之後,我就去左接受觀察,3點幾上到病房第一次餵母乳,真係好難忘架!BB好為食,就算我未'上奶',我囡囡都吸啜左成個鐘頭

不過之後果2餐因為我要檢查同?係張床度,而且已經禁食左一日,所以姑娘話幫我餵奶粉...點知到左第二朝我想去餵BB時,醫生就話BB發燒要'入箱'接受觀察(一日)...之後醫生話佢有少少感染,要打一個療程7日既針(一日打4支係手背既藥水針位) :-| 因為支針口位綁足7日,成隻手都變成瘀黑色,我見到真係好心痛呀!...為左見佢,我每日都會去佢病房餵足3次奶(早午晚最多3次)不過每次見到佢咁慘,我都好想喊 :cry: 好在終於捱過了,BB已經出左院個幾星期喇!

生BB既經歷真係畢生難忘呀!係醫院見到好多唔同性格既醫護人員,媽咪,我仲識左5個朋友添!(交換晒電話,講好第時帶埋BB去飲茶

) 我地一齊住係一間房差唔多5日(產後房),我地都係開刀架!各人既情況都唔同,其中一個同我同日放藥既媽咪,就冇我咁好彩,佢放埋第三日既催生藥都係唔得,只係感到強烈既宮縮,但只開了'4度',但佢又有妊娠糖尿,所以醫生唔想佢開刀,到左第4晚先幫佢開刀,足足比我痛多左2日

另外有2個BB都係要入'觀察病房',一個'有黃',一個生得太急(痛左一個鐘就生,子宮急促收縮),BB塊面變成瘀黑色....

私人傳訊

積分: 3489

150^#

發表於 05-4-8 19:39 |只看該作者

Re: 78年"馬"會~~歡迎1978的媽媽(爸爸)! ^v^

各位媽咪~

你地以前餵人奶既情況係點架?...我到而家都唔係餵得咁順利?BB成日食完都仲好似好肚餓咁既? :cry:

我果日剛生完BB三個鐘頭就'埋身'餵第一次!(因為我禁食仲插住2條喉,所以要瞓o向度餵) 雖然未有奶水,但BB都肯啜,仲啜足成個鐘頭添!

夜晚就由護士用'杯仔'餵奶粉(因為我仲要休息未落得床) 姑娘話如果決定餵人奶,佢地就唔會用奶樽餵,連媽咪餵人奶後要'補奶'都要用杯仔,唔係佢地用左'奶咀頭'就唔想吸乳頭了....

之後我媽咪每日都會煲2次魚湯去醫院俾我飲,等我快D'上奶'...點知第二朝醫生話BB發燒要係'隔離病房'觀察,只可以俾BB父母早午晚去睇BB 3次,所以我就盡力係個3次都餵人奶, 不過因為唔夠床位,醫生叫我出院先,所以我唔可以全日留係醫院,唯有早,午餵BB2餐,不過媽咪話每日只餵2次,我會'谷奶',個胸實晒之後就會'停奶'餵唔到BB,仲話醫院冇可能一開始就分開我同BB 7日,係咁叫我爭取半夜都去餵埋,(11點 & 3點)果時我右邊胸已經開始實,左邊胸就好脹,好似個水袋咁,仲有D痛添!我覺得自己真係好慘呀!BB已經冇得留係身邊(其他媽咪既BB第二日已經可以全日跟住媽咪)媽咪仲要成日話我,唔緊張餵BB,再唔理就會變大細胸,而且會冇奶,就算有但隔左成晚先再餵BB,已經唔'新鮮'喇!仲叫我每一次一定要2邊胸都餵晒(但醫生就建議每餐只餵一邊,大約半個鐘-1小時,因為初乳同後期的乳營養唔同) 搞到我左右做人難,唔知點好,最後唯有半夜起身借醫院部機'泵奶'泵2次奶放入雪柜,第二日再'座熱'俾番BB飲....

BB出左院之後,我差唔多2個鐘就要餵一次奶,每次約半個鐘(夾埋,因為佢成日食十分鐘就瞓左,要整醒佢幾次) 真係好攰呀!唔知係咪因為BB每次都要好出力啜,所以會食食下就攰到瞓著左呢?有時我整醒佢,佢就好出力咁用口拉住我,搞到我兩邊乳頭都好痛呀! :cry: ....不過見到BB飲完好滿足既樣,真係幾開心既!

其實我都算幾好彩架喇!唔駛一次過有尼兩種痛苦經歷(我只有中度不規律陣痛,仲未見紅同穿水!就入左去'開刀'lu

) 我有時聽其他媽咪講起生BB!搞到我好似親歷其境咁,感覺到佢地當時既痛楚! :cry: 好在我唔駛痛好耐就可以開刀. 有個媽咪'見紅'都要痛足5日先開到7度入產房等生BB呀!另一個'穿水'入產房痛左18個鐘,但都係開到6度咋!BB心跳仲不停下降,最後又要開刀)

我真係想像唔到呀!

今次講住咁多先喇!就黎又要食飯....而且屋企有幾個人睇實我,成日叫我去休息(瞓覺)呀!話坐月要瞓多D,唔好成日坐,唔係第日會腰骨痛喎!而且抱住/照顧緊BB又話唔可以用電腦,怕有副射喎!

遲D再傾喇!

私人傳訊

積分: 2336

151^#

發表於 05-4-9 00:20 |只看該作者

Re: 78年"馬"會~~歡迎1978的媽媽(爸爸)! ^v^

Hi gillianchan

你同你囡囡幾好嗎? o華! 好"西利"呀, 你一次過可以打咁多字o架!

你的生產過程真係比一般人精彩, 因為好少有人會落了藥仲一度都唔開的。

至於餵人奶方面,我生第一胎時都有餵過,但都失敗了, 因為個囡唔叻食加上我又少奶水,所以第三日就餵回奶粉。而生囝囝時就全程餵奶粉,不用煩(因為我懶 :lol: )

你要加油呀! 記得一有時間就要休息o下!

靚靚的Natalie ^!^ & 可愛的昫光仔仔 :-) * 歡迎來到盈盈&昫光Friends Club* http://by.lilypie.com/tg95p8.png

私人傳訊

tsznok

侯爵府

積分: 21494

好媽媽勳章

152^#

發表於 05-4-9 16:00 |只看該作者

Re: 78年"馬"會~~歡迎1978的媽媽(爸爸)! ^v^

gillian,

我就餵左兩個月人奶。本來想一直餵傢,不過當我一放完假番工第一日就因為放唔切奶水而發高燒。最後堅持多一個星期就放棄喇。

餵人奶雖然辛苦,但係都值得既,所以我呢一胎都打算餵人奶傢!

§ 為左食得好又健康啲，靚太橫行廚房中… §

私人傳訊

積分: 3489

153^#

發表於 05-4-9 16:57 |只看該作者

Re: 78年"馬"會~~歡迎1978的媽媽(爸爸)! ^v^

我總於睇晒你地之前D留言lu,再次多謝你地呀!希望你地既仔仔囡囡都健康快樂,聽教聽話喇! :lol: 我有時間會多D上黎架喇!

櫻桃子~

HIHI!歡迎你哦!第一次正式同你打招呼!

我都係咁話呀!一個夠晒數.....不過我老公就想我追多個仔喇!

唔理得佢咁多lu,又唔駛佢駝,又唔駛佢生,佢梗係想要多個喇!但我就唔制lu,咁辛苦 :-P ( 所以我真係好佩服Ada~ 哈哈!)

claire11~

其實我地都算早結婚架喇!(不過都唔夠Ada早,哈哈!) 我23歲結婚果時D朋友都話我早呀!(而家又係我最早生BB)

係呀!你婚後有冇返工呢?而家有BB又有冇返工呀?....我放到5/10就要返工喇!到時可能仲要帶埋BB返公司添!因為我幫阿爸看鋪,而且要餵人奶嘛!

我都諗緊幾時開始'修身'呀!因為D水腫仲好勁,而且要餵人奶俾BB,所以每日都食4-5餐,想瘦都幾難喇!

我諗要去'做機'先得lu.

我同囡囡身体都OK喇!有心喇! 上2篇D字係之前我係05年3月媽咪會打架!今次copy過黎好方便o者!

講到我D生產經歷都唔算'精彩'喇!有D媽咪仲勁!(上文提及的幾位) 如果俾我落左藥但要痛足3日3夜先開刀(因為只開得6度) 仲慘喇!

好在個醫生'英明'決定盡快幫我開刀咋!

claire11~ & tsznok~
我媽咪好堅決,一定要我餵人奶呀!

我唯有'補奶'加2餐2安奶粉俾BB飲囉! :-| 不過BB都係重得好慢呀!可能我要再俾多少少奶粉佢飲lu.其實姑娘話而家D奶粉已經幾好架喇!所以就算全奶粉都OK,BB一樣可以健康成長,所以我反而羨慕你地呢! :wink:

tsznok~

恭喜你哦!

你幾時去照超聲波呀?你係咪好心急想知道係仔定囡呢? 你/老公今胎係咪想要囡囡呀?咁就有個'好'字喇!...希望你地'心想事成',要仔得仔,要囡得囡喇!

私人傳訊

mercy_mama

男爵府

積分: 9761

154^#

發表於 05-4-11 18:53 |只看該作者

Re: 78年"馬"會~~歡迎1978的媽媽(爸爸)! ^v^

gillianchan:

I feel very happy as I heard your news

.

I am very busy now, so I am rare to come here. My husband already go to India (出trip), my son have exam this week, my daughter is fever so can't go 育嬰院, as she is 出牙(一次過五隻),so.....

she feel very uncomfortable.

:-D 我於七月四日在廣華醫院出世 :-D 4/7 = 3.27Kg 13/7 = 3.7Kg 4/8 = 4.2Kg 23/8 = 5Kg

私人傳訊

mercy_mama

男爵府

積分: 9761

155^#

發表於 05-4-11 18:58 |只看該作者

Re: 78年"馬"會~~歡迎1978的媽媽(爸爸)! ^v^

tsznok:
I saw the message from other topic about your choice, happy to hear you that you are pregant.
Also happy to hear you to keep this BB. Same as me, I also think about abort when I know I am pregent (my daughter)

, as my son already 8, I don't want to start again. :mrgreen: :mrgreen: .Anyway, take care yourself.

:-D 我於七月四日在廣華醫院出世 :-D 4/7 = 3.27Kg 13/7 = 3.7Kg 4/8 = 4.2Kg 23/8 = 5Kg

私人傳訊

積分: 2336

156^#

發表於 05-4-12 13:33 |只看該作者

Re: 78年"馬"會~~歡迎1978的媽媽(爸爸)! ^v^

Hi gillianchan,

我當初都會好似你咁諗生一個就夠, 但到了BB兩三歲時又想生多個,因為我發覺兩個無咁悶, 我相信你第時都會係咁諗的

我結婚後當然是要返工啦! 因為我唔想同社會脫節, 加上自己亦可以多d$洗

而生完BB後亦一樣。

你就好啦! 打自己工, 仲要成十月才返工, 簡直"正"呀!

靚靚的Natalie ^!^ & 可愛的昫光仔仔 :-) * 歡迎來到盈盈&昫光Friends Club* http://by.lilypie.com/tg95p8.png

私人傳訊

積分: 3489

157^#

發表於 05-4-13 17:02 |只看該作者

Re: 78年"馬"會~~歡迎1978的媽媽(爸爸)! ^v^

mercy_mama~

你真係幾忙喎!要自己一個照顧晒仔仔囡囡

你老公要幾時先返呢?
要俾心機同仔仔溫書喎!希望佢可以有好好既成績喇!

你囡囡一次過出五隻牙仔一定好辛苦好'忟'架喇!希望佢快D捱過喇!

claire11~

哈哈!我而家真係唔知第日仲想唔想生多個喎?到時先算喇!

而家尼個臭B我都仲未搞得掂呀!

雖然我都唔想同社會脫節,不過我都想試下做'少奶奶',係屋企照顧BB,打掃做家務,得閒去下shopping

...可惜仲要供樓,而家又要搵一筆俾BB用,真係有排都唔駛諗lu ?-(

我幫阿爸打工都係要受氣架!唔係自己話晒事,而且我係5月10日就要返工喇!只係如果我帶埋BB返工搞唔掂既,就會停薪留職,遲D先再返工囉! 希望我到時可以兼顧到喇!

私人傳訊

carlily

積分: 1705

158^#

發表於 05-4-15 09:52 |只看該作者

Re: 78年"馬"會~~歡迎1978的媽媽(爸爸)! ^v^

GILLAN..

咁亞B 係舖會唔會唔方便架 ????

Josephine :-P

私人傳訊

積分: 3489

159^#

發表於 05-4-18 17:13 |只看該作者

Re: 78年"馬"會~~歡迎1978的媽媽(爸爸)! ^v^

各位~

我終於趕得切係囡囡'滿月'前幫佢改左個名喇!叫李卓穜 (讀音'童') 尼個名係咪好特別呢? 會唔會好怪呀? 我同老公改尼個名係因為卓&穜係3個改名網頁中話對雞年BB好,而筆劃同分項劃數解說全部都係'中上'既吉數,讀起黎都幾順丫,所以我同老公終於都有共識喇!以後就叫佢做'穜穜豬' :mrgreen:

我前2日整好囡囡個網頁喇!

希望大家有時間都去睇睇喇!

http://www.babyhome.com.tw/bb/72473 睇完去留言板話我知'到此一遊'喎!

我囡囡尼幾日食人奶/奶粉都好急呀!成日'逐親',食完就會掃左風都會嘔返幾啖奶出黎(就算係人奶都會咁) 而且仲隔左一陣先嘔,所以要成日幫佢換衫呀!今朝一早餵佢,掃完風抱左一陣,放佢落床瞓左一陣佢就吐奶喇!搞到塊面,耳仔,頭髮,枕頭同衫都有奶呀!一早就要同佢洗頭沖涼換衫,洗衫

唉!其實我餵人奶已經唔夠瞓,幾辛苦架喇!但我生完BB同之前都仲差廿磅呀! :-( 我今日上晝磅同尋日相差0.6kg,唔知幾時先可以減到以前咁呢? ?-(

唉! 好慘呀!因為我鋪頭'替工'個仔仔'肺炎'入左院呀!佢唔可以再返工,媽咪每日朝早要買'食送'返黎,俾我煮中午果餐,再落去睇鋪,夜晚返黎又要煮飯煲湯,幫我睇BB(等我去沖涼休息下) 佢真係好辛苦!所以經過家庭會議之後決定,我要提早返工喇!4/20坐完月就要帶埋BB返工

carlily~ 我都唔知到時搞唔搞得掂呀?不過媽咪都可以係鋪頭煮飯煲湯陪下我,幫手照顧下BB

為左唔駛佢2邊走,冇計喇!好在我平日係屋企都唔駛點訓晏覺咋!如果瞓慣左就仲慘!

私人傳訊

carlily