吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 0|主題: 16120

收藏本版

發帖

返回列表

跳至頁

樓主: 22May

"Apple關仁隱事"一齊諗

6 789 10...84

積分: 90180

2025勳章蛇年勳章 2024年龍年勳章熱血金章畀面勳章叻叻勳章有「營」勳章大廚勳章

141^#

發表於 11-11-25 21:22 |只看該作者

引用：仲有可唔可以講今期忽周:1.許留山++++二奶

原帖由 weisscarton 於 11-11-24 發表
仲有可唔可以講今期忽周:1.許留山二奶遍布大江南山
2.老婆奴局內地女星玩車震
3.斯文龜愛玩 3 ...

我估：1／鄭少秋，2／林文龍，3／吳啟華，4／魏俊傑，5／唐文龍

The meeting of two personalities is like the contact of two chemical substances: if there is any reaction, both are transformed.

Carl Jung (1875 - 1961)

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

142^#

發表於 11-11-28 09:36 |只看該作者

關仁隱事：「順嫂」搵錢算到盡
2011年11月27日
「順嫂」老公「順叔」玩得兼朋友多，賺錢能力仲一級棒，過往順嫂成日俾人指摘大花筒，只識使老公錢，不過自從順嫂將扮靚嘅興趣搞咗盤生意後，就完全唔同晒，見報率幾乎同老公不相伯仲。

乜都計錢
順嫂打造自己係潮人代表，吸金能力的確一流，除咗自己盤賣衫生意外，只要佢出個名話幫手設計又袋一嚿，出席大小活動乜都錢錢錢，關仁知原來佢玩微博都一樣生財有道，出相出名要逐條收錢，閒閒哋發一條微博要袋 5位數字，所以順嫂喺微博只會提自己同幾個好友嘅私伙生意品牌，絕唔會分享扮靚心得，惜字如金。

「順嫂」= 徐濠螢
「順叔」= Eason Chan

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

143^#

發表於 11-11-28 09:39 |只看該作者

本帖最後由 22May 於 11-11-28 14:36 編輯

關仁隱事：「尾尾」鬧人唔使本
2011年11月27日
「尾尾」出名巴辣，雖然每年都會去泰國求神庇佑，仲滿口經文，但一樣好好火。關仁就見識過佢嘅潑辣，有次喺銅鑼灣撞見佢同菲傭去買海味，點知見到狗仔隊偷影，雖然班狗仔已經唔好意思前、唔好意思後，仲好禮貌咁問可唔可以影張相，話口未完，尾尾即衝出舖頭追住人嚟鬧，把聲大到雷公咁響，由街頭鬧到街尾，佢個菲傭見到咁多人圍觀咁核突，好心出面勸兩句，點知衰多兩錢，最後仲俾尾尾鬧埋一份，認真可憐。

「尾尾」= 狄波拉

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

144^#

發表於 11-11-28 09:40 |只看該作者

關仁隱事：「河粉」、「夜女」愛癡纏
2011年11月27日
樂壇「河粉」同「夜女」嗰段同性之戀，近年越嚟越明朗化，可能因為夜女已經貴為一姐，喺公司已經有話事權，唔使再聽教聽話，所以佢喺公開場合見到「河粉」都唔會避忌，亦唔抗拒喺記者面前談論對方，佢哋仲會互相探班爭取見面時間，有次夜女趁開工前有少少時間，都要飛去探影緊相嘅河粉班，都係為咗見一面。關仁有次同河粉傾偈，點知隔幾日關仁見到夜女，佢講起話河粉有提起關仁，擺明佢哋日日互報行蹤啦，關係密切。

「河粉」= 何CC
「夜女」= Joey

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

145^#

發表於 11-11-28 09:44 |只看該作者

關仁隱事：「白雪雪」送上門食檸檬
2011年11月28日
內地色藝俱全靚女「白雪雪」，佢嘅入幕之賓真係恒河沙數，未紅拍電視劇《一秒變格格》嘅時候已經譽滿片場，上至電工下至掃地差不多都同佢有過至少一手。到白雪雪發財立品，要成為佢嘅好朋友都唔係一般人可以，對佢有利用價值嘅至會埋身。不過呢個世界有冇唔食魚嘅貓，答案係有嘅，就係「 Chok到瘋」，話說佢同白雪雪合作拍「一碌木」嘅戲時，半夜三間 Chok到瘋正在沉迷打機之際，忽然有人拍門，開門就見到白雪雪着住睡衣企喺門口，明眼人都知乜嘢事，點知 Chok到瘋就冷笑講咗聲「我唔啱你㗎」真係型到冇朋友，可憐白雪雪嗰晚就死死地氣返房。

「白雪雪」= 范冰冰
「 Chok到瘋」= 謝霆鋒

點評

leechansandy Chok到瘋

發表於 12-8-4 13:37

blink_blink 唏! 我仲以為係林fung添!!!

發表於 11-12-3 17:49

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

146^#

發表於 11-11-29 09:09 |只看該作者

關仁隱事：「豬科」租私竇方便滾女
2011年11月29日
剛離開公仔箱北上賺人仔嘅「豬科」，近排再爆桃色是非，豬科份人鹹濕所有公仔箱嘅女仔都知，佢次次拍劇不但狂追同劇花旦，就連一啲不知名嘅小花都唔放過。豬科雖然已為人夫，但次次媾女都出盡冧招，關仁聽聞佢同幾個男藝人仲夾份租咗個私竇，輪流帶女上去密會，豬科次次飲大兩杯就亂性，一係對異性毛手毛腳，女方啞忍自然正中佢下懷，但當女方反抗，豬科試過爆粗問候人全家，關仁覺得佢咁冇品，真係男人之恥。

「豬科」= G4 = 馬德鐘

點評

connielamyee agree~ 發表於 11-11-29 12:47

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

147^#

發表於 11-11-30 09:16 |只看該作者

本帖最後由 22May 於 11-11-30 09:17 編輯

關仁隱事：「女神」原諒「餓狼」有着數
2011年11月30日
最近「飢民」同「餓狼」鹹濕「女神」單嘢有新發展，女神個師傅「仙腳」話原諒餓狼，只係輕輕責怪佢護花不力，態度同最初真係 180度轉變。關仁收到風，原來餓狼搵咗唔少人幫手向仙腳求情，當中以「數字」最落力，聽聞數字以捧紅女神做交換條件，例如安排佢拍劇同做多啲其他節目，仙腳聽完覺得咁做法對女神有利無害，所以決定同數字做場大龍鳳，幫餓狼洗脫污名。至於餓狼早排話捐錢去慈善機構，聽聞只係吹水，有關方面根本冇收過佢一毫子

「女神」= 陳嘉桓
「餓狼」= 馬德鐘
「飢民」= 陳浩民
「數字」= 620 = 樂易玲

點評

connielamyee

發表於 11-11-30 10:44

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

148^#

發表於 11-12-1 09:26 |只看該作者

本帖最後由 22May 於 11-12-1 15:33 編輯

關仁隱事：「鞋抽」攬鬼妹睇四仔
2011年12月01日
家啲狗仔隊咁犀利無遠弗屆好多明星搵食都要好小心，講起以前美好的時光不禁令人欷歔，有位當年喺大埔道有一間非常出名酒店做廚嘅老友話，當時好多藝人都喺度開房搞嘢，貪佢隔涉。當中就有當時仲未離婚嘅「第一代電話」同「鬼女紅」喺度偷情，佢哋食飯都食得寃氣過人，隻手要喺枱底拖住。另外有位笑匠「鞋抽」對外籍女子情有獨鍾，每次都會帶唔同身材又惹火嘅女子嚟開房，據執房嘅服務生話，佢每次走都會留低好多四級刊物。而已故嘅有錢佬「金粉人」就好好精力，每次都會帶兩位美女到場開餐，不過俱往矣。

「第一代電話」= 大哥大 = 洪金寶
「鬼女紅」= 高麗紅??
「鞋抽」= 吳耀X (Thanks 琛媽)
「金粉人」= 周啟邦??

點評

琛媽鞋抽 = 吳耀x 發表於 11-12-1 12:57

很想知道，追夢的人是如何踏出第一步?

私人傳訊

michtony

大宅

積分: 3712

149^#

發表於 11-12-2 09:16 |只看該作者

本帖最後由 michtony 於 11-12-2 09:17 編輯

關仁隱事：「省鏡」搞大個肚唔肯嫁
2011年12月02日

喺公仔箱做咗一排都冇乜起色嘅「省鏡」，真係同一條老泥妹冇乜分別，擺明唔係聽教聽話純純品品嗰種，早排仲同條仔玩過火，大埋肚㖭。其實省鏡外形普通，娘味又重，公仔箱咪唔多重用佢囉，成日派佢去做記者，訪問吓啲藝人，有次畀佢拍劇扮情婦畀卧底勾引，叫做最威㗎喇。事業唔如意，梗係專注感情啦，點知省鏡呢鑊未婚懷孕竟然唔肯嫁，佢嫌男友冇家底，於是就想落咗個 BB，想喺娛圈玩多幾年，睇吓有冇機會上位。

袁嘉敏? ("東張西望"記者、"潛行狙擊"丁敏 )

點評

connielamyee agree~ 發表於 11-12-2 11:58

22May 勁!! 發表於 11-12-2 09:23

私人傳訊

blink_blink

公爵府

積分: 29916

環保接龍勳章大廚勳章

150^#

發表於 11-12-3 17:50 |只看該作者

The moon is reaching for me~

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

151^#

發表於 11-12-5 09:10 |只看該作者

關仁隱事：「慢速」行騷鬆踭攝位
2011年12月04日
少女「慢速」被抽水事件，越搞越離奇複雜，由受害新人變成爛玩出事，各有各版本。查實慢速都唔係簡單少女，戰鬥力更比真實年齡大。關仁知佢出道初期密密行商場騷，試過幾次同前輩名模同台，慢速完全唔怯場，喺後台又唔使等人照顧，非常獨立。有次佢同鬼妹名模一齊出騷，上台嘅出口位好細，慢速二話不說，一個身位攝上前搶咗個出場位先，再向洋模批踭，嚇到洋模及同場公關、工作人員都為之咋舌，而慢速就繼續施施然上台。慢速呢種「進取」唔輸蝕嘅態度，難怪咁快上位。

「慢速」= 陳嘉桓

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

152^#

發表於 11-12-5 09:13 |只看該作者

本帖最後由 22May 於 11-12-5 09:15 編輯

關仁隱事：「黑珍珠」勁咳唔戴罩
2011年12月04日
做極唔起嘅三線歌手「黑珍珠」，以前黐住「蠢哥」同「阿伯」間公司都叫做有啲人識，點知家佢自己走咗出嚟，除咗要四圍借錢出碟外，乜都要一腳踢，其實好心佢就唔好留戀做歌手，應該正正經經出去搵份工好過。唔知佢係唔係捱得太辛苦關係，之前佢出席活動時喺現場勁咳唔停，好似患咗肺癆咁，搞到現場個個都避之則吉，但黑珍珠就唔理咁多繼續咳咳咳，現場好多人都睇唔過眼佢咳成咁都唔戴口罩，仲要大安旨意傳播細菌，認真冇公德心。

「黑珍珠」= 鄧穎芝
「蠢哥」= 叻哥
「阿伯」= 譚校長

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

153^#

發表於 11-12-5 09:14 |只看該作者

本帖最後由 22May 於 11-12-5 09:16 編輯

關仁隱事：「奸仔」黑面臭寸 EQ低
2011年12月04日
「奸仔」入咗娛樂圈好多年，不過佢一直喺戲裏面都係演大茄，從來都未試過擔正。近日奸仔學人進軍樂壇出唱片，為咗新碟，奸仔要四出去電台同記者會宣傳，關仁聽到啲記者朋友次次同奸仔做完訪問都鬧到佢飛起，話佢態度差又寸，俾記者問起啲緋聞即黑晒面，其實有邊個地方啲當紅藝人，唔會俾記者問到八卦嘢吖！奸仔份人懶有性格， EQ又低，睇嚟佢都係適合做番啲二、三線角色，唔需要做訪問，咁大家都會開心啲。

「奸仔」= 尹子維

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

154^#

發表於 11-12-5 09:18 |只看該作者

關仁隱事：「阿姨」晚晚俾鹹濕鬼搞
2011年12月05日
「阿姨」周身刀把把利，唔止演技得，仲唱得同跳得，之前仲做埋電台 DJ，佢嘅親切笑容甚得民心。早排有個老友講咗個關於阿姨嘅秘密畀關仁知，阿姨之前懷疑撞鬼，連續幾晚都發鹹濕夢，晚晚都係同一個男人，佢仲清楚睇到個男人嘅樣，連佢個名都記得，每晚搞完紮醒，阿姨嚇到猛嗌大吉利是。阿姨住嘅單位係租嘅，租咗冇耐，有日佢發現一張屋主嘅水費單嚇咗一跳，單上個名同佢發夢見到嘅男人同名同姓，而呢位屋主幾年前已過身，嚇到阿姨即刻搬走，之後冇再夢到啲衰嘢。

「阿姨」= 好姨

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

155^#

發表於 11-12-6 09:30 |只看該作者

關仁隱事：「馬騮」狂黐靚女有前科
2011年12月06日
「馬騮」最近因為鹹濕搞到一身蟻，民意調查一面倒幫晒受害者「膠碗」，不過馬騮班死黨就好戥馬騮唔抵，覺得佢份人一向咁貪玩，所謂願者上釣，如果唔係膠碗表現熱情，連續同人玩咗幾晚，馬騮一定唔會咁狼死。不過，關仁有次去飯局就見識過馬騮嘅口花花伎倆，成枱人食飯，佢睇中一個啱啱出嚟做嘢嘅公關妹妹，於是不停讚人靚女，仲不時將塊面貼到好埋傾偈，第一次見就咁猖狂，雖然冇毛手毛腳，但就嚇到妹妹仔頭耷耷好尷尬，走咗又怕失禮，迫於無奈食埋餐飯，但講明之後咪搞喎！

「馬騮」= 陳浩民
「膠碗」= 陳嘉桓

很想知道，追夢的人是如何踏出第一步?

私人傳訊

mickeyeva

瑪瑙宮

積分: 141299

2025勳章蛇年勳章 2024年龍年勳章 2023年兔年勳章虎到金來勳章畀面勳章環保接龍勳章親子達人勳章 BK Milk勳章

156^#

發表於 11-12-6 15:02 |只看該作者

22May 發表於 11-12-5 09:14
關仁隱事：「奸仔」黑面臭寸 EQ低
2011年12月04日
「奸仔」入咗娛樂圈好多年，不過佢一直喺戲裏面都係演大 ...

好叻, 咁都估到!

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

157^#

發表於 11-12-7 09:30 |只看該作者

關仁隱事：「輸晒男友」充大頭鬼
2011年12月07日
hea爆嘅鬥靚美女「輸晒」一向戀愛大過天，早排佢換畫同一個高科技公司老闆拍拖，外傳佢呢位男友屋企有啲家底，拍得住輸晒，但有二五同關仁報料，話輸晒嘅新歡唔係有錢仔，亦唔係公司老細，佢其實只係打工仔一名，幫親戚手暫時打理公司。為咗追求有錢女輸晒，新歡惟有吓吓充大頭鬼死撐。
原來輸晒新歡好鍾意同娛圈女仔交往，佢之前個女朋友就係曾經喺三色台做三、四線藝員嘅「單單」，由於單單嘅名氣同家底都差輸晒幾條街，新歡咪即刻飛甩單單力追輸晒囉，但輸晒完全唔知自己做咗第三者，真係懵盛盛。

「輸晒」= 張舒雅
「輸晒男友」= Samuel Kam

很想知道，追夢的人是如何踏出第一步?

私人傳訊

connielamyee

水晶宮

積分: 58547

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章牛年勳章 2018復活節勳章 hashtag影視迷勳章畀面勳章環保接龍勳章 BK Milk勳章

158^#

發表於 11-12-7 20:06 |只看該作者

22May 發表於 11-12-7 09:30
關仁隱事：「輸晒男友」充大頭鬼
2011年12月07日
hea爆嘅鬥靚美女「輸晒」一向戀愛大過天，早排佢換畫同一 ...

咁勁, 連男朋友名都知~~

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

159^#

發表於 11-12-8 09:30 |只看該作者

關仁隱事：「黑人」「電眼」愛斤斤計較
2011年12月08日
女明星愛比行頭，但原來男明星都玩呢一套，男人老狗表面好似好無所謂，但其實背後都愛斤斤計較，關仁聽聞早前「電眼影帝」同「黑人影帝」喺一部新戲碰頭，見記者時佢哋大家都和顏悅色，惺惺相惜，佢哋需要返內地取景，身為影帝都好緊張食住安排，話說電眼影帝未入劇組就問工作人員有乜嘢安排，跟住第二個問題係好關心對手黑人影帝係咪一樣同級酒店同食宿安排，當發現自己稍遜少少，電眼影帝就火都嚟晒，發爛渣要求平等安排，工作人員正頭痕之際，論到黑人影帝出招，佢又問番同電眼影帝一模一樣問題，工作人員唔想得失任何一方，索性乜都雙份，等佢哋平起平坐。呢件事上，關仁好奇怪平時愛低調嘅黑人影帝忽然乜都爭一餐，睇嚟佢平時扮嘢嘅冇所謂，純粹真係好戲。

「黑人」= 青雲
「電眼」= 朝偉
新戲 =《大魔術師》

很想知道，追夢的人是如何踏出第一步?

私人傳訊

michtony

大宅

積分: 3712

160^#

發表於 11-12-9 09:16 |只看該作者

關仁隱事：「大兵」埋錯堆斷米路2011年12月09日
台灣藝人「大兵」早幾年拍咗幾套台劇《同鬼瞓》同《換 partner》喺香港都非常受歡迎，迷倒一班香港嘅女粉絲。不過反而近兩年簽咗畀香港嘅「大婆」經理人公司之後就風光不再，據二五同關仁話，簽大兵係「數字小姐」嘅主意，佢一向對靚仔情有獨鍾，又可以抽佣何樂而不為。點知大兵唔係好賣佢賬，加上數字小姐次次同人傾合作，開嘅都係天價條件，所以搞到冇人搵佢做嘢拍戲。你知呢行人氣要靠曝光 keep住，搞多兩搞咪冇人記得囉，嗰兩年大兵都知死未滿約已經周圍同人呻，一約滿就急急影輯勁激相去冲喜，諗住衰氣過咗翻身再嚟。

「大兵」=賀軍翔
《同鬼瞓》=《惡魔在身邊》
《換 partner》=《換換愛》
「數字小姐」=樂易玲