嬰兒醫護

收藏本版
發帖
返回列表
跳至頁

首頁
678910...61

尾頁
   1369
Kimberly87


大宅

積分: 2626


141#
發表於 11-10-3 08:02 |只看該作者

回覆：KanamMiu 的帖子

哈哈，我都係全人奶架！同你想法一樣都係覺得人奶係好難四個中一餐！不過真係得喎 ^^有左固定時間表同四個中一次餵奶真係輕鬆好多呢！

你願意睇哂嗰個post真係好有決心，呢個post真係好好，我唔想佢沉底＞＜難怪pyjess都忍唔住出手回覆你！

你要努力ko bb怪呀！等你既好消息！

點評

pyjess  咁佢真係有睇吖嘛, 有誠意, 有決心, 好難忍唔覆喎  發表於 11-10-3 13:27
私人傳訊

PanMada


大宅

積分: 1865


142#
發表於 11-10-3 15:34 |只看該作者
Kimberly87 發表於 11-10-3 07:55
之前有媽媽話由佢喊佢會自己訓番，亦都可以用control crying呢個做法！不過事前要同屋企人講定夜晚可能要忍 ...

我前兩日睇左你地既post, 咁我就走左去買左每個孩子都能好好睡覺呢本書, 即刻睇晒去, 加埋你地既建議, 琴日就開始左我個training 啦, 咁我set 左個schedule, 想睇下你地可唔可以俾D 意見
我個B 而家7 個半月,

0700 milk
0900-1030 nap
1100 milk
1300-1430 nap
1500 milk
1630-1830 nap
1900 congee
2130 milk
2200 sleep

我琴日由下午1300 個nap 開始train, 用喊1 分鐘--> 安撫2 分鐘, 跟住喊2 分鐘--> 安撫2 分鐘呢個方法, 阿B 到今朝0900 個nap 都係用左20 分鐘左右先瞓到, 但係次次都係瞓得半個鐘就醒, 但係之後用返Control crying 呢個方法都安撫唔到佢, 咁半個鐘之後我決定唔駛佢瞓, 帶返佢出去玩......我見佢到夜晚時個隻眼喊腫左, 個人無乜精神咁, 都好心痛........所以想請教下你地, 如果阿B 係nap time 時, 未夠鐘就醒左, 你地係咪都用返control crying 呢個方法? 效果如何?
到左夜晚, 可能晏就無乜點瞓, 9 點幾就眼瞓啦, 咁我就餵奶, 但餵餵下佢就瞓左..... 真係唔忍心整醒佢.....所以整醒佢少少, 跟住就係半夢半醒時放佢落床仔....... 其實咁得唔得呢?
到左半夜啦, 佢平時10 點左右瞓既話, 3 點會起身一次, 跟住到早晨前會醒幾次......但係琴日, 佢2 點幾就喊啦, 因為我埋身餵, 平時佢食得好少(7-8 min), 所以怕佢會餓, 咁起身餵佢, 餵完佢, 跟手放返佢落床仔...... 跟住4點幾醒左一次( 平時佢一定要啜住先瞓返), 但琴晚點都唔俾佢啜, 無理由個幾鐘肚餓架, c6 安撫佢, 但係唔掂, 阿B 點都要我.... 最後我抱左佢一陣, 放返佢落床, 拍住佢心口, 佢冷靜左, 瞓返..... (其實咁樣算唔算train 佢?)
但好耐無試過, 佢4 點幾瞓返之後, 真係7 點先醒, 跟手我餵奶, 同佢出左去玩........再開始一日cycle
好耐無試過阿仔唔係瞓我隔黎啦.......
打緊呢段野其間, 阿仔呢個nap (1300-1430) 用左15 分鐘就瞓左, 仲竟然可以瞓到差唔多1 個鐘(而家未醒), 希望漸入佳境啦
請問我個training 過程有無咩地方要改善既? 可唔可以俾D 意見我?

點評

pyjess  1. 狠心; 2. 跟足CYCLE; 3. 睇多本書幾次  發表於 11-10-3 23:45
私人傳訊

mechmonster


大宅

積分: 2315


143#
發表於 11-10-4 03:25 |只看該作者
回覆 Kimberly87 的帖子

我 so far 呢三個星期的 sleep training 裡面，仔仔只係半夜醒過2次
有一次(應該係開始 train 的第二 or 第三日)，佢半夜三點醒左。平時的佢會要奶咀，但我因為開始 train 佢，所以一定唔會比奶咀佢，佢只係 eerr 左五分鐘就自己訓返，我根本都無入過去仔仔的房 comfort 佢就 ok 啦
另一次係兩日前，佢五點醒左，我等左 10 mins 佢都訓唔返，我決定入去餵佢。當我抱起佢時，佢的手仔超凍，我估因為凍 (果日多倫多氣溫只得十度!!!)，所以佢早左肚餓。佢食完之後又自己訓到差唔多 9:30。

基本上我的經驗係如果bb自己 fall asleep，好少會半夜醒，因為佢地識自己 soothe 返自己訓，如果真係醒左over 10-15 mins 訓唔返，我會 check 下佢係咪唔舒服。
私人傳訊

KanamMiu


複式洋房

積分: 417


144#
發表於 11-10-5 01:35 |只看該作者

回覆：想訓練/訓練中/已訓練BB自己訓覺既媽媽請進!!PYJESS請看看^^

Thanks for ur reply!! 不過都仲有少少唔係好明...

咁即係你建議我夜晚6點食完奶後唔好俾佢瞓，然後下一餐提早1個鐘（即9點）食完奶先瞓直到天光？

＂晚上能一覺瞓11小時最理想＂，意思係11個鐘唔洗食奶咁瞓？咁即係如果佢之前嗰晚9點食完到第二朝8點先食？！？如果中途有醒過，不過自己瞓返計唔計？

係，佢食奶最多用20分鐘，每邊平均啜10分鐘（有時因為我feel到佢食飽，唔想佢養成啜住瞓呢個習慣，所以整佢放口），然後掃風都好快，最多10分鐘，因為佢吐風吐得好快，1~2分鐘就得，不過我通常者會抱多陣，等佢落一落格，不過唔會超過10分鐘，so far 到宜家都 ok！

因為6299住得好近，亦係退休人仕，所以佢地得閒就會過黎睇b，咁啱撞正囡囡瞓覺時間，佢地唔會俾囡囡喊，亦學你話齋，囡囡根本唔知自己攰，6299見佢咁精靈，根本唔會理我俾佢瞓...所以到佢地走咗先俾佢落床仔瞓已經太遲...變咗佢攰到點都瞓唔著！

報告一下戰況先！今日trail training，但係我有d唔舒服所以6點鐘起唔到身餵，不過囡囡瞓到9點半先起身，所以我都可以跟返個時間表10點餵，餵完6299上咗黎睇b，同佢玩到12點抱瞓，無辦法，唯有等佢地走咗先用得control crying，到囡囡瞓咗佢地就走咗，當然囡囡瞓完一個cycle就再瞓唔返，事關瞓前瞓後唔一樣，咁我就開始用control crying，不過唔成功，同佢搏鬥咗45分鐘都瞓唔返，所以我決定放棄，同佢洗白白跟著食下一餐奶。1400食完下一餐奶，同佢玩一陣，1500放佢落床仔，啱啱放佢落床佢好唔開心喊，咁我開始計時，點知未夠1分鐘佢就收咗聲，之後佢自己典下典下就瞓著咗！呵呵！我自己都拿拿林nap返轉！之後居然我瞓醒佢都未醒！佢一瞓瞓咗3個鐘，瞓到下一餐1800奶被我叫醒食，之後99又黎咗，同佢玩咗一陣就走咗，我見囡囡好似又開始眼瞓，所以提早一個鐘餵，2100食最後一餐，食完掃風再抱一陣就放佢落床仔，本來佢食到半睡眠狀態，一放落床仔就精神哂！不過無喊，我知佢已經眼瞓所以無理佢，放底，俾毛巾，錫一錫，同佢講＂乖啦，係時候瞓啦。＂就走人，佢今次完全無喊，自己eerr咗一陣，我見佢無哂聲，以為佢瞓咗，點知入去睇佢，佢原來自己轉咗身玩...（佢啱啱學識轉身，所以好鐘意偷偷地轉身自己睇野）跟著我就入去轉返佢個身，再同佢講＂唔好玩啦，要瞓啦！＂跟住佢再eerr咗半個鐘自己瞓著咗！完全無喊我亦無入去安慰過佢！今日好似進入咗成功嘅第一步！睇下今晚佢瞓成點先！嘻嘻！

私人傳訊

KanamMiu


複式洋房

積分: 417


145#
發表於 11-10-5 01:45 |只看該作者

引用：哈哈，我都係全人奶架！同你想法一樣都係覺

原帖由 Kimberly87 於 11-10-03 發表
哈哈，我都係全人奶架！同你想法一樣都係覺得人奶係好難四個中一餐！不過真係得喎 ^^有左固定時間表同四個 ...
4個鐘一餐真係唔係講笑，時間多咗好多！亦無咁大壓力下一餐唔知幾時餵！心情輕鬆咗，自然有多d精神同囡囡玩，亦知道囡囡咩時候需要咩野！希望我都可以盡快KO我囡囡，改善大家嘅睡眠質素，俾6299睇下佢地個孫幾咁叻！等我遲d返工佢地都可以輕鬆d！
私人傳訊

Kimberly87


大宅

積分: 2626


146#
發表於 11-10-6 07:48 |只看該作者

回覆：KanamMiu 的帖子

快啲上黎報告下當晚訓成點？你train到第幾日呀？女女好叻咁快就唔喊^^
私人傳訊

Kimberly87


大宅

積分: 2626


147#
發表於 11-10-6 07:52 |只看該作者

回覆：KanamMiu 的帖子

咁而家開始未呀？我已經番左工都伶左五日假做trainning，今個星期日開始第一日喇，希望我個仔叻叻啦！大家都要加油^^
私人傳訊

JasmineCharis


大宅

積分: 1299


148#
發表於 11-10-6 11:09 |只看該作者

回覆：想訓練/訓練中/已訓練BB自己訓覺既媽媽請進!!PYJESS請看看^^

其實真係越早train越容易。BB可以自己瞓係對BB百利而無一害。BB可以自己瞓令佢睡眠質素提高、自信心增强、安全感更大、父母湊B更輕鬆開心！
我兩個囡都trained 自己瞓。大囡而家3歲，5個月開始train；妹妹剛一歲，2個月開始train。因為有了家姐的經驗，妹妹train得更早，效果更好。
家姐而家午睡和晚上睡，只要講故事，蓋好睡袋，錫啖佢講聲good night,佢就自己瞓，未即刻瞓都會自己響床上唱歌講嘢氹自己瞓。我覺得好正，小孩子學會自己獨處自己瞓。（家姐自己一間房！）
妹妹初初兩個月好難頂，我自己偏向等BB滿月後先train。妹妹嗰時差不多兩個月晚晚半夜4點左右一定醒，搞到無覺好瞓。同埋我係等工人姐姐放完大假返來，奶奶返番自己屋企無再留响度幫手個日開始train。大概個多星期便ok。(妹妹和我們一間房，自己瞓BB床。考慮過埋個冬天便搬去同家姐一間房。）

總結以下一些心得：
~ 每個BB都可以成功自己瞓，差在父母家人可否立定目標，持之以恆。
~ 想放棄前停一停、諗一諗，就此放棄你BB之前嘅眼淚便白流了。
~ 最好BB未識轉身前便開始train。
~ 成功train了之後，要明白BB有病時可能有點反覆。我自己會抱下佢，唔會堅持要佢自己瞓。

我和老公努力嘅成果：
~ 兩個囡8:30pm 前會瞓，之後便是我倆二人世界。
~ 佢地一覺瞓到第二朝6:30 - 7:00am 先起床。（換言之我倆有充足睡眠！）
~ 家姐返上午班，我甚少要叫佢起身，每天也自己起身，精神奕奕返學！）
~ 我深信好處陸續有來！

各位媽咪 ，我做得到，你地都可以，加油啊！

點評

pyjess    發表於 11-10-7 22:31
私人傳訊

豆芽_菜


大宅

積分: 2019


149#
發表於 11-10-6 14:40 |只看該作者

回覆：Kimberly87 的帖子

你開始咗啦？bb點丫？我都仲訓練緊^^

點評

Kimberly87  我未呀，今個星期日開始，已經請左5日假了!你訓練既情況如何呀?  發表於 11-10-7 16:18
私人傳訊

Kimberly87


大宅

積分: 2626


150#
發表於 11-10-6 19:17 |只看該作者

回覆：JasmineCharis 的帖子

超感謝你既分享，為我今個星期日既訓練打下一支強心針呢！羨慕中，希望我都可以享受到你所講既好處啦

點評

JasmineCharis  Add oil! You can do it!!  發表於 11-10-7 22:38
私人傳訊

mechmonster


大宅

積分: 2315


151#
發表於 11-10-7 02:04 |只看該作者
回覆 Kimberly87 的帖子

I know you can do it! Add oil!
Right now I am training my boy to nap and he is doing better and better, cry less and less, I am soooo happy too!
私人傳訊

jenniferwyw


複式洋房

積分: 389


152#
發表於 11-10-7 02:41 |只看該作者
回覆 garfield_small 的帖子

請問您囡囡濕疹如何醫好
私人傳訊

Kimberly87


大宅

積分: 2626


153#
發表於 11-10-7 16:16 |只看該作者
各位，下星期一同大家報告星期日再TRAIN既情況，希望亞仔唔會喊得太長時間啦!!哈哈~另外，繼續歡迎所有想訓練/訓練中/已訓練既媽媽上黎交流下心得同埋分享!!謝謝^^

點評

pyjess  努力, 有決心, 你一定得~  發表於 11-10-7 22:17
私人傳訊

garfield_small


大宅

積分: 2390

夏天玩到顛 叻叻勳章 畀面勳章 BK Milk勳章


154#
發表於 11-10-7 21:38 |只看該作者
回覆 jenniferwyw 的帖子

我教會做護士既姊妹教我溝D Cream塗左3個幾月就好返晒喇…
Emulsifying ointment (先用暖水溶開)+
Aqueous Cream+
甘油
比例1:1:1
keep 7日


我果時一換片就用金銀花/土銀花抺身，之後就塗cream... 都算塗得好密架…
半夜都會幫阿B塗…(阿B同我瞓，我自己好醒瞓，佢一抓我實醒，咪同佢抺完身又塗cream)
私人傳訊

pyjess


侯爵府

積分: 24034


155#
發表於 11-10-7 22:30 |只看該作者
回覆 KanamMiu 的帖子

6PM食完, 如果佢瞓, 9PM食奶之後, 佢都仲肯瞓, 即係6PM-9PM 佢真係需要瞓; 相反佢瞓完9PM食完又唔肯瞓, 就要慢慢CUT左呢個小睡

係呀, 11小時, 佢地瞓左根本唔會肚餓, 更唔洗食喇

食人奶都一定要食夠30分鐘, 如果只食20分鐘, 只食到前乳/少少後乳, 無咁飽, 同埋後乳營養豐富D; 食食下瞓, 唔代表食夠, 只係食奶用力, 佢攰啫

如果佢真係吐風吐得叻, 都同佢玩下先, 等D奶真正"落格"就無咁危險

同老爺奶奶溝通, 叫佢地早D黎, 但BB要準時瞓, 對身髒健康好D, 對腦仔好D, 佢地都係想小朋友健康, 講呢D原因要準時瞓, 佢地會受落D

你好快會KO到佢, 然後同奶奶老爺展示BB實力, 佢地會開心BB叻叻~ 媽咪, 你都叻叻呀~
如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉
私人傳訊

amkchoi


大宅

積分: 2237


156#
發表於 11-10-8 04:41 |只看該作者

回覆：想訓練/訓練中/已訓練BB自己訓覺既媽媽請進!!PYJESS請看看^^

請問一歲bb怎訓練？他半夜哭又起身又狂跳又大叫，因為佢同姐姐訓，佢會指住姐姐喊！之後抱又狂喊，要飲奶才立刻睡，之前可一覺訓天光，有乜辦法？請指教
私人傳訊

Kimberly87


大宅

積分: 2626


157#
發表於 11-10-9 23:22 |只看該作者
各位，大家好，今日TRAIN左第一日喇

略略講返我既INFO先，亞仔岩岩夠3個月大，全人奶4HRS一餐
其實早於佢2個幾月時襯奶奶去左旅行已經TRAIN過4日，呢4日基本上上午同下午既NAP已經成功80%
只係差晚上佢零晨喊時我怕嘈醒屋企人，所以先比奶咀佢
跟住奶奶返黎，再加上佢打針發燒同埋我返返工，所以一齊又回歸基本= =食奶咀訓覺
(我奶奶亦唔識+唔會咁樣TRAIN自己個孫)
而我晚晚就早上5點幾就開始幫佢塞奶咀塞到夠0630食奶

其實我自己好唔開心，因為呢個TRAINNING成功但又不能繼續
我又怕奶奶心痛，有邊個會捨得聽自己個孫喊咁耐呀??

跟住同PYJESS傾過，佢叫我同奶奶傾，一直我都好怕，唔知點開口
又成日聽到我奶奶講亞仔成日喊醒，有時又訓唔返，放工返黎有時佢D NAP訓唔夠，食完0645餐奶之後就要補訓
我見佢好辛苦，係咁摔眼摔鼻，要我企係到搖下搖下先訓到，一唔搖就醒
為左自己係次要，為左個仔先係大前題，怕開口都要傾都要再試，所以我拖到TRAIN前一日(即係尋日^^)先同奶奶講
話想咁樣訓練佢自己訓，佢冇反對，亦冇贊成，我話比我試一個星期啦
如果一個星期都係唔得先買保嬰單佢食(我奶奶曾經提過話買比佢食會訓得好D)


今日第一日再TRAIN，奶奶去左街，得我自己一個睇佢，我自己TRAIN佢當然冇問題
上午NAP 1200-0230 食完奶掃完風玩完，訓前係咁同佢講「大個仔，要學自己訓覺，媽咪唔係唔理你，你訓醒再同你玩...ETC」
1200放床，細喊左8MINS就已經訓左，中間入去安撫左佢一次，好開心
不過一個中後就已經喊醒，等左7分鐘都未收就入去CONTROL CRYING，攪左45MINS都唔得，激死
(平時佢可以訓到1.5HRS以上,但佢今次自己NAP只係訓得10個字,仲要唔肯訓返,又冇冷熱問題,片又冇野)
終於2點抱左佢出廳，換下片玩下等食0230餐奶


一路食一路MAY埋眼啜，食左半個中之後開始啜得慢，唔比佢訓，即刻同佢換片
好再一換佢就醒，醒左都幾精神玩，玩到4點就放落床喇
如是者訓前都係同佢講「大個仔，要學自己訓覺，媽咪唔係唔理你，你訓醒再同你玩...ETC」
放床已經喊定先，大喊左10MINS就已經訓左，中間入去安撫左佢一次，又係好開心(不過都驚佢中間起左唔肯訓返)
好好彩佢訓左2個半中中間冇醒過，仲要我叫佢起身沖涼食奶，呢個NAP VERY GOOD!!!



一直到0845最後一餐奶，之前一星期，佢呢一覺只要比奶咀放落床就自己識訓
不過今次10:00放落床竟然喊左一個中!!!!!!!!!!!!天呀~聽住佢D喊聲真係好難受
我唔知點解佢呢覺要喊咁耐??最後一次我入去安撫佢，佢已經支撐不住訓著左
終於都鬆一口氣..........仲有今晚5點幾佢應該會醒，唉,god bless me!
私人傳訊

pyjess


侯爵府

積分: 24034


158#
發表於 11-10-10 00:44 |只看該作者
回覆 Kimberly87 的帖子

放部攝錄機, 影低佢好快瞓著, 俾奶奶睇 (當然只俾最短時間瞓著O個次喇)

落埋咀頭, 讚BB叻, 大個仔學野快自己瞓唔洗人氹....嫲嫲緊希望佢個孫叻O架喇
如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉
私人傳訊

Kimberly87


大宅

積分: 2626


159#
發表於 11-10-10 10:29 |只看該作者

回覆：pyjess 的帖子

我同奶奶同住架！不過佢尋日出街，2個nap都見證唔到！一番黎就聽佢night sleep爆喊一個中，哈哈！我叫佢帶耳塞佢話唔洗喎！今日會叫佢nap時負責放呀仔落床囉，等呀仔知道連麻麻既做法都係咁既！
私人傳訊

Kimberly87


大宅

積分: 2626


160#
發表於 11-10-10 10:38 |只看該作者

回覆：想訓練/訓練中/已訓練BB自己訓覺既媽媽請進!!PYJESS請看看^^

再報告，零晨五點呀仔真係喊醒，唔理佢，佢都唔算係大喊，用左10mins自己訓番，超happy！到六點半就叫醒佢食奶

跟住早上nap 0800 放床，好叻，只係嗌下，10mins內訓了！中間醒了一次，喊幾聲訓番，到1000開始大喊我就抱佢換片玩下！而家食緊奶！

呢日既nap會叫奶奶放床，唔知衰仔會唔會見呀麻就扭耐啲呢！
私人傳訊


首頁
678910...61

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見