hugoma2015 發表於 15-12-1 20:02 
越貴妃同太子太睇小郡主既剛烈了，我覺得就算郡主真係失身，佢都一樣會爆呢單野出黎，為自己求一個公道， ...
書入面靖王等郡主醒後問佢係咪决定去告發越貴妃同太子，郡主當時答就算自己今次吃虧都唔會俾佢地逍遙法外，劇入面嘅郡主我覺得比書裡面更強，佢一定唔放過越妃，就算失身司馬雷都唔會將就嫁佢。呢度帶出一個問題：謝玉喺呢件事上面嘅角色。。。書入面我相信謝玉獻計太子貴妃用情絲繞嘅可能性好大，當年佢都係咁到蒞陽，講性情剛烈，蒞陽應唔比郡主差太多，只係當時可能已知有孕，加上楚質子逃走，孩子總要有個爹，所以心灰意冷後就一心一意照顧腹中塊肉。劇入面謝玉嘅位置忍蔽，但我相信佢係知道嘅，只係覺得有樣唔多妥當就係穆青喺下人面前多謝蒞陽救咗郡主，謝玉一直有派人暗中監視佢，如俾人傳番去謝玉耳中就唔係太好啦，雖則我認為謝玉心知肚明，佢早一日有侍從話佢知長公主去過穆王府，只係冇入去，佢都懷疑蒞陽會唔會知道一d嘢，正想去打探，點知咁啱蒞陽去咗揾宗主。我覺得書呢點我較喜歡，蒞陽係從謝玉處得知太子同越妃會對郡主用情絲繞，但因為始終係自己丈夫，佢只好忍瞞，但又良心過意唔去，於是去請宗主通知郡主，而宗主亦冇講俾郡主知係咩人話俾佢聽，帶出每個人都有自己隱衷，較為人性化，事實上蒞陽都唔係咁正義到可以隨便大義滅親嘅人。
劇入面有伏筆，因為以前宗主曾派衛錚去解救郡主，所以郡主對宗主印象係好嘅，當然佢都有避忌佢用意何在，以當時朝堂風氣，邊個會無條件去救佢不問回報，正正就係點解霓凰會問宗主大費周章安插百里奇入去北燕使團中圖甚麼，後來夏冬亦問過點解宗主會由江左咁遠派人去雲南救郡主。
對自己有恩在先，之後又聽聞江左梅郎嘅才名同琅琊閣嘅評論，我以為霓凰應對宗主有幾分好感，見面後雖為一介文弱書生，但態度儒雅，未至終會喜歡，但都印象唔錯，就算大家只係萍水相逢，我覺得一個女人清白之名好緊要，作為將軍，霓凰對自己言行都好重視，更加唔希望喺一個印象唔錯嘅人面前顯得輕浮，或者呢個其實都係女人嘅直覺，郡主一早已經覺得宗主唔簡單，非池中物。
花旗太太生活在花旗國，留意時差，你問我未必即時答到。
而呢個印象無關佢既個人能力，無關佢既戰績政績，而只系關係到佢作為一個女人既清譽。
發表於 
返回列表
