其他親子社群 今日: 0 | 主題: 1218

積分: 256

1601^#

發表於 06-10-27 16:23 |只看該作者

Re: 烈女風雲錄之唔like擦鞋愛自由同學會

尋晚samantha半夜係咁咳，咳左幾乎兩粒鐘，仲要咳到嘔，但又未夠鐘食藥，冇辦法底下俾左半茶匙念慈庵川貝枇杷膏佢食，諗住都係等佢潤下喉，唔駛咳到聲沙，點知食左十分鐘就止左咳，仲一覺訓天光!!!!

真係唔講得少，各位sisters買定睇門口啦！

私人傳訊

積分: 256

1602^#

發表於 06-10-27 16:26 |只看該作者

Re: 烈女風雲錄之唔like擦鞋愛自由同學會

唉！felice就話戒奶樽，samantha連奶都戒埋，話自己係小朋友唔係bb，唔駛飲奶~~~而家我都係放一、兩匙阿華田係奶度，話係小朋友飲既朱古力奶，佢先肯飲半杯，都唔知點先可以令佢飲番奶。

catrickymok 寫道:
有朝早, 同felice 等校車, 其中一個小朋友(k3)個媽咪話自己個囡...

媽咪(指住一個k2小朋友):你睇妹妹都用杯飲奶啦, 你仲要攬住個奶樽...醜死怪呀!!!
k3小朋友: 我要奶樽呀~~~
我心諗..e~felice可能都係尼隻...可能小學都仲攬住個奶樽...

第二日, 去荷花見到個細路女, 仲高過felice, 向滑梯邊亞媽抱住bb 式, 表演奶樽飲果汁, 咁大個囡...真係好難睇!

尼兩個細路都有個共通點, 都係工人湊的....

於事的起心肝同felice meet 甩個奶樽 .\"/., 今日第四日, 早餐同下午訓醒餐奶經己係成杯飲...臨訓果餐...由得佢先! ^^!

私人傳訊

積分: 885

1603^#

發表於 06-10-27 17:18 |只看該作者

Re: 烈女風雲錄之唔like擦鞋愛自由同學會

suzanneC 寫道:
尋晚samantha半夜係咁咳，咳左幾乎兩粒鐘，仲要咳到嘔，但又未夠鐘食藥，冇辦法底下俾左半茶匙念慈庵川貝枇杷膏佢食，諗住都係等佢潤下喉，唔駛咳到聲沙，點知食左十分鐘就止左咳，仲一覺訓天光!!!!

真係唔講得少，各位sisters買定睇門口啦！

咳兩個鐘....唉~聽到都心痛, 想像到有幾辛苦...我舊年有次都試過氣管炎( 舊年d 小病真係不停咁前住 ), 都係夜晚咳, 真係好辛苦...

比佢訓多d, 訓覺能e 百病! 你自己都要訓下, 唔係佢好番輪到你病都似...

suzanne, 去藥房買定一兩両($5~$10一両)太子蔘放屋企, 煲開湯掉d 落去, 基本上煲開清閏, 閏肺尼類湯都可以加落去(我煲雪梨水都加), 一両分三四次用, 強肺好好!

今日又向d c 奶度學左味止咳化痰湯...

"蔗姑"瘦肉川貝湯(三人)
"蔗姑"一隻( 街巿雞檔有售一隻$28~$45不等 )
瘦肉$10
川貝一両分兩次
南北杏, 無花果
煲兩個半小時

d 小朋友硬係有啖痰唔清, 有兩聲咳, 可以一星期煲兩次

私人傳訊

kapopooh

男爵府

積分: 5213

1604^#

發表於 06-10-27 22:54 |只看該作者

Re: 烈女風雲錄之唔like擦鞋愛自由同學會

suzanne :唔好再比阿華田samsam飲,好野痰架,軒軒之前睇中e都叫千祈唔好飲阿華田好立克.但軒軒學校逢2&4都係飲呢d,次次講咗比學校知唔好比佢飲,但每次都有飲.搞到原本好咗好多一飲果日即刻咳多咗.留意留意

私人傳訊

odelia

大宅

積分: 1320

1605^#

發表於 06-10-30 01:06 |只看該作者

Re: 烈女風雲錄之唔like擦鞋愛自由同學會

好掛住你哋,不過實在好攰,提唔起勁留言！

乳酪啲咳都仲未好番,已經半年,上星期終於帶咗乳酪去睇呼吸系統科醫生,要食青蛙粉一段時間,濕疹又愈出愈多 ...... 最後做埋致敏源測試,醫生仲提議每日比乳酪食半粒維他命C,亦都講明敏感症係會跟住患者！我仲有咩可以做？

生乳酪果陣真係好感恩,乳酪4肢健全,五官端正,冇病冇痛 ...... 仲選名叫樂,希望佢做個快樂人！似乎開心得太早,原來小朋友一路大一路會有唔同問題要去面對;早排乳酪半夜咳得好緊要,咳到嘔,我就忙住幫佢換衫、抹身 ...... 乳酪突然同我講：對唔住,媽咪！我唔想 ...... 不過好辛苦！

依家我真係要自私啲,瞓多啲、食飽啲,如果唔係就照顧唔好乳酪啦！

私人傳訊

積分: 885

1606^#

發表於 06-10-30 01:17 |只看該作者

Re: 烈女風雲錄之唔like擦鞋愛自由同學會

乳酪突然同我講：對唔住,媽咪！我唔想 ...... 不過好辛苦！

咁乖!!! 真係感動到喊.... :-(

私人傳訊

kapopooh

男爵府

積分: 5213

1607^#

發表於 06-10-30 13:05 |只看該作者

Re: 烈女風雲錄之唔like擦鞋愛自由同學會

尋日同99佢地一大班人去咗小欖bbq.呢個地方未去過只知道好大,有沙灘有一個遊樂場咁.我地多小朋友所以揀咗呢度.

3:00去到已經好多人,差不多全場爆滿.d位又好逼.
去到無耐我62帶咗軒軒去沙灘玩,我就打麻雀,老公燒野食.
玩咗半個就就番黎,軒軒食咗d野又話想去玩.
咁堂阿哥(10歲)話帶軒軒去遊樂場玩,咁我就叫佢睇實佢.
點知堂阿哥自己番咗黎重未我軒軒去咗邊.我當時好驚咁話,唔係話~~你帶佢去玩問我軒軒去咗邊.跟住我,老公.伯娘去分頭去搵,搵唔到,當時真係好驚好想喊.驚佢會自己落咗沙灘玩.跟住我就問工作人員.感謝主!有人發現佢喊就帶咗佢去搵工作人員.原來堂阿哥唔見咗佢成半個鐘.果度有叫講播.但我地無一個人聽到.

跟住軒軒話要去廁所,去完番埋位時.就出事.

軒軒隻手掂到個爐.佢即刻叫,一睇就紅晒,但佢唔比我搞佢隻手,我就同佢祈禱然後同佢去沖水.然後搽野.但佢一直都話好熱,就即刻同佢去睇e生.渣車去e院途中,老公不停咁話我唔睇住個仔又話我無危機意識又話我唔抱住佢...................但我一句說話都無講.只係不停咁祈禱.軒軒亦無出聲.去到姑娘同佢洗傷口,佢又好乖好定咁比姑娘整.完全無喊.
返到屋企,我同軒軒講因為咪咪大蕃薯搞到軒軒整到紅卜卜.
軒軒同我講~~咁危險都唔抱住我,搞到我手手痛紅卜卜.唔小心.下次小心d la.聽完之後我即刻喊咗出黎.軒軒見到我喊就同我講~~算la,下次唔好la,小心d咪得囉.

今日同佢沖涼再洗傷口.一拆紗布見到個傷口黑晒,我都驚.
軒軒不停咁問,隻手做咩事黑蚊蚊架.做咩事呀.點解咁架.
我同佢講話整到囉.沖完涼同佢洗傷口,洗傷口前我同軒軒一齊祈禱.佢又好乖坐定定比我洗.又話我係咪咪姑娘.但一搽藥膏時就郁黎郁去.不過都算好合作.

http://www.babyhome.com.tw/album.php?op=album&mid=37906&folderid=941571&u=0&mfid=4794

私人傳訊

vivianf

積分: 596

1608^#

發表於 06-11-1 07:09 |只看該作者

Re: 烈女風雲錄之唔like擦鞋愛自由同學會

我番黎啦!
不過一番黎就病左, 喉嚨痛+傷風, 一陣要去睇e生先得 (順便同埋 hehe 去睇, 因佢尋日一番黎就係咁咳)

等我精神d先再同你地講沙巴的經歷啦!

私人傳訊

vivianf

積分: 596

1609^#

發表於 06-11-1 07:12 |只看該作者

Re: 烈女風雲錄之唔like擦鞋愛自由同學會

sam sam 同乳酪好d未??

自 hehe 開學後, 我都好怕佢咳, 上次佢咳, 同佢請足一星期假, 終於好番晒, 一番番學, 一星期又咳過
我又真係好怕學校o個d 好立克, 阿華田........而家我要日日o係 hehe 隻杯貼張紙叫老師比清水佢飲, 情況先好番dd
唉, 真係好煩.......

私人傳訊

vivianf

積分: 596

1610^#

發表於 06-11-1 07:13 |只看該作者

Re: 烈女風雲錄之唔like擦鞋愛自由同學會

軒軒個傷口真係幾大 wor, 真係睇到都心痛, kapo 你都唔好咁自責, 小朋友好快會好番架啦!

私人傳訊

積分: 256

1611^#

發表於 06-11-1 19:32 |只看該作者

Re: 烈女風雲錄之唔like擦鞋愛自由同學會

kapo，軒軒隻手點呀？意外既野，唔關你事，唔駛咁自責。

私人傳訊

積分: 256

1612^#

發表於 06-11-1 19:58 |只看該作者

Re: 烈女風雲錄之唔like擦鞋愛自由同學會

今日samantha放學番黎，話要睇電視，睇睇下訓著左，咁我就閂電視，叫佢入房訓。佢就開始脾氣狂喊，初初我都忍住唔理佢，半個鐘之後，我終於忍唔住扯火，鬧左佢一輪，例牌繼續狂喊。跟住，我好嬲咁話：「你去你麻麻到啦，我頂你唔順，你係麻麻屋企住。」

samantha喊左一輪，話：「我要返學冇校服同睡衣點去!」
我好嬲咁話：「你帶埋佢啦！你以後唔好返黎！」我講完就幫佢執行李。
samantha：「我要搵daddy!」
於是佢邊喊邊打電話，拎住個電話喂喂喂，daddy daddy。然後佢話：「我等daddy番黎，帶我去麻麻到，個袋好重，我拎唔到!」
呢個時候我已經興到爆，我話：「咁你以後唔番黎，唔要daddy 媽咪啦！」
佢搖搖頭，話：「我同daddy一齊去！」
我：「你即係唔要媽咪啦！」
samantha：「係！」

呢個時候，我已經無言以對，我冇理佢，行番入房。佢自己揹住書包，坐係行李隔離，等daddy番黎。

又再半小時後，大家都冷靜番，我再問佢：「你仲走唔走？」佢唔出聲。
我：「你知唔知點解媽咪咁嬲？」
samantha：「我發脾氣扭計，咪咪唔開心，咪咪唔中意小朋友扭計。」
我：「你扭計我好唔開心，所以好惡咁鬧你，我同你say sorry，你以後唔好再發脾氣，好冇？」
samantha：「好。」
跟住我地和好，佢放低書包。

成件事俾左一個好強烈既感覺我，samantha既性格真係好似我，我記得細個大約7、8歲，我老豆又係咁趕我走，我自己執埋行李，自己開門走。後來係媽咪係公園搵番我。

我知我以後唔可以再用強硬既方法對佢，因為佢同我一樣，受軟唔受硬，硬頸任性，決絕無情~~~我開始覺得，佢既出現，係黎話俾我知我既性格同缺點，要佢改變，首先要改變自己。

私人傳訊

積分: 256

1613^#

發表於 06-11-1 20:27 |只看該作者

Re: 烈女風雲錄之唔like擦鞋愛自由同學會

成件事除左開頭真係好嬲外，跟住我竟然好平靜，聽見佢咁講，我以為我會好傷心難過，但竟然一d都冇~~~

果種感覺係好似睇緊錄影帶咁，不斷play back番細個時候既回憶同心情，當時我好嬲爸爸好唔尊重我，覺得佢好無理取鬧，我相信samantha都係同一諗法，雖然我唔認同。

samantha好似一面鏡咁，俾我睇到我細個好多野，於是我知道如果我用番爸爸當年既方法，我同samantha既關係終於有日會破裂~~~好似一個人生既循環，我好用力咁想打破呢個循環，但又往往不自覺地再走入呢個循環之中~~~

私人傳訊

積分: 885

1614^#

發表於 06-11-1 23:17 |只看該作者

Re: 烈女風雲錄之唔like擦鞋愛自由同學會

suzanne,
我最近都同你一樣,都因為見到felice一d 行為,令我諗起好多小時候o既事,情況同你差唔多,都係同老豆關係唔好,令到感情都係唔好,一直都無法子溝通即使大家有幾愛幾關心對方,即使大家都明白當年的一切都只係因為我年幼無知,事實上,有d野的確無法修補...

我都同你有相同感覺,好反感老豆當年果套教囡大法,經常都要自己唔好學佢,但到頭來又經常覺得自己有老豆影子,又驚又後悔又無柰.

於事最近,對於我一直堅持要為felice 加個"伴"尼個目標,開始退縮,小朋友有兄弟姐妹的比獨生的好,尼個理念我e 然認為係對,只係...我真係覺得好辛苦,唔識教,無勇氣再去面對...

生個人出黎,好愛佢但又日鬥夜鬥,無論佢同自己,老公o既人生都充滿矛盾(我係講我自己)...

唉!!!!真係好攰.一直以黎,我好早經己覺得,做人無野重要得過開心,只要開心,理佢有幾唔夠訓,理佢會肥幾多磅,理佢d無謂人點睇...但生一個出黎,我真係覺得只得"矛盾"兩個字......"矛盾"經己好夠,何苦仲要"矛盾x矛盾"呢???!!!

私人傳訊

積分: 885

1615^#

發表於 06-11-2 00:01 |只看該作者

Re: 烈女風雲錄之唔like擦鞋愛自由同學會

講開趕d 細路走...我細時(小學時期左右)我老豆又係成日趕我走, 我好7, 死企向大門口喊唔走, 印象中都有好多次, 亞媽初時都會放我入屋, 後期老豆連亞媽都鬧埋, 話亞媽緃我, 之後連亞媽都唔敢放我, 次次都係鄰居同老豆求情放我入屋. 到我中學時左右, 老豆無啦啦又無再趕我走...

當時無為意, 到而家做左亞媽, 我媽至講番比我知, 佢偷偷話過老豆:"你唔好再成日趕個囡走, 佢真係會走."尼輪又同d 街坊講開尼個話題, 其中一個街坊話:"我屋企點打(地拖棒都可以打斷)點鬧都好,緃來唔趕我地走, 因為真係一趕, 一定走..."

我又係成日趕felice走, 我其實好早經己知唔好趕細路走, 但好多時火遮眼真係想掉佢出街!!!! 唉~真係唔可以再趕了~

私人傳訊

kapopooh

男爵府

積分: 5213

1616^#

發表於 06-11-2 13:40 |只看該作者

Re: 烈女風雲錄之唔like擦鞋愛自由同學會

suzanne : 軒軒隻手相信要一段時間先可以好番

私人傳訊