吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› 【一個人的史詩】——梅宗主樓（多圖，MV集中在1樓，有 ...

影視娛樂今日: 4|主題: 16138

收藏本版

發帖

返回列表

跳至頁

樓主: hugoma2015

【一個人的史詩】——梅宗主樓（多圖，MV集中在1樓，有毒

[複製鏈接]

80 818283 84...240

hugoma2015

公爵府

積分: 28097

1621^#

發表於 16-7-17 20:01 |只看該作者

本帖最後由 hugoma2015 於 16-7-17 20:04 編輯

【小論文13——謝府夜宴】
寫呢一篇的目的，唔系為左寫細節，而系為宗主“伸冤”。為宗主講幾句公道話。有D人利用呢件事攻擊宗主，話佢出賣同景睿的友情，傷害到無辜的人。宗主自己都好自責。甚至部分宗主粉都覺得呢個是宗主的“污點”。但我覺得宗主自責是因為他善良心軟，我地唔能夠因為佢自責，就否定佢的正義性。

首先、要明確一樣，梅長蘇不僅系林殊，佢仲系赤焰7萬冤魂的化身。好多野，就算林殊可以一笑泯恩仇，殺父殺母殺身之仇都唔報，但7萬冤魂唔可以！佢背負的唔系林家的私仇，而系赤焰軍7萬人的冤仇和公道。所以向謝玉開刀，是宗主必須要做的！

其次、景睿身世呢個“突破口”是邊個造成呢？先系佢自己母親未婚先孕，再到謝玉唔甘心幫人養便宜仔，派人殺嬰，都是上一輩的錯。若要人不知除非己莫為，正如景睿所講，傷害來自于真相的本身，而唔系揭開真相的那隻手。

再次、有人話宗主對景睿、對謝家太殘忍，唔厚道。有無其他方法可以做得更好，傷害更少？唔好甘天真啦，傾巢之下焉有完卵。權力鬥爭，一係就一人得道雞犬升天，一係就一人失寵全家抄斬。唔會精確到個人，逐個去判你有無罪。謝玉，卓鼎風的罪，誅九族都有餘，而家甘仲嫌殘忍？甘對被屠殺的7萬冤魂就唔殘忍？唔好因為景睿系一個好人，就將成件事的因果調轉曬。歷史上被誅九族的罪臣大有人在，而呢D人的九族之中難道就無好人咩？唔能夠因為牽連左1、2個無辜好人，就否定成件事。如果要講有錯，就是封建株連制度的錯。能夠保存到謝、卓兩家大部分人，應該感謝宗主仁慈。

而且，只有甘決絕的方式，先可以徹底將景睿、長公主等人同謝玉劃清界限。日後一旦株連，景睿仲有“南楚王爺之子”的身份護身，梁帝唔敢殺佢。宗主真是用心良苦。

“”
最後，成日話呢件事對景睿傷害有幾大，但我一直覺得成件事裡面，最痛苦的是宗主。除左對謝玉講過幾句流露出少少得意，其他時間宗主一直沉著臉，一直都好唔開心，佢內心的煎熬絕對唔會比任何人少。景睿仲有長公主安慰，仲有卓家的體諒。但宗主只有夏冬的冷嘲熱諷同靖王的誤解，郡主又唔響身邊，無人可以安慰到佢。當然，就算郡主響身邊，佢都未必會同郡主呻，佢又會鬱埋自己心裡。

其實宗主返金陵之後，成個過程，清理六部、扳倒謝玉、廢太子、廢譽王等等一路過黎，宗主從來都無過關斬將的快感，無為呢D成績感到得意。向自己從細就真心愛戴的長輩清算，正常人個心都唔會好受。宗主有既，只系每完成一步，佢就松一口氣，背負的野就少一D。

抽呢一段出黎講，只系想提醒一下，睇問題唔可以只睇結果，應該要睇埋原因。有因必有果。而睇呢個結果，亦唔應該只睇佢對其中一個人的影響。正如宗主所講：“世間之大，茫茫萬劫，眾生的公平，又豈是一個人能活多長決定的呢？”，同理亦唔系一個人的遭遇所決定的。當講到景睿遭遇的悲慘時，唔好忘記七萬赤焰忠魂遭遇的不公同傷害，更加唔好忘記宗主的仁至義盡。

私人傳訊

hugoma2015

公爵府

積分: 28097

1622^#

發表於 16-7-17 20:06 |只看該作者

本帖最後由 hugoma2015 於 16-7-17 20:10 編輯

扳倒謝玉，但宗主一D都唔開心。佢從來唔為扳倒任何人而開心過。身為萬千寵愛在一身的皇室成員之一，謝玉，太子，譽王，夏江，梁帝都同林殊有多多少少關係，睇住佢大，陪過佢玩。同呢班人清算，佢自己都唔會開心……

私人傳訊

pigtwo

珍珠宮

積分: 30174

1623^#

發表於 16-7-17 21:33 |只看該作者

hugoma,
請問謝玉呢段跟原著有不同嗎？
相比之下，七萬亡靈+林殊母自刎，歧王飲毒酒。
謝家各人的下塲不算惨了。
很喜歡那句:
傷害來自真相本身，而非揭開真相之手
舆歧王那句:
父不知子子不知父

既簡潔又能一語道破。

私人傳訊

小茂

男爵府

積分: 6846

1624^#

發表於 16-7-17 21:50 |只看該作者

本帖最後由小茂於 16-7-17 21:51 編輯

我從來沒有覺得宗主對不起景睿，宗主會自責是因為他認為自己破壞了景睿原本快樂平靜的生活，但其實自從景睿知道謝玉真面目，為求私利不擇手段後，他已經不再快樂，但無奈以為謝玉是父親，基於孝道，他也無可奈何。

但宗主揭開真相反而真正給予他自由，他不再受孝道束縛而無視謝玉的惡行，受良心責備。他可以選擇做大梁子民，不受所謂家族的限制，可以真正隨心所欲。
宗主並沒有犧牲景睿的什麼，因為他本來就兩邊也不能繼承什麼。宗主只是沒有辦法令景睿在事件中免受影響。但這些所謂影響都是長公主和謝玉一早埋下的，被暴露出來只是遲早的事。

所以宗主，請你不要再自責了。難得景睿明白事理，知道帶來傷害的是真相本身，根本無關揭開真相的一雙手。

宗主覺得自己是攪弄風雲的陰詭謀士，他本身就看不起自己的所作所為，因此他才會覺得景睿所受的苦都是他的錯。但我們不能被宗主誤導，以為這一切真的是他的錯。

私人傳訊

hugoma2015

公爵府

積分: 28097

1625^#

發表於 16-7-18 11:48 |只看該作者

pigtwo 發表於 16-7-17 21:33
hugoma,
請問謝玉呢段跟原著有不同嗎？
相比之下，七萬亡靈+林殊母自刎，歧王飲毒酒。

我好耐無睇原著，憑印象講下，記錯唔好怪我
1、原著：宗主帶佢地上湖中亭，并砍斷了鏈接岸邊的木橋。D箭射過黎，蒙大哥等男人將D女人同宗主保護在中間，佢地響外圍舞劍擋箭。箭停之後，佢地系游水過去對面岸的。嗯，呢度應該有宗主唯一一場“濕身戲”

2、譽王、言侯、長公主同謝玉響門口的對峙，原著基本留白無寫。

3、事後蘇宅夜話，原著只有蒙大哥，無靖王。而且我覺得電視劇安排靖王都唔好。覺得佢好似專登過去睇熱鬧，睇謝玉點死甘樣，好小人。而且謝玉一直隱藏得好深，表面上保持中立，靖王又唔知道赤焰軍的冤案是謝玉的陰謀，我睇唔出呢個時候，靖王點解就會對謝玉咁大敵意……