其他親子社群 今日: 0 | 主題: 1218

積分: 679

1621^#

發表於 06-11-2 22:24

Re: 烈女風雲錄之唔like擦鞋愛自由同學會

catrickymok 寫道:
朗b 媽, 我有朋友bt 左亞笨亞占比我啦, 唔洗專登整比我!

唔好意思, 咁耐都未搞掂, 不過我老公整緊, 到時比多隻你

私人傳訊

積分: 885

1622^#

發表於 06-11-2 23:25

Re: 烈女風雲錄之唔like擦鞋愛自由同學會

marcusBma 寫道:
[quote]
catrickymok 寫道:
朗b 媽, 我有朋友bt 左亞笨亞占比我啦, 唔洗專登整比我!

唔好意思, 咁耐都未搞掂, 不過我老公整緊, 到時比多隻你[/quote]

唔好咁講啦~好平常o既事.

私人傳訊

積分: 885

1623^#

發表於 06-11-3 14:38

Re: 烈女風雲錄之唔like擦鞋愛自由同學會

幼B班曾老師:"樂瑤今日d 中文字同英文字都唔識呀, 同埋d 兒歌都唔記得..."
瑤瑤媽媽:"............ "
唉~~~~~

私人傳訊

kapopooh

男爵府

積分: 5213

1624^#

發表於 06-11-3 15:58

Re: 烈女風雲錄之唔like擦鞋愛自由同學會

ricky :我既情況同你差唔多,尋日班主任打電話比我,當時諗~~軒軒响學校唔係又搞出事呀. 好彩都係講番佢响學校既情況.都係果d ,比較活躍,成日想同學仔同佢玩 (即係搞人la),坐唔定唔專心.....唉~~都唔知幾時先可以唔再比人投訴.

今日軒軒完咗個評估週. 不過我都無咩做過,同佢溫習又無理正經.最後都放棄咗,有得佢自由發揮.

私人傳訊

積分: 885

1625^#

發表於 06-11-3 16:03

Re: 烈女風雲錄之唔like擦鞋愛自由同學會

一日三餐奶, 我隻囡經己成功meet 甩兩餐奶樽用杯飲奶, yeah~~~~~~

私人傳訊

積分: 885

1626^#

發表於 06-11-3 16:15

Re: 烈女風雲錄之唔like擦鞋愛自由同學會

平時又唔讀書, 臨急就抱佛腳咪我地尼d....

我之前佢一有字咭, 我就畫埋公仔貼出黎, 行過又問下佢, 咁可能有埋圖, 佢好似多數都識, 但老師今日又話佢唔識...我都唔明, ABC 我都係咁教佢認, 佢都認到, 丫中文字又認唔到...我今日就試下向另一邊貼字咭, 今次無公仔, 教佢兩日, 睇佢又認唔認到!

私人傳訊

積分: 256

1627^#

發表於 06-11-3 22:39

Re: 烈女風雲錄之唔like擦鞋愛自由同學會

ricky， felice都係K1，評估都唔會好難，放鬆d~~~

kapo，軒軒隻手點呀？仲痛唔痛？

私人傳訊

積分: 885

1628^#

發表於 06-11-4 00:30

Re: 烈女風雲錄之唔like擦鞋愛自由同學會

suzanneC 寫道:
ricky， felice都係K1，評估都唔會好難，放鬆d~~~

kapo，軒軒隻手點呀？仲痛唔痛？

suzanne,

我之前都好鬆, 但係老師比壓力我~"~!

今日黃昏同佢落公園玩, 問左個k2小朋友家長, o圭!!! 羅命!! 佢尼幾個星期學左10粒中文字, Aa(apple), Bb(boy), Cc(cat), 1...全部要認得哂! 齋字無圖咁認, 連apple, boy, cat 尼d 都要識... 夜晚食完飯拿拿聲同佢汁左轉魔鬼式溫習, 丫~就咁教佢, 又ok 喎, 都記到認到.

仲以為佢輕輕鬆鬆, 乜都向學校做, 番黎乜都唔洗做, 但評估又咁認真....我都覺得奇, 間學校感覺咁傳統, 無理由學科咁鬆散, 結果真係唔係咁求其! 唉~~~

私人傳訊

vivianf

積分: 596

1629^#

發表於 06-11-4 14:05

Re: 烈女風雲錄之唔like擦鞋愛自由同學會

嘩, k1就咁大壓力, 唔係嗎??
我真係好希望 hehe 入到靈糧, 應該冇咁大壓力, 佢同我都輕鬆d!

今日同 hehe 去靈糧 interview, 有一 part 係要父母同個小朋友玩, 老師觀察
咁 hehe 見好多新奇的玩具就好忙咁每樣玩10秒, 我就好似平時咁, o係佢身邊睇多過參與, 因為我覺得我同佢一齊玩, 佢都唔 so 我, 老公就嘗試參與同 hehe 玩, 不過多數都係食 lemon, 佢比d野 hehe, hehe 又走左去玩其他野
最後一 part, 成班小朋友聽校長講故事, hehe 好投入, 坐得好定, 好留心, 不停咁講 "係呀, 係呀"
臨走, 老師逐一叫名, 出去同校長傾幾句同 say goodbye, 我見成班小朋友都好 b, 都係要家長捉/抱出去
咁我覺得 hehe 應該可以自己行出去同校長傾計, 叫佢自己去.....點知老師一叫名, 我老公又走左出去, 我捉都捉唔住

唔知老師同校長會點睇呢, 會唔會覺得我呢個阿媽唔理仔??
但我又真係認為 hehe 比其他小朋友冇咁 b, 每一part 都可以自己同老師去溝通, 我真係想比佢去試
anyway, 而家都要等結果, 希望 hehe 可以成功入到上午班啦!

私人傳訊

積分: 679

1630^#

發表於 06-11-4 15:29

Re: 烈女風雲錄之唔like擦鞋愛自由同學會

VIVI: 到朗b下星期5 in靈糧, 好想佢收朗b呀, 希望in d野同你果d差不多啦
好多野想傾, msn先傾啦, armarm出camp, 累屎

私人傳訊

積分: 885

1631^#

發表於 06-11-4 16:37

Re: 烈女風雲錄之唔like擦鞋愛自由同學會

其實, 中肯d 睇, felice 學校課程經己唔深, 要認ke字經己唔多, 人家(琳琳, 禮禮, 堯堯, 軒軒佢地)番學頭果個月要認ke字, 都經己多佢好多, 只係隻felice 流, 所以我至咁大壓力要追人, 比著samsam, 朗b尼d, 可能真係好輕鬆!

兩位靈糧準家長, 我好相信, 兩隻大仔, 可以話要入靈糧真係十拿九穩...但, felice 有個老友記讀緊靈糧(鑽石山), 我一個月都會見佢地兩母子一兩次, 見一次傾一次我就更驚一次(係開心到你驚), 都更興幸舊年有高人提點, 無去靈糧(當然只係講我ke情況下)...我真係好希望你地去睇多d 問多d, 上佢個學校網, 睇佢地個討論區, 知多d...因為鑽石山果間, 真係k3 年年都好多人走的.

補充一句, 靈糧係好岩基督徒家庭小朋友讀的.

私人傳訊

積分: 885

1632^#

發表於 06-11-4 17:03

Re: 烈女風雲錄之唔like擦鞋愛自由同學會

原來要適應學校的, 唔止班細路, 連我地都要......我地要學點去幫助自己個細路去學習~"~!

私人傳訊

積分: 256

1633^#

發表於 06-11-5 11:58

Re: 烈女風雲錄之唔like擦鞋愛自由同學會

講開認字，其實我都唔知點解而家既幼稚園課程咁深。之前成日聽到有人話創價淺，但係開學第一個月，要認讀既字竟然係：

學校、老師、同學、上學、月亮
ruler, rubber, bag, pencil, autumn, leaves, colourful

11月學緊既係眼睛、鼻子、手、腳、秋天、nose、 eyes、face...

my god！真係比我預期既深好多。如果咁既課程都話淺，咁而家既家長預期幼稚園要教乜?

不過我既心態係同samantha溫左書，盡左力就算，所以學校既評估對我唔會構成壓力。

私人傳訊

積分: 256

1634^#

發表於 06-11-5 12:01

Re: 烈女風雲錄之唔like擦鞋愛自由同學會

vivian, 朗b媽，放心啦，hehe同朗b要入靈糧真係十拿九穩，一定得。

ricky,可唔可以講下點解鑽石山靈糧咁多人走？

私人傳訊

積分: 885

1635^#

發表於 06-11-5 19:25

Re: 烈女風雲錄之唔like擦鞋愛自由同學會

suzanneC 寫道:
vivian, 朗b媽，放心啦，hehe同朗b要入靈糧真係十拿九穩，一定得。

ricky,可唔可以講下點解鑽石山靈糧咁多人走？

因為開心! 實在太開心!!!! 只要身邊有其他小朋友家長, 唔問由自河, 越問越驚, 越問越唔對路, 越近升小一越開心不下...可以話因了解而[ 分手 ], 係因了解自己而 [ 分手 ], 面對現實而 [ 分手 ]...

靈糧其實真係一間, 對小朋友好好ke學校, 學習著重啓發思考, 鼓勵參與, 靈活生動(學生全日無固定坐位, 無固定課室, 因應主題學科去到特定學科教室 ), 對文字意思概念重於硬認字... 對家長都好, 細心體貼, 照顧學生同家長ke感受為大前題, 透明度高, 開放態度接受意見同批評( 尼d 係我自己對尼間學校ke感覺 )

k1~k3 係絶對理想...但之後呢???

尼個係一個好大好大致命傷, 香港地ke小學, 果d 什麼國際學校我唔太清楚, 但以我所知, 無論直資好, 津貼好, 官小好...只要係under 政府公開試評級的, 都走唔甩"填鴨式"色彩, 硬認生字, 硬背課文, 考試, 計分, 評級, 都未消化到又"餵"新野...(直資可能好少少, 可以自行配合直屬中學, 會考之前, 彈性處理學生課程進度.)

於事好多家長真係驚, 無可奈何, 早一年比d 小朋友去適應番個"現實", 同埋好大可能尼d 家長心目中ke小學, 真係唔係靈糧學生主要派到的, 所以轉校! 相信都同我地尼區小學好有關!

而就尼個現象, 靈糧都有交代過, 佢地大約將自己ke課程比喻為"療程", 要原成成個"療程"(k1~k3)至有理想效果!

( 以上綜合我一個好友, 幾個街坊(其中兩個小朋友今年k3都真係經己轉左校), 佢地對學校, 小朋友行為描述, 佢地感受所得, 但對於有唔同小學目標ke家長, 情況可以完全唔同 )

私人傳訊

積分: 885

1636^#

發表於 06-11-5 22:28

Re: 烈女風雲錄之唔like擦鞋愛自由同學會

今日同felice 去附近個公園, 向個sir 滑梯上面, 見到兩個大約十二,三歲o靚妹, 渣住支煙食兩啖, 又吐一啖口水落地, sir 滑梯好高, 佢地正正在高處吐口水落地, d 細路走黎走去...非常咁討人厭!!!!

尼件事令我諗起好幾個月前, 有次同felice 去沙田中央公園, 又見到三個又係十幾歲o靚妹又係咁, 一兩啖煙就吐啖口水落地, 結果佢地坐完一輪走時, 一地一篤篤口水漬, 我諗果度有超過50個口水漬....

十零歲女, 周公園坐食煙經己夠樣衰( 咁我個人都仲可以接受到 ), 哇!!!! 吐口水果個樣真係衰到想大巴大巴星埋去, 點解呢??? 點解邊食煙要邊吐口水呢?? 吐口水好型架咩??? d 仔反而真係無咁, 起碼我又無見過d o靚仔個衰樣到咁, 邊食煙邊吐口水, 吐到成地口水漬....

到底佢地諗乜ke呢??? 係咪青春期反叛, 越野人厭惡越要做ke呢? 咁不如玩屎啦!!!! all 完羅舊屎出黎了, 羅黎食啦!!! 再唔係邊all 邊玩邊食啦!!!! 真係做乜春呢尼班後生????!!!!!

私人傳訊

積分: 885

1637^#

發表於 06-11-5 22:37

Re: 烈女風雲錄之唔like擦鞋愛自由同學會

又係講煙...我自己未生felice 前都食煙, 咁我都可以話幾明白, 食煙係咩一回事...都唔會抗拒人食煙.

擒日去完粉嶺火車上, 見到個兩至三歲細路坐bb 車上, 手渣一包煙...係! 無錯, 係一包煙!!! 我眼都特埋...睇真d, 原來係一包同真煙包裝一樣ke 之古力...唉~真係唔明d 人, 真係慌死d 細路唔食煙咁, 買之古力都要煙仔樣ke之古力...

私人傳訊

積分: 679

1638^#

發表於 06-11-6 10:20

Re: 烈女風雲錄之唔like擦鞋愛自由同學會

好多人見我考靈糧, 都叫我三思, (除左教會d姊妹)
我好理解,之前都有擔心但當我同老公認真考慮, 感謝主比我同老公立場完全一致, 都係唔想厄剎左朗b6歲前既啟發階段, 幼稚園實在係太重要, 呢個年齡係影響住一生
而靈糧堂比到既係我地想朗朗得到既, 當然我都唔會抱100個期望, 只係有信心呢個決定係不錯, 即使出錯, 天父會包底

當然語文, 寫字, 認字呢d教學係好重要, 但我地覺得個腦袋被發展好, 創作思維, 應變能力, 解決難題.....呢d培育相信對日後去面對填鴨式教育有幫助(好似d形象化記憶呀咁), 但盡量我都唔太想朗朗讀得咁填鴨, 而我好感恩我係全職湊朗朗, 可以按需要提供課餘既補充學習
之前想佢讀音小, 但呢d唔到我控制, 都係果句, 將所有交比朗朗真正的父親, 自然會有超乎意外的好安排
所以小學既派位問題我地真係冇太認真去擔憂, 深信天父會帶領
之前教會我地組有個姊妹因為個仔派小一而擔憂到好大壓力, 媽媽好想搵到最好比個仔, 但當返黎組時, 已被組長祈禱中一部份內容感動, 似乎天父已知佢既擔憂, 且要佢放手, 我地全組人為佢按手祈禱, 最後我地個個都喊, 感動到喊, 各人既祈禱都好似係天父要安慰呢位姊妹既說話, 佢都將所有擔憂都交託, 往後佢去幾次interview都好輕鬆,感謝主!

呢件事過後, 更加令我感到個仔係神所賜, 我地何需擔憂呢,只要行步步都感到有從父而來既平安, 有腳前既燈,路上既光, 再遠既事唔唸住喇

私人傳訊

積分: 679

1639^#

發表於 06-11-6 10:35

Re: 烈女風雲錄之唔like擦鞋愛自由同學會

ricky: 你綜合哂你所見既街坊朋友讀靈糧既意見, 打哂出黎真係太好, 我睇完仲再安心d

我老公直情想下學期(07年2月)比朗朗轉去讀半年k1先, 唔知可唔可行.........因為蘇浙除左國語, 其他真係唔掂, d老師根本係一個國語流利既土c 奶, 第日有機會見面, 記得問我, 等我分享下, 真係好搞笑

至於d屎靚仔靚妹, 係呢個階段都係拎住4隻字去做人------(不顧一切), 佢地咩都唔怕, 冇人管到佢地, 咪開心lor, 有人大佢地叫佢地食屎 ,可能真係食架, 癲架!!!
我之前見到呢d人, 感到對社會既未來係一片灰------幾乎黑.....但最近星期6, 日係教會上堂, 見到好多年青人, 15-6歲, 分享時有文有路有方向有盼望且有節制有約束, 真係好耐未見過呢d年青人, 唔係一個2個, 圍住成班幾十個都係咁, 我呂敢講佢地唔反叛, 但相信即使反叛, 唔怕父母鬧, 唔怕其他人眼光, 都會怕心中既主既注視, 而且絕望都有倚靠.......
唉!!社會既問題其實咪又係家庭問題.....哀哉哀哉

私人傳訊