影視娛樂

跳至

首頁

尾頁
   144


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1641#
發表於 15-5-14 09:32 |只看該作者
關仁隱事:「烈女」上位演閒人黑面

捱咗十幾廿年嘅「烈女」都半紅不黑,雖然最近終於憑一部劇上位,可惜人氣一瞬即逝。早前烈女有機會喺「大導」新戲演出,佢以為自己升咗呢,返內地開幾日工即天后上身,請咗幾個助手貼身服侍,又擺阿姐款要求司機接送。點知去到現場開工,烈女先知自己原來只係做二打六,角色清閒到得一、兩句對白,搞到烈女即場黑晒面,返到香港同經理人詐型,實情大導搵佢演出時部劇都未爆,真係難為咗經理人做夾心人被鬧。

「烈女」= 周+2
「大導」= 導琪瘋

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1642#
發表於 15-5-15 18:35 |只看該作者
關仁隱事:「𡃁妹」改名轉行秘書

書展好快又到,發明星夢嘅後生女又會鬥剝衫晒身材,爭做𡃁模博入行。關仁見到咁多年嘅𡃁模影寫真,可以彈出嘅真係十隻手指數得晒,好多仲要係曇花一現,做紙上明星,夏季一完,冬季就唔見人。𡃁模出身嘅「𡃁妹」,即使轉咗幾間公司都唔掂,所以佢就走咗去做文職,變身名人秘書,關仁聽聞𡃁妹好低調,仲連名都改埋,決心洗盡鉛華,明星夢醒,發覺現實最緊要。

「𡃁妹」= ?
很想知道,追夢的人是如何踏出第一步?


大宅

積分: 1223


1643#
發表於 15-5-18 01:54 |只看該作者
22May 發表於 15-5-15 18:35
關仁隱事:「𡃁妹」改名轉行秘書

書展好快又到,發明星夢嘅後生女又會鬥剝衫晒身材,爭做𡃁 ...
o靚妹 = 第2代幫文女 "加碼"Lo???


大宅

積分: 4153


1644#
發表於 15-5-24 00:48 |只看該作者

引用:關仁隱事:「單眼」囂屎又奄尖搞着公關電視

原帖由 22May 於 15-04-27 發表
關仁隱事:「單眼」囂屎又奄尖搞着公關

電視出身嘅「單眼」捱咗10幾年後投身影壇,畀佢闖出一片天,名成利 ...
係咪張+輝!?佢先有攞金人奬,因止單好似無。同佢攞獎果套戲係譯演單眼佬。





子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1645#
發表於 15-5-26 11:41 |只看該作者
關仁隱事:「瘦骨仙」簽約講明唔合照

貴為巨星嘅「瘦骨仙」近年冇乜作品,但絕對冇影響佢嘅知名度,呢啲全部都係佢多年工作累積番嚟嘅本錢,所以好多品牌都願意畀高價酬勞,邀請佢出席活動撐場。關仁聽聞瘦骨仙唔單止酬勞高達七位數,合約仲要訂明唔同其他人合照,事關呢啲級數嘅巨星每次現身,都俾同場嘅人要求合照,雖然有人要求合照係身份地位嘅象徵,但瘦骨仙就唔想做人肉佈景板,去到邊都俾人要求合照,因為有時真係好煩囉。

「瘦骨仙」= 肥肥人 周圍問

很想知道,追夢的人是如何踏出第一步?


大宅

積分: 4407


1646#
發表於 15-5-27 01:14 |只看該作者

引用:關仁隱事:「瘦骨仙」簽約講明唔合照貴為巨

原帖由 22May 於 15-05-26 發表
關仁隱事:「瘦骨仙」簽約講明唔合照

貴為巨星嘅「瘦骨仙」近年冇乜作品,但絕對冇影響佢嘅知名度,呢啲全 ...
我估係章萬玉




水晶宮

積分: 58547

2025中秋節勳章 母親節2025勳章 2025勳章蛇年勳章 2024年龍年勳章 2023年兔年勳章 牛年勳章 2018復活節勳章 hashtag影視迷勳章 畀面勳章 環保接龍勳章 BK Milk勳章


1647#
發表於 15-5-28 17:03 |只看該作者
22May 發表於 15-5-26 11:41
關仁隱事:「瘦骨仙」簽約講明唔合照

貴為巨星嘅「瘦骨仙」近年冇乜作品,但絕對冇影響佢嘅知名度,呢啲全 ...


李+欣 ??


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1648#
發表於 15-6-2 09:16 |只看該作者
【關仁隱事】「大陸嫂」盜錄唔識死

好多人話𠵱家年輕一代冇教養冇禮貌,其實真係冇講錯,而且仲唔曉尊重知識產權。好似「無敵組俠」咁成班人牛高馬大,不過個思維同行為仲停留喺小朋友階段。其中一位成員「大陸嫂」樣靚斯斯文文,但係都係草包一名。話說有一次佢同班成員去睇演唱會,開場前已經講明唔可以拍片同影相,點知開場冇耐佢攞部手機出嚟拍片,仲即時放上網。當時有位記者好心提佢,好易俾現場保安拉,大陸嫂「哦」咗一句之後收埋部電話,點知冇耐佢又攞部電話出嚟又拍過,話之你死。

「無敵組俠」= Super Girl ?



很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1649#
發表於 15-6-2 09:23 |只看該作者
關仁隱事:「乳酪」嫌「炭頭」唔浪漫

呢幾年事業好風光嘅「炭頭」搞完後期公司,又投資埋拍戲,𠵱家唔少人都改口叫佢做老闆。雖然佢事業如日中天,但就好似冇乜聽到佢有拍拖。不過關仁聽啲電影工作人員講,話炭頭成日去「威威」執導嗰部鬼片探班,原來佢每次去片場唔係探威威,主要係見「乳酪」。
炭頭同乳酪拍戲撻着之後,乳酪就一心想同炭頭發展,之不過就埋怨炭頭太忙,又唔夠浪漫,真係唔知佢兩個可以好幾耐啦!

「炭頭」= 古天落
「威威」= 張+輝
「乳酪」= 角采潔
很想知道,追夢的人是如何踏出第一步?


翡翠宮

積分: 81493

好媽媽勳章 醒目開學勳章 環保接龍勳章


1650#
發表於 15-6-2 11:20 |只看該作者
22May 發表於 15-6-2 09:23
關仁隱事:「乳酪」嫌「炭頭」唔浪漫

呢幾年事業好風光嘅「炭頭」搞完後期公司,又投資埋拍戲,𠵱 ...
炭頭同西瓜合約完咗 ? 自由身?

西瓜係咪簽咗 波士高?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1651#
發表於 15-6-4 10:14 |只看該作者
本帖最後由 22May 於 15-6-5 11:17 編輯

關仁隱事:「貓女」逼老友買飛捧場

圈中好多女藝人都婚姻唔如意,有啲離婚後仲要養仔女,單親媽咪唔易做。好似「貓女」咁,間唔中會拍吓戲,之前做舞台劇仲擔正做女一,佢都好畀心機閉關排戲。貓女喺呢個圈幾十年,人緣確係唔錯,好多朋友都自動波去撐佢,加上佢好主動叫啲好朋友嚟捧場,成班朋友都覺得貓女好有心,當然會去打吓氣。後來貓女搵助手打畀班朋友,要指定班朋友「認購」幾張飛,仲要係最貴嘅飛,成件事搞到好似係促銷多過真心叫朋友嚟捧場,班朋友當然覺得有啲難為啦。

「貓女」= 魚安安
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1652#
發表於 15-6-5 11:14 |只看該作者
關仁隱事:「熱爆」誤中「口水佬」圈套

喺電影圈除咗要有真材實料之外,有時吹得講得都好緊要,把口講嘢叻有時真係好過識拍戲,特別係從事幕後嘅人。好似早排有位一向拍開啲低成本電影嘅導演「口水佬」,佢周圍同人講話做過《勾佬》系列電影嘅監製,知嘅圈中人梗係笑死,唔知道嘅新人就畀佢嚇死。就係咁,有位未拍過戲但好想入行嘅富家子弟「熱爆」就被佢𠱁咗簽約,但紙包唔住火,最後熱爆發現口水佬底細,惟有搵有錢老竇出面賠錢搞掂。

「熱爆」= ?
「口水佬」= ?



很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1653#
發表於 15-6-11 10:38 |只看該作者
關仁隱事:「好驕傲」撈唔掂冇人吼

喺隔籬台過檔大台嘅「好驕傲」,以為有大靠山「海鮮姐」撐住會撈得好掂,可惜佢做嚟做去都係主持,工作量算唔多,搞到唔夠工作還騷,所以佢成日同身邊朋友呻到樹葉落:「我以前喺隔籬台假假哋都算係一哥,𠵱家就變七哥。」好驕傲喺大台做嘅節目冇收視冇迴響,英文又唔掂,結果令大台唔敢派佢做一啲狂晒英文嘅休閒旅遊節目。關仁聽聞戲劇組方面,深知好驕傲冇觀眾緣,為怕佢趕客,所以都唔敢搵佢拍劇。

「好驕傲」= 位至豪
「海鮮姐」= 魚泳山

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1654#
發表於 15-6-12 09:19 |只看該作者
關仁隱事:「飛船」搶贏美滿婚姻

近日「白馬王子」俾人翻炒佢同「一嚿嚿」啲恩恩怨怨,好多人都話白馬王子同老婆「飛船」係圈中嘅模範夫妻,但關仁聽聞,當年飛船其實係小三,由白馬王子正印女友手上橫刀奪愛。更有人話當年白馬王子同拍咗拖幾年嘅圈外女友好恩愛,兩個人已經去到談婚論嫁嘅階段,後來飛船同白馬王子合作,對白馬王子勁冧,不時借請教演戲問題,主動同白馬王子親近,結果請請吓,咪搶走埋人哋個男友囉。

「白馬王子」= 留青暈
「一嚿嚿」= 笑仲痕
「飛船」= 角海明

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1655#
發表於 15-6-15 09:15 |只看該作者
【關仁隱事】大眼妹丟禮物唔留手

藝人經常會收到fans送嘅禮物,有啲藝人會將所有禮物攞晒返屋企,有花插花,有湯飲湯,不過亦有啲藝人就唔係咁諗,因為驚fans送嘅嘢唔知乾唔乾淨,又唔知喺邊度攞嚟,望都唔望一眼就丟。關仁聽講,已經係人妻嘅「大眼妹」,當年就係最唔留手嗰個,fans送畀佢嘅嘢,連拆都唔拆就直接叫人丟,咁多年丟落垃圾桶嘅禮物加起嚟數目都唔少。
其實,好多窮人連基本需要都冇,莫講話買奢侈品,如果收到禮物唔啱用咪捐咗佢囉!再唔係拍賣咗又可以捐錢,浪費不如積福啦!

「大眼妹」= 淋億連?

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1656#
發表於 15-6-22 09:49 |只看該作者
【關仁隱事】夜鬼擅接戲激嬲高層

一直以來「夜鬼」憑住一雙美腿都不知贏咗幾多男fans支持,雖然佢過去嘅出身唔係咁光彩,喺跟紅頂白嘅娛圈難行啲,但夜鬼經理人公司力撐,所以好快事過境遷。不過夜鬼最近激嬲咗公司,據聞佢接戲拍前冇通知公司都不特止,裏面仲有超激場面,套戲拍完公司都未知。最近電影公司宣傳,傳媒梗係走去問番夜鬼公司,成班經理人俾人問到口啞啞,又唔可以話唔知,最後咪惟有用「不回應」呢個蠢方法。經理人高層震怒,仲話要雪夜鬼一段日子,等佢唔好再自把自為。

「夜鬼」= 連C牙

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1657#
發表於 15-6-25 09:08 |只看該作者
關仁隱事:「壯龍」雞飛狗走拒幫手

娛樂圈一向好現實,早幾年「生意人」搞電視,好多人撲出嚟話支持,又幫佢拍劇。點知當知道生意人搞唔成電視台,有啲藝人即刻雞飛狗走。唔單止咁,早排生意人喺網台播新劇,歌手出身嘅「壯龍」同「打心口」都有份演出,仲係好重戲份嗰種,所以工作人員就同佢兩個經理人開聲,希望壯龍同打心口可以抽小小時間幫手做宣傳,點知兩個即刻閂大閘,話冇時間,就算有時間都唔會做,工作人員碰一面灰,慨嘆真係人情冷暖。

「生意人」= 王維K
「壯龍」= 流浩膿
「打心口」= 趙學2?

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1658#
發表於 15-6-29 09:45 |只看該作者
【關仁隱事】水滴滴監場扮有料

早前被爆出三角關係嘅「水滴滴」已經返去有米伴侶身邊,水滴滴仲得到資金喺內地開戲,不過佢根本唔係影圈出身,所以拍起上嚟就梗係力不從心。但水滴滴為咗攞威,於是日日監場,現場指生晒,搞到台前幕後覺得佢神憎鬼厭,有啲內地小花為咗有嘢撈,當然嗲爆水滴滴,佢過電照單全收,關仁覺得冇料扮有料,不過佢好彩有條大水喉射住,先有生存空間。

「水滴滴」= 汪指王奇

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1659#
發表於 15-6-30 09:11 |只看該作者
關仁隱事:「東流」谷氣企硬爭新約

大台一向對旗下藝人好強勢。咪以為大台淨係恰後生嗰班,原來就算做咗幾十年嘅老臣子,一樣恰得就恰。就好似喺近日翻炒劇做江湖大佬嘅前輩「東流」咁,佢係好戲之人係人都知,但原來佢性格都相當剛烈,話說佢舊年喺大台做唔夠騷,早排佢同大台簽新約嗰陣,高層要佢還騷,嬲到東流爆炸,認為大台實在太不近人情,唔單止企硬唔肯讓步,仲喺唔少幕前幕後面前鬧爆大台衰格。結果大台終於肯讓步,唔使東流還騷簽約,東流先至順番條氣咋。

「東流」= 曾江
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1660#
發表於 15-7-3 11:51 |只看該作者
關仁隱事:「麗麗」「思思」爭仔反面

女藝人入得娛樂圈,除咗想大紅大紫,都希望搵到個好歸宿。見到有錢又靚仔嘅才俊,佢哋睇中目標都會主動出擊,當然仲會施展投懷送抱呢一招!電視圈過氣女藝人「思思」同模特兒「麗麗」都係行內出名鍾意四出「搵食」嘅圈中人,麗麗不嬲都有好多uncle照顧,所以細細個已有樓揸手,仲細屋換大屋。有次佢哋喺一個活動上識到個有錢仔,即刻抄牌交換電話,思思同麗麗分別以電話攻勢希望進取攞分,但點知適得其反,就係咁嚇怕咗人,爭食爭到最後連朋友都冇得做。

「麗麗」= ?
「思思」= ?

很想知道,追夢的人是如何踏出第一步?

首頁

尾頁

跳至
Presslogic Logo
Baby Kingdom Logo