HihiHello_FB 發表於 19-7-25 16:39
政府係一意孤行咩？
https://www.info.gov.hk/gia/general/201906/09/P2019060900579.htm
回應你五大訴求
一、徹底撤回修例
-大部分人都明白撤回同暫緩喺意義上係冇分別, 即使真係撤回將來亦可以重推. 你可以話林鄭固執死要面, 你可以話唔明佢點解死都唔轉字眼, 但既然喺意義上係冇分別同樣地點解你地又唔用撤回兩字唔得呢? 純粹就因為字眼唔同就要掟磚掟汽油彈大肆破壞影響民生? 乜呢d係合情合理mei?
二、收回暴動定義
-明明有過百人有組織地帶哂頭盔護罩挖磚收集鐡通衝擊警察防線, 難道就因為你地覺得自己係代表公義就乜都啱乜都可以做你地話係就係唔係就唔係?
三、撤銷對今為所有反送中抗爭者控罪
-掟磚掟汽油彈打差人打不同政見及禁錮市民破壞立法會圍警察局不合作運動呢d全部都冇犯法? 淨係白衫或修例支持者打黑衫先叫犯法? 再講多次: 難道就因為你地覺得自己係代表公義就乜都可以做? 咁如果下次攞刀斬死差人係咪都冇罪? 咁如果有人覺得你地先係邪惡自己先代表公義係咪就可以任打你地唔犯法?
四、
成立獨立調查委員會(即徹底追究警隊濫權情況 +警黑合作)
-即使有警察濫權都只係少部份, 絕大多數情況都係警察多次警告叫你地走你地唔走重要掟野襲警警方先會用武力清場, 唔聽警方警告仲要襲警在先你地當睇唔到, 到警方用武力制暴你就話濫權?
警黑合作: 3個鐘24000個999 call冇聽到或打唔通你地就話警黑合作特登唔接你地電話? 乜你地個電話號碼自動顯示你係黑衫黃絲? 有人話報案中心叫佢"驚就唔好出街"咁你又有冇查證當時嗰位報案者講左乜, 如果,我係話如果, 佢係好激動咁話"元朗好多白衫打人我好驚r"又冇其他實際情報咁咁答佢係冇問題bor. 仲有你地話開頭2個警察走開同大批警察39分鐘之後先到元朗站係斐而所思. 乜之前唔係你地實牙實齒話高層要前線死mei? 如果叫果2位差佬入去調停但被人圍打咁邊個負責呀? 唔係你地當日喺西環搞事唔係你地之前亂打差佬打到有人危殆佢地點會要周圍調動人手點會要多d時間部署同裝備, 即使時間係唔理想你地就可以斷定一定係警黑合作?
仲有就係警察局拉閘點解又唔講埋係因為你地幾十至過百人圍警局在先呢?
五、實行雙真普選
–第一: 美國行緊'真'普選? 日本英國又行緊'真'普選? 請列出世界行緊真普選嘅國家.
第二: 外國行民主制最基本條件就係市民都有共識大家都係同一國家嘅人, 大家不論黨派最終都係為自己國家好。但香港唔好話承認中國主權，部分人連自己係中國人都唔認，泛民裡面就有一班咁既人,仲有一班直頭係擺明要搞港獨，咁我想問點比你"真"普選呢?
最後你地班人永遠只係企喺自己角度諗野, 你地話人地唔肯溝通, 但人地同你溝通時你就話要有條件, 你地永遠都唔會讓步, 因為讓步等如妥協等如跪底, 大佬而家唔係淨係要你一個讓步, 係溝通完大家各自讓步都唔得, 呢d就係你地嘅民主? 你地嘅理念就係雙重標準? 定係你地覺得自己係神所以永遠正確人地就永遠邪惡?
PS你地係連邊個先真正想一國兩制徹底失敗都唔知.
發表於 
返回列表
