媽媽會所 今日: 0 | 主題: 569

積分: 4455

1701^#

發表於 04-4-9 11:00 |只看該作者

Re: 2002既9月馬仔!!!新年喇喎!!!!

Nancy
暉暉冇大問題嘛, 比藥佢食同休息多D啦.
呀, 佢上次手術後已完全recover嘞係咪.

波波
今日節目冇可頤份, 係我同老公去睇戲, 老公今朝去放飛機, 2:00pm一齊去睇受難曲, 幾應節, Easter去睇耶穌, 唔知會唔會做埋佢復活呢. :-P

私人傳訊

jenniferpl

積分: 1894

1702^#

發表於 04-4-9 11:00 |只看該作者

Re: 2002既9月馬仔!!!新年喇喎!!!!

Heidi mom

I will bring rachel to ocean park on saturday as well. What time will you be there? I'll pm you my mobile.

私人傳訊

晉諾媽咪

複式洋房

積分: 436

1703^#

發表於 04-4-9 11:07 |只看該作者

Re: 2002既9月馬仔!!!新年喇喎!!!!

Candy925 寫道:
2:00pm一齊去睇受難曲, 幾應節, Easter去睇耶穌, 唔知會唔會做埋佢復活呢. :-P

「受難曲」最後一個鏡頭係影主耶穌復活架!

私人傳訊

積分: 5069

1704^#

發表於 04-4-9 11:50 |只看該作者

Re: 2002既9月馬仔!!!新年喇喎!!!!

nancy,
暉暉因乜事發燒???

你地又會咁岩撞到既

,住隔離病房

....
anyway,希望alan仔可以快d返屋企休養la!!!

candy,
睇"受難曲"

咁應景呀

條片好似好長wor !!!

私人傳訊

積分: 3918

1705^#

發表於 04-4-9 14:03 |只看該作者

Re: 2002既9月馬仔!!!新年喇喎!!!!

Hello! 好多謝咁多位媽咪的關心, 我真係覺得好warm, 無你地的support, 我尋日返工時一定更加upset.

我剛剛同Alan仔出院啦, 今朝無痾啦, 醫生巡房話Alan進展良好, 比佢出院. 十分開心.

今朝有一個bb入我地個ward, 又係同Alan的case一樣, 腸胃炎, 但要佢吊鹽水, 好慘好慘, 果個bb喊得好利害, 又成日要用隻手去攪個針孔, 正正係我最擔心果一橫, 好彩, Alan終於都唔需要吊鹽水, 大大減輕佢的痛楚.

私人傳訊

積分: 3918

1706^#

發表於 04-4-9 14:07 |只看該作者

Re: 2002既9月馬仔!!!新年喇喎!!!!

Nancy,

尋晚多謝你的message, 好warm呀.

今朝見暉暉都好精神, 我諗暉暉都是好轉緊, 佢都好乖, 肯比你貼上散熱貼, Alan瞓緊覺都唔比我地貼架!!

私人傳訊

nancy

積分: 5113

熱血勳章

1707^#

發表於 04-4-9 17:15 |只看該作者

Re: 2002既9月馬仔!!!新年喇喎!!!!

Candy925 寫道:
Nancy
暉暉冇大問題嘛, 比藥佢食同休息多D啦.
呀, 佢上次手術後已完全recover嘞係咪.

Candy,
好得8899啦, 呢2日先開始"溶"線, 之前一直幫佢擦背, 濕水抹身(拎張櫈仔入沖涼房比佢坐), 前日見佢傷口好左, 用番沖涼盤沖涼, 佢好開心。

但佢成日手多多想攪個傷口,所以仍然包住佢隻腳 :-( , 佢都會間中"mon"下D繃帶架。

balltsang 寫道:
nancy,
暉暉因乜事發燒???

Ball,
我諗佢9成比舅父仔傳染啦, 上個禮拜我阿嫲阿爺回鄉探親, 我堂細佬&堂細妹無人照顧, 所以嚟我呢度住左幾日, 我堂細佬又病緊:-( :-( (不停地咳).... 我已經keep住俾暉暉食維他命 + 盡量分開佢同暉暉..... :-( 都中招!

醫生話暉暉喉嚨發炎喎 :-( 。

至於點解見到倫媽

, 因為佢地咁啱又響canteen食緊早餐囉! :-P

alanchoi 寫道:
Nancy,
今朝見暉暉都好精神, 我諗暉暉都是好轉緊, 佢都好乖, 肯比你貼上散熱貼, Alan瞓緊覺都唔比我地貼架!!

倫媽,
妳....妳....妳....

真係瘦左成個碼呀! :-P 厲害 !!

我想八下剩食餸唔食飯夠唔夠飽架!?

Alan仔出左院就好嘞

。

至於暉暉,唔知點解

佢發燒成日傻笑 :lol: , 佢4個半月大嗰陣第一次發燒, 成晚係咁笑

, 今次又係.... 爸爸話唔痛佢覺得發燒呢種感覺好過癮

, 真係唔明解, 但見到佢"嘻嘻嘻嘻", 我哋又忍唔住笑 :lol: :lol: :lol:

至於退熱貼,其實佢好抗拒架, 如果爸爸幫佢貼, 佢會喊住嗌"阿媽"

；如果我幫佢貼, 佢又會喊住嗌"爸爸"。

佢唔鍾意凍冰冰嘅feeling, 但隔左一陣(揾嘢引佢),佢又唔記得左塊退熱貼架嘞。 :-P :-P :-P

唉, 呢幾晚無"教"好瞓, 諗住終於可以抖下啦,(暉暉食完藥會眼瞓) , :-( :-( :-( 點知隔離屋呢排成日鑽牆, 嘈到暉暉瞓唔到, 加上暉暉又驚鑽牆聲.... 一鑽就喊 :-( .... 佢又病緊唔帶得佢出街 :-( ... 又鑽牆聲..又喊聲, 好煩, 好想過去剷佢哋, 但佢哋朝九晚八鑽... 又奈佢哋唔何 :-( , 寧願暉暉留醫重好, 起碼佢有寧靜嘅環境瞓吓/休息。 :-( 唉... 暉暉啱啱先瞓着...宜家又喊醒嘞!!

私人傳訊

積分: 5069

1708^#

發表於 04-4-9 21:12 |只看該作者

Re: 2002既9月馬仔!!!新年喇喎!!!!

Nancy,
又係無辜比人傳染領野 :-(
真係要小心d lu

倫ma,
alan仔出左院真好

你都要小心身體

另,我o係第2個forum度見你問"disnxy channel"
我係用家,因為我鍾意睇,所以我覺得唔錯;同時又可慳返買vcd d $$$:-P :-P

私人傳訊

Candy925

積分: 4455

1709^#

發表於 04-4-9 21:54 |只看該作者

Re: 2002既9月馬仔!!!新年喇喎!!!!

嘩, 睇受難曲真係好慘, 長又唔覺好長, 2個鐘但劇情令人唔覺唔覺就睇完, 但我差唔多由頭都尾都雛哂眉頭咁睇, 因為太慘太血腥, 好唔人道, although I'm not 教徒, but 小學讀天主教學校都讀過吓聖經, 大概story講mug都有印象, 不真人做比你睇係好震撼, 好心up:-( , 真係唔知點解耶穌要受咁o既難. 而家做埋媽咪仲多個角度睇套戲, 即係仲心up, 見到聖母沿路望住耶穌受難真係... :-( :-( :-( , 唉, 有一幕差D頂唔順, 耶穌揹住十字架成個人跌低, 滿身傷痕已好慘, 仲要跌o係聖母面前, 聖母即時回憶耶穌細個時跌倒, 佢飛身上去抱起佢, 而佢再望吓面前個受緊難o既仔, 亦即時上前攬住佢, oh my god, 人間慘情, 真係好似殘片'可憐天下父母心'咁. :-( :-( :-( , oh, 唔再講嘞, 太慘嘞, 有D後悔去o左睇.

倫媽, Nancy
真開心聽到兩個bb都好轉, 希望佢o地快D recover啦, 你o地都抽時間休息吓嘞.

私人傳訊

積分: 5069

1710^#

發表於 04-4-9 22:07 |只看該作者

Re: 2002既9月馬仔!!!新年喇喎!!!!

Candy,
套戲末正式上畫前已被受非議,我睇劇照都覺血惺!!
估唔到真係咁激wor

....你今晚唔好發惡夢呀

私人傳訊

suetyen

積分: 2754

1711^#

發表於 04-4-9 23:06 |只看該作者

Re: 2002既9月馬仔!!!新年喇喎!!!!

Alan ma,
Alan 仔出院就安樂晒啦

，其實我真係覺得佢好慘，我自己腸胃炎都覺得好辛苦，何況一個咁細o既 B B，不過點都好.....以家無事就好啦

！

nancy,
咁暉暉以家退o左燒未？另外，只係餸唔食飯.....真係可以減到肥o架〔我以前用呢個方法(只係晚餐,早餐午餐食返正常,如果唔係就唔夠能量工作!)減到十幾磅〕，其實如果食慣o左都唔會覺得好肚餓，你可以每一個星期減少食飯o既份量，咁就可以慢慢適應到

！

細細：
我見到"諾妍"新大頭照

，超靚女喎

....流口水o添 :-P ！

Candy,
聽你講完都唔敢睇o添，如果係基督徒就一定要睇啦，個人意見.....唔睇好似對唔住主，耶穌咁慘為世人受難，唔入場感受下....好似唔夠虔誠！ :-P

私人傳訊

積分: 3918

1712^#

發表於 04-4-9 23:36 |只看該作者

Re: 2002既9月馬仔!!!新年喇喎!!!!

Candy,

之前我都有睇左"受難曲", 我都唔係教徒, 我睇的時候都係全部時候雛哂眉頭咁睇, 到耶穌被釘上十字架, 我仲唔敢睇添. 未睇前我都己聽聞係好血腥, 呢個真係事實. 我唔係信徒, 對耶穌被釘上十字架的受難過程係唔知道的, 當然睇完呢套戲好似睇到當時真實的一面咁. 但, 我最终的意見係我唔係太喜歡, 好似要睇一d殘暴的軍人怎虐待一個活生生的人一樣, 每一個細節點虐待人, 去聽被虐待的人的慘叫, 睇完係好心up的. 我唔會suggest別人去睇呢部戲囉.

私人傳訊

積分: 3918

1713^#

發表於 04-4-9 23:39 |只看該作者

Re: 2002既9月馬仔!!!新年喇喎!!!!

balltsang 寫道:
倫ma,
另,我o係第2個forum度見你問"disnxy channel"
我係用家,因為我鍾意睇,所以我覺得唔錯;同時又可慳返買vcd d $$$:-P :-P

ball,
你subscribe時係唔係$148一個月呢? 多唔多野o岩Hoklam睇呀?

私人傳訊

積分: 5069

1714^#

發表於 04-4-10 00:07 |只看該作者

Re: 2002既9月馬仔!!!新年喇喎!!!!

倫ma,
我訂左一年"Disnxy General Channel"同"Disnxy Playhouse Channel",訂2個台每月只需$40(一年計,續個月比多幾十蚊)

"Disnxy Playhouse Channel"都幾多program岩hoklam睇,e.g.The Wiggles, Bob the Builder,動物片....etc.而"Disnxy General Channel"就大d既kids睇多d

私人傳訊