母乳餵哺 今日: 0 | 主題: 85707

積分: 40343

好媽媽勳章醒目開學勳章陪月勳章

161^#

發表於 07-12-29 11:46 |只看該作者

奶量和胸部size成正比嗎? 我明白就算胸細都會夠奶比bb食, 但想知係咪胸大d可儲多d??

昨日好勤力泵, 平均每2-3小時一次. 2小時有2oz, 3小時有差不多3oz. 但夜晚訓了, 隔咗6小時才泵, 仍然係3oz. 係咪代表我胸部maximum只有3oz? (大約在bb 2-3星期大時, 試過隔咗成9個鐘, 泵到4oz. 僅只一次有4oz而已)

幾時可以唔駛泵得咁密? 見有d媽咪可以隔5-6小時才泵, 泵出來又好多, 但我就要泵得咁密, 當全日乖乖地每2小時一次每次有2oz, 一日有24oz才可能夠bb食, 遇啱佢大食少少都要補奶粉.

餵奶時要不要用一隻手C字型托起胸部? d小冊子話要, 健康院姑娘話唔駛. 而我泵奶時托住出奶會好d, 是否應該托呢?

[ 本文章最後由方麗娟於 07-12-29 13:25 編輯 ]

私人傳訊回覆引用

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

162^#

發表於 08-1-1 09:36 |只看該作者

如果d人奶坐熱咗但bb訓咗冇食到, D 奶可以放室温一個小時，之後唔食就一定要倒，千祁唔好熱完D奶再雪過，因為熱咗D奶會好快變壞。

BB嘔奶其實都幾普遍, 試下少食多餐, 同埋掃風掃耐D，唔好咁快放低瞓，仲要留意佢喊，喊一定要抱，有時一抱起BB佢會再burp，即係仲有風。

奶量和胸部size成正比嗎?
胸大d係可以儲多d奶，所以胸大就可以泵得冇咁密。不過，只要埋身够就一定有奶架。
昨日好勤力泵, 平均每2-3小時一次. 2小時有2oz, 3小時有差不多3oz. 但夜晚訓了, 隔咗6小時才泵, 仍然係3oz. 係咪代表我胸部maximum只有3oz?
咁又唔一定，我泵奶都有時4安，有時6安，主要係身體情况，我上一胎就通常3－4安咋。

幾時可以唔駛泵得咁密?
當BB大D就會食多D，所以點解要多D埋身，因為埋身可以俾身體知道BB要食幾多至夠，如果齋泵就要好勤力追奶。我初初都係每次泵清，完全埋身，加埋3小時泵一次，等到奶量夠BB食之後，再唔駛泵得咁，通常我係谷奶就泵，依家有時夜晚有時我都可以隔4－5小時先泵。我個女而家已經4個月多D啦，等你BB大D，唔駛食得咁密，你D奶多D果陣，你就唔駛2－3小時泵一次。

餵奶時要不要用一隻手C字型托起胸部?
托住D奶會易D出，BB食得好D，不過我都冇特别咁做，除非谷得好勁，個胸實晒，我就會托住泵，等D奶出得順D快D。你可以試下托住餵，睇下BB會唔會食得容易D。

花旗太太生活在花旗國，留意時差，你問我未必即時答到。

私人傳訊回覆引用

積分: 40343

好媽媽勳章醒目開學勳章陪月勳章

163^#

發表於 08-1-1 19:14 |只看該作者

rose-mag,

唔該晒~

呢兩日幾乎全埋身, 到尋晚開始覺得nipple有d痛...同埋發覺阿b啜緊時某個位好似"咪住咪住"咁痛, 係乳暈邊, 唔知係bb上唇冇乜點反所以整痛我, 定係我本身好脆弱呢? 個胸又好似扯扯地咁.

還有可能教bb點啜嗎? 畢竟已1.5個月了~ 同埋唔識點教!

nipple的皮膚已變得粗糙了, 以為實頂得順, 點知餵唔夠三幾日就覺痛. 好擔心係自己問題.

餵完奶or泵完奶, 胸部冇幾耐就開始覺得扯住扯住, 會唔會咁快又開始造奶? 造奶時自己感覺到嗎?

bb食奶仍然冇規律, 有時10mins就訓了, 有時20-30mins, 有時個幾鐘都仲好似想食, 點知食完可能飽得滯好易嘔奶. 如果每次都係十幾分鐘食完就好啦~ 快, 少風又訓到(個幾兩個鐘架), 最幣唔係呢! 有時覺得好困身, 夜晚又極度疲累埋唔到身. 希望bb食奶時間有規律d, 有可能嗎? 我姑奶話bb最多食30mins, 我餵得好耐......我夠想快, bb唔放口. 而家我冇刻意甩開佢個咀仔, 由得佢食夠or訓咗自然鬆開, 對嗎?

奶奶話要開始幫bb戒夜奶喎, 真係唔想, 點解唔可以順其自然? 得1.5個月人仔咋, 成個夜晚咁長點捱?

私人傳訊回覆引用

積分: 174325

164^#

發表於 08-1-2 07:35 |只看該作者

唔駛唔該，其實我都唔係所有嘢都識，只係分享下經驗啫。
雖然我個囡已經4個幾月大，佢又識得埋身，都有時因為肚餓啜到我好痛。你話nipple同埋BB啜緊時某個位好似"咪住咪住"咁痛, 係乳暈邊,應該係BB啜唔啱，佢咬唔晒乳暈，果度D肉比較薄，好易會損。你睇下有冇損，可以搽D人奶。如果BB啜得唔啱，你應該pull番出嚟，俾佢再啜過。

1．5個月都唔算太大，仲可以教bb點啜，總之佢啜得唔啱就再嚟過，你可以自已就位，位置啱就由得BB食，唔啱就再嚟，如是者BB慢慢會知點先有得食。唔駛擔心，BB學習能力好強架，分分鐘叻過我地D大人。

nipple的皮膚已變得粗糙係正常，所以咪冇以前咁痛，其實係身體適應咗。你痛都唔係唔妥，一日俾人咬咁多次實會覺痛架。你話餵完奶or泵完奶, 胸部冇幾耐就開始覺得扯住扯住, 會唔會咁快又開始造奶? 咁我又唔係好知，通常我唔係太多嘢做就係瞓咗，到囡囡喊或者醒果時，通常都覺得漲漲實實，咁我就知有奶。

如果你希望bb食奶時間有規律d,你就要訓練BB，俾個規律佢。例如你可以定每隔幾多個小時餵一次，時間未到就唔餵，同BB玩下傾下，等到够鐘先餵，每次餵之前就換片，慢慢BB會知道幾時有得食。（不過，如果相差1／2小時以內，都可以俾BB早D或遲D食）如果BB食到瞓咗都未放口，你就應該要甩開佢個咀，吾則，佢會當你係奶咀，一路食住瞓，唔啜唔瞓就死啦。

戒夜奶又唔駛咁快，通常BB會自然戒，如果佢可以瞓同想瞓耐D，你叫佢都唔醒。如果你BB已經超過11磅，佢應該可以夜晚連續瞓到5小時。你可以慢慢推遲最後果餐，你瞓之前可以俾多次奶佢食，等BB飽D，佢就可以冇咁早再食。每個BB胃口大小都唔同，有D BB足月已經唔食夜奶，有D就成十一二個月就未戒。你餵夜奶時最好唔好開燈，唔好同BB玩，等佢識分日夜，慢慢BB就知道夜晚要瞓覺。唔駛太心急，等多一兩月都唔遲。

花旗太太生活在花旗國，留意時差，你問我未必即時答到。

私人傳訊回覆引用

積分: 670

165^#

發表於 08-1-2 14:04 |只看該作者

I finally gave birth to my bb girl on 23 Dec. I now do mix feed e.g. 埋身 first, then using bottle with the milk I pumped (等佢飽). BB 唔係太肯啜, 太易訓, 冇辦法...:cry:

so so so difficult....

http://bd.lilypie.com/HVeWp8.png

私人傳訊回覆引用

積分: 174325

166^#

發表於 08-1-3 13:01 |只看該作者

原文章由 bbbttt 於 08-1-2 14:04 發表
I finally gave birth to my bb girl on 23 Dec. I now do mix feed e.g. 埋身 first, then using bottle with the milk I pumped (等佢飽). BB 唔係太肯啜, 太易訓, 冇辦法...:cry:

so so so difficult.... ...

congratulations! 係呀，做人奶媽真係唔易，慢慢嚟啦。你有問題可以參考下我地之前D post，睇下有冇D有用資料。加油。

花旗太太生活在花旗國，留意時差，你問我未必即時答到。

私人傳訊回覆引用

積分: 40343

好媽媽勳章醒目開學勳章陪月勳章

167^#

發表於 08-1-3 21:26 |只看該作者

原文章由 bbbttt 於 08-1-2 14:04 發表
I finally gave birth to my bb girl on 23 Dec. I now do mix feed e.g. 埋身 first, then using bottle with the milk I pumped (等佢飽). BB 唔係太肯啜, 太易訓, 冇辦法...:cry:

so so so difficult.... ...

恭喜晒! 有bb陪你過聖誕&新年, 一定好開心呀~

初生bb係咁, 仲好記得我阿b初初出世時食親奶(有時埋身有時bottle)都訓覺, 點搞佢都唔醒, 冇晒符! 到佢肚餓就大喊要即刻食, 一秒都唔等得. 我冇刻意整返醒bb, 搞過下耳仔換過下片都唔醒就算, 佢肚餓自然會食, 食夠就會訓. bb好快就冇再咁爛訓, 反而係勁食.

雖然我咁做未必好啱, 因正確嚟講應該係搞醒佢比佢食. 但真係搞唔醒都冇辦法, 唯有等佢下一餐, 辛苦d餵密d囉.

你要努力呀~做人奶媽真係唔容易, 我幾經掙扎到而家bb 1.5個月, 由nipple confusion到而家(應該冇confuse掛...不過一時時識食), 我仲堅持緊! 雖然係人奶+奶粉, 唔係全人奶, 但我知道自己盡咗力, 會繼續努力, 你都係呀!!

私人傳訊回覆引用

積分: 40343

好媽媽勳章醒目開學勳章陪月勳章

168^#

發表於 08-1-3 21:56 |只看該作者

rose-mag,

我都冇諗過自己可以咁堅持, 相信你的分享和鼓勵係其中一個很重要的動力令我支持下去. 冇咗你呢枝"盲公竹"我好多野都蒙查查. 其實開呢個topic時都冇諗過有人reply, 以為會石沉大海或者唔會last for好耐, 但有你和李小B太太咁有心去教我, 仲不厭其煩地解答我的問題, 你地真係好好人!

雖然我未係全人奶, 亦唔知仲可唔可以做到, 總之到咗今時今日bb仲有人奶食算係對佢有個交代, 希望佢第日少d病痛, 聰明活潑又錫媽咪:loveliness:

近日發覺自己左邊奶量少咗, 好驚唔知係咪塞咗/塞塞地, 冇痛. 請問乳腺塞係咪一定會痛? 係點?

同埋冇咗谷奶感覺, 除非5,6小時(有時4小時)冇餵or泵出嚟就谷到有d痛, 但唔會話好實好硬. 正常嗎?

我諗bb係一時時識食, 有時佢又食得唔痛, 但有時個咀仔又食唔啱, nipple中間有損(已結焦), 都唔知係幾時食損了. 基本上比佢啜完都會搽乳汁, 太痛就搽medela羊脂膏.

今日bb好似食極都食唔夠(埋身/樽餵/奶粉, 總之食得好密), 又扭眼訓, 成日想食, 搞到我都唔知點好. 請問"猛長期"是在bb 6星期大嗎? 會唔會7星期都有呢?

其實我地身體大約需要幾多時間造奶? bb食完奶唔夠1個鐘或個幾鐘又要食, 仲有人奶嗎?

假如唔需要儲奶, 咁唔泵奶可以嗎? 餐餐埋身餵, 唔泵奶, 奶量會否僅僅夠bb食而不會有多? 有時bb食一邊就訓咗(如2小時咁計), 到下次食又係另一邊就訓咗, 咁會不會隔好耐? 定係次次都要餵2邊?

仲有, 頭10mins人奶成份係水, 係咪要餵多過10mins才飽? 會否因人而異? 係咪兩邊輪流餵(e.g.:上次 - 先右後左; 今次 - 先左後右? 定係永遠先右後左?)

問住咁多先~ 唔好意思好多問題!

私人傳訊回覆引用

積分: 670

169^#

發表於 08-1-4 17:35 |只看該作者

hi 方麗娟 and rose,

My baby is now 13 days old. I finally 上奶 these few days and bb 開始食得叻左. But I chose to do mix feed, that means 埋身餵一會, 然後pump出黎用樽餵等佢食夠(大概餵多100ml), 每3.5hours 餵一次. 唔知咁樣work唔work....

http://bd.lilypie.com/HVeWp8.png

私人傳訊回覆引用

積分: 40343

好媽媽勳章醒目開學勳章陪月勳章

170^#

發表於 08-1-4 20:08 |只看該作者

原文章由 bbbttt 於 08-1-4 17:35 發表
hi 方麗娟 and rose,

My baby is now 13 days old. I finally 上奶 these few days and bb 開始食得叻左. But I chose to do mix feed, that means 埋身餵一會, 然後pump出黎用樽餵等佢食夠(大概餵多100ml), 每3. ...

如果咁唔知奶量會否越來越少或停滯不前? 始終都係bb啜多d, 奶量才會增多. 你係驚自己唔夠奶所以bb唔夠飽? 唔夠奶就飲多d湯水(不過你bb 13日已有100ml以上都幾好呀~ 我bb 1.5個月我都仲係咁上下, 真係窮奶媽啊!!), 如果bb真係唔夠飽自然會再"搵食".

同埋點解你要泵出嚟呢? 既然仲有奶點解唔埋身餵埋佢?

私人傳訊回覆引用

積分: 670

171^#

發表於 08-1-4 21:42 |只看該作者

原文章由 方麗娟 於 08-1-4 20:08 發表

如果咁唔知奶量會否越來越少或停滯不前? 始終都係bb啜多d, 奶量才會增多. 你係驚自己唔夠奶所以bb唔夠飽? 唔夠奶就飲多d湯水(不過你bb 13日已有100ml以上都幾好呀~ 我bb 1.5個月我都仲係咁上下, 真係窮奶媽啊!!), ...

方麗娟,
我精神上同心理上都負擔唔倒一日餵得太密, 所以我等佢一次食多啲, 佢可以隔耐啲至叫餓. 我其實最終目標係全泵....:-|

http://bd.lilypie.com/HVeWp8.png

私人傳訊回覆引用

積分: 40343

好媽媽勳章醒目開學勳章陪月勳章

172^#

發表於 08-1-4 22:20 |只看該作者

bbbttt,

完全明白你! 因為其實我都係咁諗, 埋身太多(加上我阿b唔係幾識食, 我又唔識教返啱佢)真係痛到入心入肺! 而家兩邊nipple又結焦又甩咗! 真係太痛太痛. 唔係讚泵出嚟好, 對我而言泵出嚟的確舒服好多, 老公成日叫我不如索性全泵, 唔駛再忍痛又可以知道幾多oz. 只係因為我本身唔係多奶, 更加驚只靠泵會越來越少或者停滯不前才不斷堅持, 其實真係好痛架:-(

但泵我都覺辛苦, 有時餵完奶(奶粉or坐熱的人奶), 掃晒風搞掂咗bb就到自己泵奶, 泵完唔抖得幾耐bb又訓醒要食奶了. 好似沒完沒了咁...唉, 為咗能夠餵人奶, 我覺得自己好似响度「掙扎求存」咁...

之前好完美地諗過, 頭2個月全埋身, 之後全泵餵到起碼6個月(好似其他要返工的媽媽咁). 但事實係一開始就"撻Q", 埋身唔係好成功又唔夠奶, 而家仲要補奶粉...不過算啦我已盡咗力, 捱下捱下bb都7星期大了, 雖不是全人奶但都叫做仲有食人奶丫~

有樣野好開心想share, 就係bb 昨晚1點食奶(埋身2邊各1次, total 唔駛半個鐘)--->訓到5點幾才要食

(訓咗3個幾鐘!)
同埋今朝10點埋身到下午2點才醒...唔知係bb咁眼訓定係原來我都可以令佢食飽飽~

想問下係咪有樣野叫"黃昏哭啼"? 唔知係咪咁講, 即係話bb逢黃昏就喊, 點解決?

私人傳訊回覆引用

積分: 174325

173^#

發表於 08-1-5 04:44 |只看該作者

方麗娟，

我都係靠其他BK媽咪的分享和鼓勵，好開心我的經驗對你有用，唔好話盲公竹，只不過你不知道的剛考我經歷過，可以俾少少意見。

乳腺塞通常會痛，但程度唔同都未必一定好痛。但是，你可以摸下個breast有沒有一粒粒硬同實嘅嘢，大力按會有D痛。如果有，就即係乳腺有阻塞，嚴重的會成個breast實晒，勁痛但泵唔出奶，所以最好就係唔好等到好嚴重先打理。一係就等BB食通番，一係就泵清，再唔係就熱“呼”加大力按摩。
可能你BB大咗冇食得咁密，身體適應咗個餵食時間，所以少咗谷奶感覺, 如果奶量冇少，都唔駛太擔心。nipple損間唔中有都好平常，遲D BB出咗牙仔咬你果陣就真係好痛，不過BB出牙都係四五月後的事了。

"猛長期"是在bb 6星期大，不過BB同大人一樣，有時會開胃D食多D，有時冇心機就食少D，你BB都仲好細，唔駛咁快要佢有fixed schedule & pattern.

其實我地身體大約需要幾多時間造奶?
確實時間好難講，而且因人而異。我就算泵完30分鐘後都會餵BB，都會有奶，不過我知唔會好似平時咁多，大約泵完1個鐘後餵就會冇問題。你可以留意下，睇下BB咩程況下會飽，幾時會唔夠，就知你自己身體程況。
假如唔需要儲奶, 咁唔泵奶可以嗎?
當然可以啦，只不過如你所講，餐餐埋身餵唔泵奶, 奶量會夠bb食而不會有太多。儲奶係防不時之需，例如你要出街，BB要俾奶奶凑，你又唔想佢食奶粉，或者你病要食藥暫時唔可以俾BB食你D奶，有儲備BB就可以有人奶食，又或者BB大D要食多咗而你又泵唔夠要補奶。

有時bb食一邊就訓咗(如2小時咁計), 到下次食又係另一邊就訓咗, 咁會不會隔好耐? 定係次次都要餵2邊?
有D BB細食，或者BB太攰，都會有咁程況，如果你點搞BB都唔醒，我都由得佢瞓先，BB餓自然就起身食。
頭10mins人奶成份多係水, 最好係餵多過10mins等BB食到後奶會頂肚D飽D，可以瞓耐D。但是，有D BB啜得大力D，後奶出得快D，咁唔駛10分鐘BB都飽。仲有，BB大咗都會可以食得快D，所以，你留意下你BB，如果食完後瞓得耐就唔駛太計較時間。兩邊輪流餵，上次 - 先右後左; 今次 - 先左後右，因為BB啜第一邊會大力D，如果永遠先左後右，慢慢你會左邊多奶右邊少奶。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

174^#

發表於 08-1-5 04:44 |只看該作者

方麗娟，

又餵又泵的確好辛苦，等BB大個D食快咗同冇食得咁密會好好多。5－6個月BB可以開始食糊仔，你就可以冇咁辛苦啦。係囉，BB仲有食人奶已經唔錯，有D媽咪想餵都唔得仲慘啦。唔好成日話唔得，女人的意志就係唔好睇少，特别係為人母者。
想問下係咪有樣野叫"黃昏哭啼"? 唔知係咪咁講, 即係話bb逢黃昏就喊, 點解決?
黃昏哭啼即係英文所講colicky，colicky baby 係會在黄昏時特别扭計，一喊可以係成個鐘，亦即係中國人話“百日哭”。但其實colicky baby係可以扭計扭到6個月大，基本上，造成colicky 的原因有gas、reflux、温度、光暗、聲音等，亦有BB純粹乏缼安全感要人抱，只要找出原因就可以對症下藥。不過，如果你BB係colicky baby係就好辛苦。我個囡就係，而家4個幾月大都仲係成日扭計，我唯有少D同佢去夜街，等佢唔會因為生保而扭計囉。

bbbttt，
你BB只得13日大，仲要係餵人奶，一定要起碼餵7－8次。雖然咁係辛苦，但係為BB好，BB要食得夠去得夠先可以令消化系統成熟。食的frequency唔夠會影響BB發育。全人奶就要食8－12次，奶粉BB就食最少6次。你如果餵BB人奶，最好都要有8次，每3小時一次，唔好等BB自己醒先餵，佢未醒要叫醒BB食。當BB夠一個月大就可以因應BB的需要而餵。

花旗太太生活在花旗國，留意時差，你問我未必即時答到。

私人傳訊回覆引用

kp24

民房

積分: 56

175^#

發表於 08-1-5 14:00 |只看該作者

唔好意思, 想問下各位有經驗媽媽,
bb每次埋身30mins後, 可以瞓到二個鐘多d, 但如果埋身30mins後, 再加樽補人奶(每次三oz), bb可以瞓三個鐘以上,
咁其實bb每日食量一樣, 問題係應該少食多餐, 定係次都餵飽佢先啱呢??

私人傳訊回覆引用

swanay

禁止訪問

積分: 64

176^#

發表於 08-1-5 15:48 |只看該作者

提示: 作者被禁止或刪除內容自動屏蔽

私人傳訊回覆引用

zton_ming

積分: 527

177^#

發表於 08-1-5 16:57 |只看該作者

原文章由 kp24 於 08-1-5 14:00 發表
唔好意思, 想問下各位有經驗媽媽,
bb每次埋身30mins後, 可以瞓到二個鐘多d, 但如果埋身30mins後, 再加樽補人奶(每次三oz), bb可以瞓三個鐘以上,
咁其實bb每日食量一樣, 問題係應該少食多餐, 定係次都餵飽佢先啱呢? ...

我係隔3個鐘喂一次,我係全部用奶樽喂.3個月都食得5按.

我係07全職媽媽!

http://hk.myblog.yahoo.com/zton_blue

私人傳訊回覆引用

積分: 670

178^#

發表於 08-1-5 22:47 |只看該作者

rose-mag
我發現圍住乳暈同乳房下面的皮膚出左啲一粒粒癢的東西... 頂唔住終於沖左第一次涼!!! 係咪d汗呢?同埋你係點處理訓覺時漏奶?我暫時用唔倒bra, nipple會痛...

http://bd.lilypie.com/HVeWp8.png

私人傳訊回覆引用

積分: 174325

179^#

發表於 08-1-6 04:23 |只看該作者

kp24,
你BB幾大？如果BB未夠一個月，我會feed on demand, BB肚餓會自然要食，但人奶B一個月大之前要一日8餐。如果你BB已經超過一個月大，食完掃風後又唔會嘔奶，你可以餵飽佢等BB瞓耐D。但係，如果BB食得太飽會嘔奶，又或者佢唔食，就唔好勉強，因為BB會知飽，逼佢一次食得太多會令BB怕咗食奶。

swanay，
你BB幾重呀？超過11磅應該食飽後可以瞓到5個小時。你懷疑唔夠奶，咁你有冇試過泵出嚟用樽餵？你可以試下泵，然後用樽餵，睇下BB食完可以瞓幾耐，如果佢瞓得2－3小時，你應該係夠奶。BB只係食7－8分鐘，應該係未飽，仲有通常佢只係食到前奶，前奶大部份係水份，後奶就較杰有較多脂肪，可以令BB飽肚。試下俾佢食到15－20分鐘，或者，等BB啜完再補奶樽，睇下會唔會有唔同。另外，BF BB會較易肚餓，因為人奶容易消化，冇奶粉咁飽肚，BB會快D肚餓。夜晚果陣，你可以係你臨瞓前再俾BB食多一餐，等佢可以飽少少，咁佢可以頂肚耐D先醒，例如，BB9點食最後一餐，你可以10點零再餵少少奶俾佢，試下佢可唔可以瞓耐D。有時，有D BB真係胃口細，點都要少食多餐，咁就唯有頂硬上，等BB大個少少佢自己慢慢調節。我都下星期一返工，而家囡囡都唔係好肯食樽，而且不定時食夜奶，我每朝仲要睇時間起身同囝囝返托兒所，都唔知捱唔捱到，不過，點都要試過至知。

bbbttt,
圍住乳暈同乳房下面的皮膚出左啲一粒粒癢的東西，你可能係皮膚敏感，沖左涼好唔好D？有冇用薑水？可以試下用熱水“呼”，記住唔好用番皂洗，會剌激皮膚仲大問題。訓覺時漏奶又用唔倒bra？你試下墊一塊毛布係件衫入面，睇下可唔可以够索D奶。我係瞓都用sleeping bra or comfort bra 再用nursing pads，就一定唔會漏濕件衫，不過，如果谷得勁或者漏奶，我大多會醒。你乳頭痛係咪損咗？如果損咗，你可以搽D人奶，等佢自然dry, 最好就餵完泵完之後唔好用bra 10－20分鐘，就好似整損手指，唔好用膠布的原理一樣。

花旗太太生活在花旗國，留意時差，你問我未必即時答到。

私人傳訊回覆引用