大仔大女媽媽會 今日: 0 | 主題: 177860

積分: 3219

161^#

發表於 04-5-6 23:36 |只看該作者

Re: 有冇預產期2004年12月的準媽媽

puiyi, VINCEYiu,

多謝你地o既安慰，我已經可以接受到，既然係事實，我會勇敢面對。不過我已經38歲，我唔會再搏，實在太難面對。

其實今次係意外，我一直避左好多年，個仔都11歲，所以當初知到有左，真係好難接受，老公仲要我落左佢，因為現在經濟咁差，實在唔想帶bb黎受苦，但係我深信生命係從神而o黎，我地無權去做決定，加上我又無刻意去製造，所以同老公糾纏左好耐，講到大家都喊晒，先爭取到留住bb，我更加向神祈禱，希望佢能加添老公o既信心，果然幾日後，老公收到通知加人工，所以我地都好肯定bb係從神而o黎o既禮物，但正當我地好開心，好熱切期待bb o既來臨時，一個咁o既打擊撞埋黎，你話我有幾傷害，呢個玩笑係咪開得太大，太殘忍呢？不過傷痛還傷痛，喊完後，我自己o係度諗，我相信今次好可能係魔鬼對我作出另一次o既攻擊，因為我一向同神o既關係都好好，我係一個絕對順服o既基督徒，無野可以取代神係我生命中o既地位，所以今次絕對係一個好大o既考驗，但係好對唔住，魔鬼，你輸左喇，你無可能利用呢d打擊去動搖我對神o既信靠，神係愛我地o既神，祂向我們所懷o既意念，係賜平安o既意念，唔係降災禍o既意念，要我們沒後有指望!

賞賜的是耶和華，收取的也是耶和華，耶和華的名是應當稱頌的。

雖然無人可以解釋比我知，點解我要承受呢d野，不過我明白人生跟本就係咁，我都唔係好慘o者，相對主耶穌為我地所做o既一切，我呢d苦難又算得係咩丫!

我以經book左星期一做手術，今次會一併做埋結紮，我真係唔想再有下次，你地為我平安祈禱好嗎？

各位其他媽媽，

真係唔好意思，對唔住我係呢度講埋ｄ咁唔開心ｏ既野，我衷心希望你地生個健康活潑可愛ｏ既小寶寶，願主祝福你們！

私人傳訊

TINYAN

複式洋房

積分: 273

162^#

發表於 04-5-7 13:03 |只看該作者

Re: 有冇預產期2004年12月的準媽媽

Tinny,
愛你的主耶穌, 必定賜平安給你, 我也會為你祈禱, 昐望你下星期一手術順利. 不用懼怕...天父必看顧你和你的家人!

我在想雖然唔明點解有這些唔開心的事情發生, 但係可能是背後有著更大的祝福.........透過你的經歷, 你對主耶穌的愛和信心, 必成為別人的安慰與支持.

私人傳訊

積分: 12907

馬年勳章

163^#

發表於 04-5-7 13:24 |只看該作者

Re: 有冇預產期2004年12月的準媽媽

Tiffiny, 見到妳對神的信心如此堅定, 十分欣賞, 是的, 撒旦已經比妳對神堅定的信心擊退.

我都是很喜歡這金句:
賞賜的是耶和華，收取的也是耶和華，耶和華的名是應當稱頌的。

所以, 小產後我都願意順服神, 因為所有野, 都是祂賞賜: 無論歡喜與憂傷.

妳記得"感謝神"歌詞嗎? "感謝神賜路旁玫瑰, 感謝神玫瑰有刺", 無論得時不得時, 務要感謝.

主必保守妳和妳一家.

都願神祝福每位準媽媽.

(曾經失去, 更感恩現有的快樂)Timothy 係天父照顧沒有哭聲的細哥哥

私人傳訊

迪男媽媽

別墅

積分: 958

164^#

發表於 04-5-7 13:45 |只看該作者

Re: 有冇預產期2004年12月的準媽媽

tiffiny:
雖然自己都係基督徒, 但係真係唔敢講如果有一日同一件事發生o係自己身上, 都一樣有呢份勇氣同大家分享, 你好叻, 你要繼續相信一切都係神o既作為呀!

私人傳訊

LEE-MO

民房

積分: 11

165^#

發表於 04-5-7 14:34 |只看該作者

Re: 有冇預產期2004年12月的準媽媽

puiyi, VINCEYiu, Tiffiny & Tabima,

我覺得你們好叻好堅強 ! Though I just got a abortion opeartion last week, but i still feel very upset., always cry ..... and i don't want to go to work next
week, and want to resign the job, as you know my colleague also is 有o左BB and she will take leave next
month for the coming baby, as i know when i see her, i cannot control my emotion ........ 我好怕 ......

Lee-mo 　

私人傳訊

dorismyw

民房

積分: 25

166^#

發表於 04-5-7 17:07 |只看該作者

Re: 有冇預產期2004年12月的準媽媽

Hi Chai,

很明白你的心情. 我是新黎的, 希望同大家share下我既case. 早2,3個月前巳plan好, 做好晒懷孕前檢查, 希望生個健康馬騮BB(與我同一生肖). 得知自己有孕時, 歡喜若狂.

4月中到c家Dr.做第一次檢查, 預產期是12月17日, 照超聲波照到胎囊, 但胎太細, 照不到BB heartbeat. Dr said不知胎兒是否健康, 是不是死胎, 並給我吃葉酸, 約了兩星期後再做檢查. 聽到呢D說話, 成個人down晒, 好驚BB有事. 為了安心些, 我亦book左第2個Dr做檢查.

未到檢查日子, 5月1日下午發現下體有啡色物, 因當日是公眾假期, 找不到私家醫生, 我兩位姊姊即送我入仁濟急症, 照超聲波亦照不到BB heartbeat, 後即轉到瑪嘉烈婦科留院, 醫生檢查後亦只說有待觀察. 第2天啡色物增多, 晚上更嚴重頭痛, 啡色物巳變為紅色, 好似黎M咁, 有血塊, 好擔心, 醫生給我吃Panadol. 第2朝, M並沒有停止, 醫生說我可以出院, 若嚴重肚痛或排出一大舊的血塊, 可再入急症, 他說並沒有藥或手術可治療我的情況. 本巳打算出院並去看中醫, 但下午開始肚痛, 醫生幫我檢查陰道並取了些tissue化驗是否胎囊, 若是胎囊, 即表示小產, 故此住多一天觀察, 第2朝, 再照陰道超聲波, 醫生說我小產, 並即安排做刮宮手術. 出院後, 我的姊姊帶我去看中醫, 我現在家休息.
每當我想起BB就哭, 很傷心,怪責自己是否處理不當, 這樣就讓BB走了. -- 我是否不應入院(因醫院並沒有給我任何幫助), 去看中醫可能可保住BB呢?
今次是我第一胎, 一心想生一個馬騮BB, 現己沒此緣份. 我希望盡快忘掉過去, 調理好身體, 再黎過. 今年巳35, 今次事件對下一次懷孕有很大陰影. :-(

在此祝各12月準媽媽及BB健健康康!

私人傳訊

puiyi

積分: 1487

167^#

發表於 04-5-7 19:33 |只看該作者

Re: 有冇預產期2004年12月的準媽媽

Tiffiny, LEE-MO, dorismyw & 其他姊妹,

其實我都很少信，我一直都很擔心BB有事,直至我照ultrasound, 我見到BB我才放下心頭大石。我應該把BB交給神，相信神在BB身上有特別計劃，像神在我身上有特別計劃一樣，神是愛我們的，並且愛我們到底，祂必將最好的給我們。

Tiffiny, 你好堅強，要去接受和順服都很不容易。
願主耶穌的慈愛常伴你一家！

曉昕都可解作晨曦, 希望曉昕的人生像聖經說:「但義人的路好像黎明的光, 越照越明, 直到日午。」
巧楠的英名係 Hannah ( 哈拿 ) -- Sammuel 的 mother (一個向主傾心吐意的女人.)

私人傳訊

Tiffiny

積分: 3219

168^#

發表於 04-5-7 20:36 |只看該作者

Re: 有冇預產期2004年12月的準媽媽

多謝你地對我的支持，講真，目前真係好怕同身邊的人講，怕佢地比我更難受，我只是好想安靜，比d時間自己乜都唔諗，乜都唔做，乜都唔使講就最好。

呢兩日，不斷要同屋企人講 "我無事，你估小產大晒咩，年中大把啦!" 其實唔想佢地為我擔心，反正都幫唔到我，剩係不斷講我無事，已經令我好疲倦，咁事實上我又真係覺得無咩事o既，不幸o既事，處處都有，我又唔係無得食，無得著，聖經都講啦，有衣有食，就當知足! 況且我仲有好多人關心，咁仲想點丫!

琴晚訓唔著，唔係因為難過，係因為知道唔使再介口，三家姐比我任性一下，陪我飲左杯凍奶茶，所以好精神。於是就將所有感受寫低，再send 左個email比牧師，要求佢為我星期一的手術祈禱，到天光，收到牧師電話，佢聽我講左好多野，佢同我講，其實神唔會唔明白我o既感受，因為佢都曾經痛失愛子，牧師話，神其實有同我一齊喊，佢仲話，其實個故事係唔會因為做完手術就完結，因為上帝仲要賜福比我，我都相信，神唔會比我白白受苦o既，不過其實當我見到我老公肯主動拖住我隻手，為我祈禱，果一剎那，我已經感到好直得，因為如果能夠透過我o既經歷，令一個人對神回轉，我覺得受小小苦都好抵。不過老實講句，我都係一個小女人，我確實唔係好捨得做大肚婆果仲係人都會就下你o既感覺，就好似過去果兩三星期，真係令我覺得好幸福，事關去到邊都有人保護，真係好sweet。

噢!發完夢lu，待星期一過後，又是一條好漢，你地話係咪？

Dorismyw, LEE-MO,

喂! 你地千祈唔好咁怪責自己喎，係都係個b自己唔爭氣咋喎，佢地自己放棄，唔關我地事架，我地先係最suffer果個呀! 拿! 第二個唔明，我就最了解你地感受啦，你地唔開心，pm我丫，我做完手術，要係屋企坐月呀，到時我大把時間同你地chat，唔好太難過，有就同你地兩份，ok？

迪男媽媽，

叻果個唔係我，係我地o既上帝，因為神o既大能，係會o係軟弱o既人身上面彰顯!

Tabima,

"感謝神"我好鍾意o架，仲有"先求祂的國"我都好喜愛，詩歌裡面話，先求祂的國和祂的義，這些東西都要加給你們，即是話，只要你將神放在第一位，其他的東西，神就會為你預備!

Tinyan,

我都相信，試練大祝福越大o架!

私人傳訊

Tiffiny

積分: 3219

169^#

發表於 04-5-7 20:53 |只看該作者

Re: 有冇預產期2004年12月的準媽媽

puiyi,

好替你高興呀!

天地萬物都係從神而來，只要你願意將一切交託，你就會成為蒙福的人! 願你平安!

私人傳訊

puiyi

積分: 1487

170^#

發表於 04-5-7 22:54 |只看該作者

Re: 有冇預產期2004年12月的準媽媽

Tiffiny,
Thank you!
人生的路總有不停學習的地方，讓我們一同努力吧！
我會為你星期一的手術祈禱！

Tiffiny 寫道:
puiyi,

好替你高興呀!

天地萬物都係從神而來，只要你願意將一切交託，你就會成為蒙福的人! 願你平安!

私人傳訊

積分: 12907

馬年勳章

171^#

發表於 04-5-7 22:55 |只看該作者

Re: 有冇預產期2004年12月的準媽媽

Tiffiny,

我都相信神比我們更難過, 因為祂是很愛我們...
你說得岩, 可能神用這個痛苦, 換回你先生的回轉...
最重要是我們知道: 祂總是將最好的給我們.

(曾經失去, 更感恩現有的快樂)Timothy 係天父照顧沒有哭聲的細哥哥

私人傳訊

積分: 12907

馬年勳章

172^#

發表於 04-5-7 23:02 |只看該作者

Re: 有冇預產期2004年12月的準媽媽

dorismyw,

不要怪自己, BB走了.只因神覺得未夠好, 想遲些比個更好的給你.

休養好, 再接再厲, 不要受影響, 加油, 到"share 小產" 或想生bb" topic 傾下

(曾經失去, 更感恩現有的快樂)Timothy 係天父照顧沒有哭聲的細哥哥

私人傳訊

積分: 12907

馬年勳章

173^#

發表於 04-5-7 23:25 |只看該作者

Re: 有冇預產期2004年12月的準媽媽

LEE-MO,

If you do not want to go back to work immediately, ask your private doctor to give you one more week to rest. I took two weeks off at that time.

I understand how hard you feel when you see your colleague. I envy the pregnant women on the streets and pregnant friends so much.

Hope you will recover from the sadness very soon. Take good care to your body so that you will be healthy enough to receive another new life in the near future.

(曾經失去, 更感恩現有的快樂)Timothy 係天父照顧沒有哭聲的細哥哥

私人傳訊