吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 歷時2年，走遍3地嘅4次IVF造人之旅！我對龍鳯孖B一歲了 ...

想生BB 今日: 6|主題: 109471

收藏本版

回覆發帖

返回列表

跳至頁

樓主: Ihyl

歷時2年，走遍3地嘅4次IVF造人之旅！我對龍鳯孖B一歲了

7 8910 11...26

積分: 195

161^#

發表於 21-9-30 07:10 |只看該作者

回覆樓主:

雖然未完，但睇到好感動。
加油媽媽，你同老公都好好，繼續幫有需要既姊妹

私人傳訊回覆引用

mimossyy

別墅

積分: 872

162^#

發表於 21-10-1 12:09 |只看該作者

Ihyl 發表於 21-9-30 05:19
好啦，聽完孖B心跳聲之後，我諗住著返件衫嘅時候，姑娘就大聲問醫生係咪要check 埋其他（吓check其他，仲有 ...

我可能見識少，產檢時姑娘會叫孕婦鬆左胸圍，唔需要除左件衫架...

私人傳訊回覆引用

Ihyl

大宅

積分: 3193

163^#

發表於 21-10-2 05:50 |只看該作者

回覆 mimossyy 的帖子

唉，我都唔知呀，我只係知我喺馬來西亞產檢果陣都冇話要除衫check個胸嘅

其實香港產檢喺咪要check 埋個胸㗎？如果係點解要check嘅？我嗰日著咗個sport bra，喺咪因為咁所以要除哂啲衫？（我到宜家其實都唔係好明點解要咁做，因為我返到英國產檢都冇話要check

）

私人傳訊回覆引用

Felicia_suet

複式洋房

積分: 476

164^#

發表於 21-10-2 07:29 |只看該作者

好佩服你既恆心和毅力！係好大既鼓勵，我都要加油啊！

想要馬來西亞ivf醫生資料，可pm我嗎？

私人傳訊回覆引用

mimossyy

別墅

積分: 872

165^#

發表於 21-10-2 08:15 |只看該作者

Ihyl 發表於 21-10-2 05:50
回覆 mimossyy 的帖子

唉，我都唔知呀，我只係知我喺馬來西亞產檢果陣都冇話要除衫check個胸嘅 ...

咁你當時應該問醫生，同埋普通私家婦科檢查，醫生都會檢查埋胸部，睇下有無異常既，都唔需要除晒衫。

私人傳訊回覆引用

Ihyl

大宅

積分: 3193

166^#

發表於 21-10-2 09:10 |只看該作者

回覆 Felicia_suet 的帖子

我已經pm咗你啦，加油呀，我支持你

私人傳訊回覆引用

memec

複式洋房

積分: 380

167^#

發表於 21-10-2 16:32 |只看該作者

Ihyl 發表於 21-10-2 05:50
回覆 mimossyy 的帖子

唉，我都唔知呀，我只係知我喺馬來西亞產檢果陣都冇話要除衫check個胸嘅 ...

我都有除衫check胸啊，話睇下有無硬塊，之後都叫我自己間中摸下check下

私人傳訊回覆引用

Ihyl

大宅

積分: 3193

168^#

發表於 21-10-5 01:12 |只看該作者

回覆 memec 的帖子

多謝你話我知原來我唔係the only one除衫Check胸，原來唔同醫生或者唔同嘅地方都有唔同嘅產檢check up方式，我又長知識了

私人傳訊回覆引用

Ihyl

大宅

積分: 3193

169^#

發表於 21-10-6 09:24 |只看該作者

過咗10分鐘左右，我成個人開始暖返啲，我就問姑娘仲要等幾耐，如果醫生再唔嚟check嘅我就走喇，明明無病都凍到病！我一講完句說話，醫生就跟著入嚟（頂，其實喺咪我唔講你就冇打算入嚟check呢？阿醫生呀，你一直都喺間房入面，我哋只不過係一廉之隔。究竟你喺隔離做乜呢？其實未準備好，可以唔叫我入房住。叫個大肚婆除晒衫等你係咩玩法呢？我明嘅，屯門醫院都有好醫生，只係我唔好彩遇唔到啫！）

摸咗兩吓個胸，淨係問吓我有冇痛，跟手就叫我著返衫（用咗都無1分鐘，佢隻神之手，究竟有無摸到啲乜呢？）我著返好啲衫之後就出去坐咗係醫生枱旁邊，醫生就問我以前有冇試過好似頭先咁樣（凍到抽筋），我答佢：當然係冇啦！（因為我唔會無啦啦剝晒衫喺度對住個冷氣喺咁吹囉！）之後佢就話：下次如果覺得凍就記得同姑娘講啦！（吓？叫我下次記得同姑娘講？你哋冇病呀？究竟你哋係聽力有問題‘撞聾’定扮聽唔到呢？）醫生，其實我已經講過，不過冇人理過我囉！佢聽完我講之後當堂 O咗咀。

跟著好快就轉咗話題問我預產期係幾時？我就答佢4月尾。醫生好大反應咁話：吓4月尾？咁你宜家咪20週囉？唔係呀，今日係week15+5咋醫生。馬來西亞醫生話如果我陀嘅喺單胎，預產期會係5月尾，不過我陀嘅喺孖胎，所以預產期會早啲大概係4月尾左右。跟著醫生就問我有冇醫生證明，我就比咗馬來西亞醫生寫嘅信比佢，信入面嘅內容好清楚交代咗我係做完Ivf 後懷孕及懷孕咗幾多週，預產期會係幾時。不過醫生睇完封信之後又再問我有冇其他資料？我就即時問仲要乜嘢資料？

待續...…

私人傳訊回覆引用

bigbigbigbig

大宅

積分: 2619

170^#

發表於 21-10-8 13:43 |只看該作者

多謝樓主分享
你自己係馬來西亞果陣真係好堅強
我係香港做過ivf老公係身邊都覺得好辛苦
比平時更需要佢既支持x10

可以pm馬來西亞醫生資料嗎？
謝謝

私人傳訊回覆引用

Ihyl

大宅

積分: 3193

171^#

發表於 21-10-8 16:16 |只看該作者

回覆 bigbigbigbig 的帖子

當然可以，已經pm你啦

私人傳訊回覆引用

Ihyl

大宅

積分: 3193

172^#

發表於 21-10-10 06:26 |只看該作者

醫生就問我會唔會有做Ivf嘅報告之類？例如:用咗咩藥做Ivf，陰超相片等等（吓，啲報告同產檢有咩關係呀？Ivf 用咩藥都要知?）我乜都無準備喎，啲資料喺手機，不過要比少少時間我搵返出嚟比你睇。醫生就好唔耐煩咁話：吓！等你搵？搵到幾時呀？咁好嘥時間搵啦！（我聽完嗰下呆咗，又係你話要睇資料，咁即係你究竟係想睇定係唔想睇㗎？其實都唔係好重要啫！）

之後佢就打咗電話去多胎婦產科度話我去錯咗佢哋嗰度做產檢，要麻煩佢referral 返我上去多胎婦產科嗰邊follow，（excuse me, 我老公打電話嚟醫院詢問點樣可以登記做產檢嘅時間，完全冇人提過做產檢要分開多胎定單胎！而且book咗個產檢appointment之後，問咗姑娘需要帶咩文件嚟做產檢，佢只係話需要帶身分證明文件、醫生信證明係懷孕同懷孕幾多周，佢從來都冇提過要帶什麼陰超嘅相片或者其他資料之類，我又未試過喺香港做產檢，咁我又點會知道你哋需要呢啲資料呢？）然後佢繼續係電話度再三強調話我乜嘢資料都冇係手，只係知道自己係Ivf做咗孖B喎，你哋好自為之啦！（聽完之後，喺嗰一刻我都費事亦都唔想再同呢個醫生再講任何一句嘢，簡直係speechless)

當呢位醫生收咗缐之後就話我唔應該嚟呢度做產檢，佢已經幫我book咗下個星期一上9樓多胎婦產科度做產檢，仲叫我到時記得帶咗所有資料去，唔好再好似今日咁，如果唔係就做唔到產檢。我當時就回覆呢位醫生話：我先生打電話嚟book產檢嘅時候從來冇人講過話需要帶你所講嘅資料嚟做產檢，所以我冇預備。（講真丫，其如果係自然懷孕嘅，睇咗一次私家醫生確認咗懷孕後就排公立醫院做産檢嘅，究竟會有咩資料俾醫院呢？我嚟做産檢就係想知多啲資料啫！唉…….）

待續……