Re: 怎樣可以知道神的心意?
三叔公,
真係好啦, 咁煩麻你email比我啦. 唔該哂 !! 
生育輔助 = 不育科 , 我本來話會係9/10做多次私家症既ivf, 不過最後無做到! 今次佢見我, 可能係問我會唔會再諗住今年做多次啩. 你記性都幾好喎, 係呀, 我個公家期ivf係出年5月!
燉冬蟲草 ~~ 照我所知, 一般只要加瘦肉. 元肉.陳皮 就ok啦 !
至於你媽咪條form都ok呀, 或者你試吓叫佢紅棗-->南棗呀(紅棗比較燥, 而南棗都係補血,效果一様. 但就唔燥, 幾粒就夠),元肉唔哂放咁多, 都係幾粒就夠. 唔......會唔會仲有其他你唔知既藥材加咗落去呀 !! 
又或者你"虛不受補"呢 ???
我唔同你呀, 我身體差你好多, 所以中醫婆婆除咗冬蟲草外(一両分3次燉), 仲要加鹿茸. 高麗參. 正宗花旗參(小小--正宗係唔涼既,一般係街賣,切片0個隻係涼既) & 翻渣中藥一碗,燉3小時 = 第一次燉. 要飲哂d湯&食咗舊瘦肉(中醫話舊肉會吸叫咗d精華,所以要食埋)
第二次燉--- 渣 + 一舊瘦肉, 燉2小時 今次飲湯同所有渣要食哂, 除咗鹿茸 & 條草(蟲身一定要食, 唔係就好嘥)
飲完個身係會好熱架, 我連腳板底都熱埋架. 仲好紅添 
呀~係呀. 食冬蟲夏草都有禁忌架.
1. 如知自己作感冒/ m到唔食得.
2. 食蟲草前.後8小時內,唔可以食 / 飲以下嘢, 話會解咗藥 性喎:
a)唔可以飲茶.咖啡(無論濃定淡,我自己連奶茶都唔飲)
b)唔可以食有魚腥味既食物(eg 魚. 魚製既食物)
c) 當然唔可以食涼嘢啦(包括水果)
感謝主呀, 起碼你奶奶都明白你唔係唔生. 佢唔會誤會你先啦.
你老細係基督徒黎架, 咁幾好喎. 我公司就唔係啦! 上個月先有個sister, 因佢上司不滿佢, 炒咗佢呀 ! 因個sister見公司有不公平待遇,走去問上司, 上司覺得佢攪事又唔識得擦鞋. 積積埋埋, 係咪比人炒囉. 其實佢都係為公義啫,不過咁, 佢都話既然做得唔係咁開心, 又咁啱就黎要考試. 主就係呢段時間做就咁呢件事,同埋係公司賠錢比佢走,佢就可以安心溫習. 雖然佢初初都好唔開心, 但過幾日後, 佢都有感謝主 !
所以, 你公司起碼無咁" 勾心鬥角"先啦. 我係呢間公司做到咁耐, 全因我無勇氣舉報囉. 
其他人唔明架啦. 因佢哋都未經歷過"想生, 但生唔到bb"既感覺, 我以前未打算生bb時, 都覺得生唔到係咪去領養囉. 但到而家, 先知道自己既骨肉係咁重要既. 唔係自己既就唔係自己.
0個種感覺好難形容.......
:wth: :wth: [size=medium]魚 ~ [img]
. 諗起都驚 ! 
, 所以最後我都選擇自己執 
+ 
發表於 
返回列表
