吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我的Bruce Wayne，與他的Alfred

夫婦情感今日: 0|主題: 42774

收藏本版

發帖

返回列表

跳至頁

樓主: oguh

我的Bruce Wayne，與他的Alfred

7 8910 11...22

積分: 860

161^#

發表於 12-8-3 15:25 |只看該作者

回覆：我的Bruce Wayne，與他的Alfred

留名先

私人傳訊

oguh

子爵府

積分: 11575

162^#

發表於 12-8-3 15:29 |只看該作者

第三節：

有兩年時間，我沒有見過Bruce或Alfred。當我在香港安頓好、生活重回軌道時，我問Bruce要不要將Alfred送過來香港交給我，因為佢一直都話佢係「你的」狗，唔係「我的」狗。Bruce在email回覆一切安好，無須將牠送走，他會繼續好好照顧牠。

兩年後我重回倫敦，我地重新開始時，我再見Alfred，牠仍然記得我，見到我就瘋狂擺尾不停錫我。當時牠又再老了點，部份黑毛已退色變灰色，跛腳比以前更無力。

而最大的轉變是，Bruce與Alfred，變成最好、最夾、最有默契的好友。Bruce叫佢去東，佢就唔敢去西；Bruce行去邊，佢就跟佢去邊；Bruce叫佢停下來，佢坐定定望住Bruce等指令。

我好震驚，佢做過D乜，定係換左第二隻狗？

其後，Bruce講返比我知果兩年佢點樣帶住個「遊艇仔」，我組織後，故事如下：

當年Bruce藉口做野辛苦，所以吸毒減壓，又話呢D野好普遍，試過戒毒但之後再relapse，毒癮比以前更深，體重下降，身體都有各方面問題，好恐佈，可以無啦啦流到一地都係鼻血，成件衫都係血，或令佢情緒抑鬱暴躁，總之，令人擔心。

我離開後，佢更加變本加厲，因為無人再關心佢，佢就更加放肆。以前佢覺得自己可以控制到，但慢慢去到一個佢都覺得自己已經失控，例如佢工作上已經無法集中，犯下一個大錯，惹上官司，差D令公司陪一個天文數字錢比個客；試過佢take左野之後，又食安眠藥，結果佢自己都唔知發生咩事，瞓醒竟然發現自己瞓左係條街度，差D凍死；佢又試過因為失控而同人打交，結果又惹官司。佢d partners本來都同佢一齊玩，但眼見佢已經失控，大家都叫佢放大假休息下，直到回復正常。

突然間，佢先發現，自己試過差D無左條命、無左個女朋友之餘，仲無埋自己事業。代價太大，佢開始決心戒毒。

當佢好身體上有各種反應、非常辛苦時，Alfred會靜靜係佢身邊，錫錫佢。
當佢情緒崩潰時，無論Alfred瞓緊覺，定係自己玩緊，佢都會第一時間走去佢身邊，又錫錫佢。
Bruce終於明白，狗的忠心與無條件既愛，即使你已經成為社會上既垃圾，即使你嘔到一身都係，佢都仍然會係你痛苦時，默默支持你，靜靜愛著你。

Alfred成為佢康復既最大推動力。

期間佢出入過療養院，佢帶住Alfred去。Bruce呢條友真係離譜，幫Alfred做左個假證，扮係service dog，話呢隻狗能知道佢幾時發羊吊，唔可以分開佢地，佢用呢個方法，令佢住院期間Alfred一直係佢身邊。當我知道後，只能用「無法無天」去形容呢位人兄。佢仲話，自己帶住隻傷殘狗周圍去，真係好容易就「溝到女」，大家都會留意佢讚佢有愛心，特別容易打開話題，表現佢「鐵漢柔情」既一面，對於Alfred成為溝女工具，真係激死我。

然後，佢慢慢脫離痛苦既過去。開始返去公司，重新開始做野。但佢同Alfred已經變到形影不離，有時佢帶埋去公司。

Bruce好返後，到Alfred後腳有事，有關節問題要做手術。Bruce佢好怕見人地既血呀、傷口呀，我跌傷要洗傷口，佢見到個傷口會面容扭曲比我更恐慌；而佢自己流鼻血或整傷的話，佢會面都青晒，覺得自己會死。Alfred手術後傷口發炎，佢硬著頭皮，每日同佢清潔傷口，克服佢既恐懼，又帶佢去做物理治療，對慢慢幫佢康復。到Alfred無事之後，佢聲稱自己可以去做獸醫，同埋對洗傷口已有一定既研究。

我見佢變為一個戒毒成功既「好爸爸」，真係好感動。同返佢地兩父子重新生活，就好似「阿郎的故事」中，張艾嘉認返個仔一樣咁開心，我同Bruce之間，因為有Alfred既關係，令剛剛復合時，多左好多話題同埋樂趣。（續）

點評

DARK_MOON SORRY...字數太長SHOW唔晒.. 發表於 12-8-3 15:45

DARK_MOON 朋友睇...當然我只係想冇行動啦....

發表於 12-8-3 15:44

me920 Alred 成為佢溝女工具，笑死我啦

發表於 12-8-3 15:42

私人傳訊

`小肥=]

大宅

積分: 4775

163^#

發表於 12-8-3 15:38 |只看該作者

終於等到喇！

私人傳訊

JasmineBaby

版主

積分: 69989

2024年龍年勳章 2023年兔年勳章 2018復活節勳章開心吸收勳章最關心BB問題熱投勳章大廚勳章好媽媽勳章醒目開學勳章畀面勳章環保接龍勳章 BK猜猜猜慶中秋 BK Milk勳章

164^#

發表於 12-8-3 15:42 |只看該作者

耐心等候~

私人傳訊

淋魚魚

大宅

積分: 3922

165^#

發表於 12-8-3 15:46 |只看該作者

引用：第三節：有兩年時間，我沒有見過Bruce或Alf

原帖由 oguh 於 12-08-03 發表
第三節：

Alfred真懂事

好乖

私人傳訊

kokoalex

大宅

積分: 4856

好媽媽勳章

166^#

發表於 12-8-3 15:46 |只看該作者

等左你好耐喇,格一陣又上黎睇下,,,上左引...

私人傳訊

DARK_MOON

大宅

積分: 1225

167^#

發表於 12-8-3 15:48 |只看該作者

樓主我想講，你真係寫得好好，我有好幾次衝動想COPY你D文章放係我FB到比我D朋友睇.....當然我只係想冇行動啦(因為未經你同意麻)
有好幾次真係睇到眼濕濕......好感動

This is the dark side of me

私人傳訊

Feich

複式洋房

積分: 346

168^#

發表於 12-8-3 15:52 |只看該作者

"期間佢出入過療養院，佢帶住Alfred去。Bruce呢條友真係離譜，幫Alfred做左個假證，扮係service dog，話呢隻狗能知道佢幾時發羊吊，唔可以分開佢地，佢用呢個方法，令佢住院期間Alfred一直係佢身邊。當我知道後，只能用「無法無天」去形容呢位人兄。"

哈, 呢條 Bruce 真夠鬼馬, 咁都俾佢諗到, 好嘢.... 樓主, 你有福啦, 佢會俾好多意外驚喜你, 令你的生活多姿多采, 恭喜恭喜.....