回覆：牛棚吹水站~曾很喜歡陰陰天因我愛看雨點~PART114
廿多年前的劇集，今日再睇返，真係冇辦法唔佩服佢係神劇。神劇的其中一個特點是超前時代，對未來作出預言。
你看第一集，丁蟹壓根兒就係中共，一個狂躁、暴力、神經質、有控制狂的\"精神病患者\"，極度自卑也極度自大，鍾意用武力控制一切，但一邊又苦口婆心，無端端會大情大聖，同你講\"基本法字字有愛\"。
對丁蟹而言，呢個世界就係有兩種邏輯，一種係邏輯，一種係丁蟹邏輯，佢做咩都有佢嘅道理，都一定啱，你做咩唔順佢意就一定係錯。試問代表西方文明、理性價值的方家，點同一隻打橫嚟嘅蟹講道理呢？好似今集咁，方俊新係咁問\"我點得罪你\"，丁蟹就不斷講\"你心知肚明\"，呢個係典型中共邏輯，就係根本講唔出你有咩問題，硬塞一句\"你心知肚明\"、\"你別有用心\"就當定咗你死罪。
丁蟹初時好窮，但四個仔靠黑起家，壞事做盡而發大達，又夠運，滾到五十億身家，發過豬頭，這不是今日鄰近地區的寫照嗎？
今日重溫，忽發奇想：點解玲姐咁似香港？明明係講理性文明(讀到F7在那個年代殊不簡單)，點知畀丁蟹搶咗，點講唔愛丁蟹佢都唔聽，係要用威嚇手段迫你讀蟹民教育，迫你愛佢。最後畀代表理性文明的方俊新救咗，可惜幸福只是短暫，方俊新畀人打死咗。最後玲姐名義上高度自治，自力更生，一家人一直力抗丁蟹，但最後成家死剩方展博，就好似啲核心價值死晒。最後，到了夠鐘嘅時候(五十年?)，玲姐都畀丁蟹玩死埋。嘩，簡直有點預視咗香港嘅命運。
最後，只希望神劇最終言中，來一個大奇蹟日，搞掂丁蟹。
原文載於: 葉一知
留一口氣，荒夜裡點一盞風燈，我們一路同行。
每一個結束，都是一個新開始；集合力量，繼續發聲，They can’t kill us all。
發表於 
)
返回列表
