吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小朋友大脾氣,可以點教 Part III

少年成長今日: 0|主題: 16100

收藏本版

發帖

返回列表

跳至頁

樓主: SandraLo

88 899091 92...171

積分: 30

1781^#

發表於 14-3-28 19:30 |只看該作者

SandraLo 發表於 14-3-27 22:55
sunwindson :

那你有沒有和老師說她在家的情況呢？

Sandra謝謝妳的提點。有向老師提及她在家的情況，但老師說她在學校並沒有不妥，從來未發過脾氣。
看過怎樣讚同之前的post，獲益良多，謝謝妳的指導及分享。同時有新的睇法。可能我哋之前話得她太多，她現在用駁咀同發脾氣閙人來「反抗」我哋。返學俾同學話佢沒有禮貌她發脾氣後，見我哋好緊張又就住就住唔話佢，所以脾氣愈發愈大。會不會呢？

她其實都叫聽話，係好自律。她自己會做好哂功課，但同她對功課溫習就好勞氣，佢好多心成日做做下嘢走咗去，或者不停咁講其他嘢。見到咁，我就好勞氣地話佢。我係知道唔應該話她的，唔話一排又會話番，控制唔到。我現在用讚，希望她在這方面會有改善。

但最煩係她依家成日鬧姐姐，請問可以點用讚？如今早姐姐幫佢，佢又發脾氣話我唔鍾意妳，我都話唔要妳幫。一起床就咁，跟本冇位讚佢。她態度咁差，我亦在場應該怎樣做呢？如果我哋不在，她向姐姐發脾氣，姐姐可以點處理呢？姐姐太就佢，永遠唔會話佢，可以點做？

謝謝！

私人傳訊

SandraLo

珍珠宮

積分: 33215

1782^#

發表於 14-3-28 21:55 |只看該作者

~~nitto~~ 發表於 14-3-27 20:45
好多謝回覆我

請問我應該幾時教佢要分享好呢?用咩方法去教佢呢?

nitto :
這是數年前答的：

quote
其實分享呢樣嘢小朋友係好難學到.......
其中一個原因, 係生活上冇乜幾多嘢可以俾小朋友去同人分享.....
小朋友是從模仿中學習, 好的壞的, 好多時是從父母處學回來, 但他有多少機會看到父母(成人) 和別人分享有價值的東西呢？除食物之外, 我想不到有些什麼是成人會隨便、隨意或隨手可以跟人分享的！

假設小朋友在一個聚會裡收到一包有十粒的糖, 你要求他分些給其他人, 那真的是分享, 自己有得吃, 別人(聚會裡的人)也有, 但如玩具只得一件, 如何可「分享」呢？極其量是一起玩, 但4歲以下的小朋友其實未太懂和其他小朋友一起玩, 須要有成人帶著…........…
成人一方面要求小朋友要和其他小朋友分享心愛的玩具, 但另一方面, 除食物之外, 成人有和別人(朋友)分享自己喜愛的東西嗎？衣服？首飾？手袋？擺設？用品？錢？就算你有借書或CD給別人, 但當別人沒有還時,你有不高興和後悔嗎？
要小朋友借出玩具給人玩, 他願意嗎？那人認識的嗎？大人借人地嘢, 都重識得錫住, 若他心愛的玩具被人弄壞了, 你會担心他對人失了信心嗎？若你硬要他借出玩具, 到他想借別人的玩具時, 別人卻不肯借, 如何向他解釋這是別人的選擇, 而不是「公平」與否的問題？抑或在他面前話小朋友不肯借玩具係「唔乖」就算？

還有, 如他將你過年給他的千元利是給了一半你的菲傭, 說是分享, 或是將你在飯桌上給他的六頭鮑送到工人的口中, 你會稱讚他懂得分享嗎？抑或是要教他分享是帶有條件的？例如錢和有價值的東西是不用和人分享的？

基於以上種種問題, 父母要求小朋友分享/借出心愛的玩具, 我覺得是不必要的, 也不用太緊張, 到他大些,他想有多一種自己沒有的玩具玩, 想和人交朋支, 自然會明白要取出自己的來share！
unquote

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

SandraLo

珍珠宮

積分: 33215

1783^#

發表於 14-3-28 22:34 |只看該作者

~~nitto~~ 發表於 14-3-27 20:45
好多謝回覆我

請問我應該幾時教佢要分享好呢?用咩方法去教佢呢?

nitto :

佢叫係認為叫可以「加快」, 若果係真 (快咗, 或以為快咗), 就會令佢以為叫就唔駛等, 又或者叫到你嘅注意, 都會强化呢個行為. 最好係佢開始等時就讚佢, 用叫去表示唔想等時就要求佢「叫你」(媽咪)先, 你再叫佢「等等」, 然後由得佢唔好再理.
串珠仔確可以强化小肌肉, 但除非佢好鍾意, 否則不會訓練到耐性, 因趣味性不高, 又唔駛点用腦, 佢冇乜嘢係鍾意玩嘅？車呢？
留意要控制下睇電視嘅時間, 因睇太多電視係會令小朋友冇耐性, 專注力也會差些！

私人傳訊

XIAOYU

禁止訪問

積分: 7110

1784^#

發表於 14-3-29 11:38 |只看該作者

提示: 作者被禁止或刪除內容自動屏蔽

私人傳訊

suisuisui

男爵府

積分: 9489

1785^#

發表於 14-3-29 15:40 |只看該作者

回覆：小朋友大脾氣,可以點教 Part III

Hihi SandraLo ,
呀囡依個星期有變化，無lala d脾氣大左，咁上bk學野，無意中發現你個post 我依兩日開始追你個post，好有用。但有點不明。因為呀囡好細吾知點跟其他case 做。

呀囡9個半月大，好少喊，成日笑。但就鐘意拍人塊面，址頭髮，初時以為佢多手，我都有stop 佢，但佢應該吾明，身邊d人仲覺得好得意。話咁細個吾識。由尋晚開始我就stop 佢，捉住佢隻手，好firm 咁望實佢，同佢講咁吾得。佢反應就係想縮手，我都繼續捉住佢隻手。望住佢。佢就開始大聲講bb話，好似鬧我好捉佢住手。同keep 住想縮手。咁我放手由佢講，ignore 佢，咁做岩嗎？（最後99已抱起佢。😔）
試過爸爸同佢著𧙕仔。佢又縮腳同又講bb話咁好惡話爸爸。我都走去同佢講（語氣好嚴肅的）bb吾可以咁，天氣冷要著𧙕袜架.佢就\"哇\"一聲。個樣有點不滿咁，同將個頭 i 後撞（坐緊high chair)都有幾下架。同想伸手打人咁，我只stop 佢同抱入房等佢冷靜下（我在場的）其實入到房好似無事發生咁係床周圍碌玩。咁我當時係咪吾應該抱佢入房繼續坐high chair ignore 由佢？
今日佢摸我塊面，我都有讚，同有時佢玩玩下玩具我又讚下咁得嗎？
同99講野簡吾使語氣都重的。我都會叫老公留意下解釋比99知的。
吾該你。我會努力追埋其他。我只追左50頁
Part2就忍吾住問你。同大長吾好意思。

私人傳訊

SandraLo

珍珠宮

積分: 33215

1786^#

發表於 14-3-29 23:25 |只看該作者

XIAOYU 發表於 14-3-29 11:38
Sandralo:
妳好！小兒2歲半，最近极叛逆，成日推人人！打佢有時仲會還手，去公園佢自己鍾意 ...

XIAOYU :

睇咗点用讚未？未睇要睇咗先
除咗一到公園便開始用讚外, 每次去公園前要坐低 serious 咁講一次去公園的「規舉」, 不准推人, 設施是「公家」的, 不能獨佔, 如推人便會即時離開！喊則不算是壞行為, 起碼沒影響人, 只要你不好受他影響便行了, 喊就要由得他喊！
太夜瞓會不會是因為太晏午睡做成惡性循環？下午4時便不好再睡了！
想小朋友聽話, 冲涼刷牙等所有你俾佢嘅指令, 唔好淨「叫」而唔 follow through, 咁樣佢唔會覺得須要即刻做, 你可以5分鐘前預告, 要做時你叫佢佢唔做, 你就「同」佢去, 冇話唔做, 完成就讚佢乖, 聽媽咪話, 媽咪叫就去, 如是者多幾次, 佢先會聽話！

私人傳訊

SandraLo

珍珠宮

積分: 33215

1787^#

發表於 14-3-30 21:04 |只看該作者

suisuisui 發表於 14-3-29 15:40
Hihi SandraLo ,
呀囡依個星期有變化，無lala d脾氣大左，咁上bk學野，無意中發現你個post 我依兩日開始追 ...

suisuisui :

佢先至9個月............... 頭一次未明自己拍人同隻手被捉嘅關係, 所以即時反應就係「嘈」你！
咁細個亦冇所謂「冷靜」, 佢轉個頭已唔記得, 總之唔可以嘅就 stop 佢, 相對冇出手抓人就讚吓, 一d 你唔知點解佢有唔鍾意嘅, 就先睇吓係咪一定要, 例如著褲係一定嘅, 咁就不滿都要繼續, 但你就唔須要對佢呢個不滿舉動有太大反應, 更加唔好覺得佢係發脾氣, 由得佢便可, 太多嘢唔得, 太多嘢話佢, 佢都–樣會學咗！
太多 posts 了, 由 part III 中間開始睇吧！

私人傳訊

suisuisui

男爵府

積分: 9489

1788^#

發表於 14-3-31 12:52 |只看該作者

好呀~吾該你覆我呀~我由part 3 開始睇呀~
可能我太怕被蹤壞喇, 所以好緊張呀~
麻煩你呀~

私人傳訊

XIAOYU

禁止訪問

積分: 7110

1789^#

發表於 14-3-31 23:25 |只看該作者

提示: 作者被禁止或刪除內容自動屏蔽

私人傳訊

choikiuma

大宅

積分: 2375

1790^#

發表於 14-4-1 14:49 |只看該作者

你好，阿囡二歲半，唔知點解近來非常痴身，成日要求我抱佢．其實，我唔係經常抱佢．最主要係早上，抱佢下床，抱佢坐我大脾飲早奶．另外，晚上抱她上床．

因為佢好重，若其他時間佢要求我抱，我會改成拖拖手，以前拖手佢都肯．近來唔肯妥協於拖手，如果我唔肓抱佢，佢會勁喊，或走過拖住我對脚，令我寸步難行．佢在家中，對其他人是沒有類此行為的．

咁係咪我抱得佢唔夠，所以佢經常要求我在家抱佢．佢用喊來要求我抱佢，我係咪應該ignore佢喊﹖若佢能獨自活動玩，我係咪讚佢好呢，可以自己玩，唔使媽咪抱佢﹖

私人傳訊

SandraLo

珍珠宮

積分: 33215

1791^#

發表於 14-4-1 22:51 |只看該作者

XIAOYU 發表於 14-3-31 23:25
多謝妳！我會嘗試下！黎排佢做錯事或自己摔倒如果邊個叫佢小心D就會打邊個，同佢講過好多次打人唔啱，自己 ...

XIAOYU :

即係佢跌倒, 你叫佢小心d, 佢就打你？咁你扮睇唔到, ignore 佢 ok了, 因為你已講過好多次, 佢只係 attention seeking, 不過你記得要讚多d 佢嘅好行為！
要訓練小朋友耐性, 首先就係要自然咁俾佢等, 唔好因為佢唔願等、嘈而改變主意加快, 有d 家長自己都性急, 有乜都係嘈咗先, 小朋友見得多, 自然就跟埋！另外係睇少d 電視同睇少d 電話電腦等佢自己可以控制速度嘅畫面, 以免佢地以為幾時做到d 乜都係自己可以操控的！如果你可以同佢一齊玩多d當然就更好！

私人傳訊

sunwindson

民房

積分: 30

1792^#

發表於 14-4-2 07:48 |只看該作者

SandraLo 發表於 14-3-27 22:55
sunwindson :

那你有沒有和老師說她在家的情況呢？

Hi Sandra，用讚+ignore，囡囡這個星期的脾氣好了好多，對姐姐的態度亦好轉了。雖然與老師跟進了幾次，仍都未知係咩原因令她突然變成咁。請問可以點做呢？這是「反抗」我哋的表現，還是她「角色身份的轉變」令她變成這樣呢？另每當與她對功課時，她就會走咗去或發夢講其他嘢，可以點做。試過在她沒有發夢及沒走來走去那刻讚她。亦一早講好如果她能在指定時間內完全會給她獎勵。但她仍然是拖住做唔著緊，可以點做呢？謝謝！

私人傳訊

troublehead

民房

積分: 26

1793^#

發表於 14-4-2 10:35 |只看該作者

Hi Sandra,

My son is 13 months old and he starts to have temper tantrum. For example, I was reading story book with him the other day and daddy comes home I told him we have to stop for awhile and greet daddy first. Once I put away the story, he starts to twist his body, hit his head against my chest and whining. And the other time i was about to feed him but the food is too hot, i have to go get another bowl, he starts acting out twist his body, throw himself against the chair, turns his head left and right. I explain to him why I need to go away and why we need to greet daddy but he seems not understand it and the bad behavior.

I read some of your threads about praise and ignoring but I am not sure if it works for a 13 months old kid since he seems not understanding much now. I would appreciate if you can guide me how to deal with it. Thanks!

點評

SandraLo sorry missed 了你的 post, 今晚答發表於 14-4-4 17:44

私人傳訊

SandraLo

珍珠宮

積分: 33215

1794^#

發表於 14-4-2 22:45 |只看該作者

choikiuma 發表於 14-4-1 14:49
你好，阿囡二歲半，唔知點解近來非常痴身，成日要求我抱佢．其實，我唔係經常抱佢．最主要係早上，抱佢下床 ...

choikiuma :
其實冇話抱得夠唔夠, 主要係習慣, 同你開唔開綠燈, 決定在你！
你抱佢嘅時間又真係有d 奇怪, 一般大個咗, 真係重咗好多, 成日抱容易弄傷腰骨, 如為親密同親子, 可以講故事/傾計或睇電視時抱住, 上牀落牀食飯呢類你想佢獨立做, 又容易整傷自己嘅就唔好抱, 你亦要解俾佢知, 話再重你係抱唔到同受傷！花多少少時間, 屋企有磅就重容易, 先俾佢磅, 例如佢係廿五磅, 就磅一樣6磅嘅嘢俾佢拎來拎去, 等佢知有幾辛苦！
用喊嚟要求任何嘢都唔應該俾, 除非你好想佢以後都用喊嚟要求, 同佢要求乜你都會俾佢.......
用讚 + ignore, 係响佢冇要求你抱嗰陣讚「好乖, 唔駛媽咪抱」！

私人傳訊

choikiuma

大宅

積分: 2375

1795^#

發表於 14-4-3 09:33 |只看該作者

回覆：小朋友大脾氣,可以點教 Part III

本帖最後由 choikiuma 於 14-4-3 09:51 編輯

Sandra, thx for the reply. 正在努力中，不過佢以前都唔係咁，早幾日阿囡午睡中醒了，發現我正要出門，所以佢勁喊，我離開後又折返，因唔忍心，咁佢呢排成日要我抱，係因為驚我走冇安全感，定係覺得喊我會心軟?

私人傳訊

mamath

大宅

積分: 2459

1796^#

發表於 14-4-3 13:55 |只看該作者

Hi Sandra,

很久沒上來求教了, 但最近真的令我非常困擾, 希望你能尽早教教我如何應對.

我仔27個月, 細女1.5個月, 我現在正放產假. 我和仔仔感情一向極好, 而我亦非常自豪有個聽話乖巧的兒子. 一直以來, 他都會很聽話, 即使偶爾不聽話, 我們跟他說一輪道理後, 他也會聽從. 我有跟隨你的方法用讚, 而他一直都很受落.

轉變是在細女出生後出現了. 他變得很愛哭, 非常痴身, temper亦很大. 我明白這可能是出現妒忌的緣故, 因此我特意安排了陪月24小時幫手, 基本上我已很少接觸妹妹, 一日在家24小時, 差不多全部給了他. 但他對大人的指令越來越不聽話, 近日連吃飯、洗澡、睡覺等日常routine都不願做, 每每say no. 我不想每每強迫他, 然後哭鬧一番, 於是嘗試引入獎勵, 要求他若做到某些事(例如執拾玩具), 便獎他看一會兒電視. 起初這些都有效的, 但不知怎的, 最近他只會要求我們給他獎勵性的東西(例如想看電視), 但卻堅決不肯做到我們的要求. 我覺得這不只是attention seeking的問題, 而是原則性的問題了. 我不想破壞規矩, 所以堅持不給, 他又哭鬧了好一陣子.

列舉一個剛剛發生的例子: 今早他因病沒有上學, 所以很早就嚷著要看電視. 我重申, 他要乖乖吃完午飯才可看, 又提醒他因昨晚沒有好好吃飯所以無得看, 希望他今天合作. 一如所料, 他今天午飯又不願吃, 連到飯桌上去也不肯. 即使我怎利誘他, 他也不肯; 反過來他要求我給他看電視, 我說不可以破壞規矩, 跟著他就大哭. 我任由他哭, 希望他肯吃飯, 但他哭得累了, 想要睡覺, 還是堅決不肯吃飯. 他哭著要我陪他睡(他一直要我陪睡, 但若我不在家他卻可以自己睡). 我實在氣得很, 一則是為了冷靜一下(因不想打罵他), 二則是想懲罰他, 於是走開不理他. 他一見我走開, 哭得更狠, 最後我冷靜後才回他房間; 跟著他又哭鬧著要看電視, 我重申規矩, 他又大哭; 最後哭嚷著要奶嘴, 我給他後離開, 他自己就一個人睡著了.

又例如睡覺問題. 我每晚也陪他至他入睡, 一般而言九時多上床, 半小時左右就會睡著了, 然後我回自己房; 這數天起, 每晚都要個半小時才入睡, 期間又常嚷著要出去拿玩具, 或"擔天望地", 令我耐性尽失, 出言指你若不再乖乖躺下, 媽媽就會出去, 你要自己一個人睡, 這樣他才肯乖乖躺下. 我試過減少他的午睡時間, 或日間多和他出去玩, 但情況仍是一樣.

我弄不清這些轉變是因為細妹, 還是trouble two, 但真想知道該怎麼做. 讚他好像已經不work, 獎罰又成了彼此間的角力, 回想他以往乖乖的日子, 真是心痛. 以前我生氣不理他, 他已經會乖乖回來找我, 然後跟從我的指示做, 現在他就只會哭鬧, 每天都好不安寧.

希望Sandra能教教我!

私人傳訊

SandraLo

珍珠宮

積分: 33215

1797^#

發表於 14-4-3 19:19 |只看該作者

sunwindson 發表於 14-4-2 07:48
Hi Sandra，用讚+ignore，囡囡這個星期的脾氣好了好多，對姐姐的態度亦好轉了。雖然與老師跟進了幾次，仍都 ...

sunwindson :

我想不好再花時間去探究什麼原因了, 正面d 去處理吧...........
功課方面, 未必要俾獎品的, 可以同佢一齊訂個時間表, 按佢專注力將功課分兩至更多份, 鼓勵她自己完成, 每完成一部份便可有自己玩(或和你玩)的休息時間 (其實都算是獎), 讓她快些得到成功感和滿足感更重要..........
讚則是幾時都可以的！

私人傳訊

sunwindson

民房

積分: 30

1798^#

發表於 14-4-3 22:40 |只看該作者

SandraLo 發表於 14-4-3 19:19
sunwindson :

我想不好再花時間去探究什麼原因了, 正面d 去處理吧...........

Hi Sandra，給囡囡的獎勵都是同她做手工，做朱古力或看書，這都是她最喜歡的活動。明天會試下分段進行。謝謝妳！
這個多星期不停進看part III，學懂用讚+ignore的技巧。以前真係用錯方法，加上自己又沒有耐性，成日話同鬧個囡。好彩看到這個post，希望唔會太遲，因為囡囡已經七歲了，未必咁容易改變到。亦很多謝妳提醒我哋先要改變自己，才能改變小朋友。很感謝妳。我會努力的。

私人傳訊

SandraLo

珍珠宮

積分: 33215

1799^#

發表於 14-4-4 17:42 |只看該作者

choikiuma 發表於 14-4-3 09:33
Sandra, thx for the reply. 正在努力中，不過佢以前都唔係咁，早幾日阿囡午睡中醒了，發現我正要出門，所以佢勁喊，我離開後又折返，因唔忍心，咁佢呢排成日要我抱，係因為驚我走冇安全感，定係覺得喊我會心軟? ...

choikiuma :
家長常投訴幼兒鍾意扭、喊, 及以喊來操控一切, 但這真是寃枉...............
是誰人叫他們哭鬧呢？其實都是家長教的, 因哭鬧若沒有人理, 他們便不會哭鬧, 當哭鬧會受到「熱情款待」時, 他們便持續哭鬧了, 並會愈來愈頑強, 因未試過唔得, 信心強大, 要處理的時間亦相應更長............
我常說：他想要的, 你既然可以給他, 你為什麼不給他, 要教他喊才給呢？那他以後都用喊來要求了！

私人傳訊

SandraLo

珍珠宮

積分: 33215

1800^#

發表於 14-4-4 22:34 |只看該作者

troublehead 發表於 14-4-2 10:35
Hi Sandra,

My son is 13 months old and he starts to have temper tantrum. For example, I was readi ...

troublehead :
如你多看這 topic 幾版, 你會知我成日講：未識講嘢嘅bb係耍用喊同身體語言來表達.........
因此, 你所講的所謂 bad behaviour, 其實是他表達不願這樣, 而你的語言解釋他是未能明白.
bb 未明你的說話, 但你的面部表情、語氣、身體接觸 (例如笑住舉一舉高他) 他是懂的, 所以讚 + ignore 是會 work ！