hugoma2015 發表於 15-12-10 23:51 
王鷗就得個”靚“，唔其他了。作為紅袖招頭牌，佢應該更嫵媚一D，狡猾一D,而家我覺得佢過分“端正”。正如 ...
靜妃係一條可以加強嘅線，而劉敏濤又的確好戲，只係加戲後將靜妃寫得太過犀利，其實好多嘢佢要做都可以做到，戲入面靜妃其實係後宮最攻心計嘅妃嬪，只係佢一向都唔想做，一心所愛係梅石楠，所以冇想過要爭寵，於是咁多年來都係低調生活，喺宮入面係個透明人，後來越貴妃失勢，皇后轉而對付靜妃，皇后都冇佢符，佢根本係一埋棉花，打唔還手，罵唔還口，以退為進。劇組可能多少對男人權謀戲唔係好大信心，套劇已經咁隱蔽感情線，加上後宮戲少的話，驚計唔掂數，到時收視唔好就大件事，於是唔加感情線就加多D後宮戲，我覺得也無不可，只係加同改之餘要結合得合情合理，為咗強化衝突元素，忽略咗邏輯，變成好大嘅BUG。
當講到童路提到火寒毒，秦般弱如獲至寶咁講俾夏江聽，夏江一聽就想到林殊，呢一樣真係太神奇，後來宗主個邏輯辯解完全成立，中火寒毒唔代表就係林殊，係林殊又唔一定會中火寒毒，但轉來轉去我覺得最唔合理係同夏江對質完，靖王倒咗杯毒酒，居然可以同宗主兩個安然無恙行番出嚟，之後又冇被暗殺冇被猜忌，呢樣最唔夾。我鍾意同皇帝對質果場，雖然令到宗主從此不能出現人前，又令宗主死心，但呢一場可以突出宗主嘅天下家國胸襟，亦都引出父子親人嘅種種瓜葛。
你講開宗主講藺晨粗俗，之前沙子寫果個同人文，改晒成個故事，霓凰變成直接參與成件事，又同宗主成親，仲要宗主成日都對郡主動情，越寫越同原本宗主嘅人設唔配合，而且宗主成日發脾氣，郡主又太多小兒女態，係作者文筆唔錯，亦有好多細節位佢想得好深，但始終接受唔到，宗主係一個飽讀詩書嘅人，發乎情止乎禮係佢嘅處理感情嘅態度，我都好想見到宗主郡主有情人終成眷屬，但以原著同劇入面嘅設定，我依然認為而家個結局係最順理成章。
花旗太太生活在花旗國，留意時差，你問我未必即時答到。
般弱應該係高竇得嚟又温柔體貼，劇中已經加咗佢會同譽王按摩，但好多時面對譽王佢都表現得太卑躬屈膝，我心目中般弱應該更狡猾更識運用媚功，仲要係能耐更高，對譽王應該係有時欲拒過迎去吊下佢癮，有時又要表現有智慧等佢佩服，呢兩樣王鷗都唔夠，再加上佢嘅般弱只係一味要靚，連去監倉送飯都靚過人，點似樣？可以話編劇有一定責任，但演員自己冇added value只做到表面花瓶嘅功用，冇俾到角色深層氣質。
發表於 
。劉亦菲做好好多。
第一張真係認唔到。
返回列表
