噚日放假下午同亞仔落咗公園玩,點知遇到一個好惡好頑皮嘅細路女,我見到佢搶人個波玩,跟住佢同兩個小朋友坐咗喺度講緊嘢,朗朗見到小朋友就好自然咁行埋去答咀,點知嗰個年約四歲嘅女童好惡好大聲駡朗朗:我唔想同你講嘢,你走開呀!跟住我個仔好疑惑 無lala俾人鬧 咁我就問個小妹妹:「你為咩事鬧人呀?佢想同你哋一齊玩咋!」佢另轉面唔睬我 ?-( ?-(
當時啱啱有另一個四歲幾好肥嘅男孩走過嚟又係想一齊玩,點知呢個小妹妹突然粒聲唔出一巴好大力咁打落肥仔個頭度,肥仔呆咗唔知發生咩事,肥仔家姐(約八歲)見到,她都好有禮貌咁問個妹妹做咩事打佢細佬,但個妹妹唔睬佢,於是姐姐就問佢媽咪或者工人喺唔喺度,佢咀muimui咁唔答,於是另一個同佢玩緊嘅妹妹就走去話俾佢個工人知佢打人,原來個工人一直坐响我哋側邊睇到晒都唔出聲 :evil: :evil:
跟住我就叫朗朗走開去玩滑梯,其他小朋友都走開晒,點知佢又跟住上滑梯,但就坐喺度唔sir,朗朗同佢講咗好多聲唔該借借佢都唔讓,我忍唔住出聲叫佢唔玩就落嚟唔好阻住人哋玩,跟住佢就起身用腳踩落朗朗隻手掌度,(佢啱啱坐低想sir,隻手按住地下)當時我真係忍無可忍,走埋佢工人度同佢講,你個小朋友好冇禮貌又打人仲用腳踩人,麻煩你睇住佢同話返今日佢嘅行為俾你太太知,跟住佢個工人淨係同我講:yes, she is very naughty,都冇話個妹妹,但個妹妹聽到個工人話佢,佢就用對眼厲住個工人,仲駡個工人:死肥婆,關你咩事呀!我當時真係呆咗,點解一個四歲幾嘅小朋友會識得講呢d嘢架?我真係覺得佢好冇家教
真係有d擔心亞仔下次會再遇到呢個惡霸
發表於 
返回列表
