少年成長 今日: 1 | 主題: 16100

積分: 33215

1922^#

發表於 14-5-26 23:01 |只看該作者

東東公主發表於 14-5-26 16:25
日間我陪佢，如果要求太過份，我就不妥協，如推手食飯！
爸爸回來有同佢玩！我可能照顧下妹妹或一齊玩！
但 ...

東東公主：

查實除咗你講嗰幾樣嘢之外, 重有乜嘢係令你覺得佢冇安全感呢？
佢痴你會唔會係因為多咗妹妹所以 attention seeking 呢？小朋友一般都係痴見得最多同照顧佢嘅人, 所以爸爸有單獨同佢玩嘅時間會好d.............

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

東東公主

積分: 2963

1923^#

發表於 14-5-27 22:03 |只看該作者

回覆：SandraLo 的帖子

妹妹已經7個月！之前都冇咁嚴重！在佢眼中張我放到好大！
其實爸爸有時迫佢唔比我陪佢會不會令他更冇安全感！

私人傳訊

積分: 33215

1924^#

發表於 14-5-27 22:39 |只看該作者

karinawong1031 發表於 14-5-26 17:17
Dear Sandra,
仔仔就快2歲，脾氣唔算好大，但唔知道點解
好冇安全感。

karinawong1031 :

囝囝星期六日係咪全日跟你地？嫲嫲又有冇覺得佢比之前怕見人？
瞓覺習慣如响嫲嫲度冇問題, 咁即係少見咗嗲你地啫.........
佢未夠兩歲, 怕人都係正常, 唔駛心急慢慢嚟, 做多d demo (例如打招呼)俾佢跟, 冇得迫, 多d 鼓勵同讚.

查實惡同 firm 係唔同, 教小朋友要 firm, 不可言出不行, 但又唔駛惡, 因為佢會學埋惡對人, 而今日佢因為怕你惡先唔做某d 壞行為, 總有一日佢唔再怕, 咁你又點教佢呢？ stop 佢某d 壞行為都唔駛惡的. 如果你冇鬧,, 爸爸就唔駛呵啦！有須要試吓話埋我知佢做咗d 乜你要鬧, 睇吓應該點拆！
Ignore 亦唔好單用, 一定要配住讚, 咁佢先知乜嘢係好行為！

私人傳訊

karinawong1031

積分: 1937

1925^#

發表於 14-5-28 01:22 |只看該作者

本帖最後由 karinawong1031 於 14-5-28 01:54 編輯

回覆 SandraLo 的帖子

多謝SANDRA，你真係好有心機回覆，我一路追你的POST，你真係好全面好有耐心！
阿仔返到屋企真係全程黐到我地實一實，食飯睇電視都要攬住，講真都幾ENJOY（偷笑），因為都唔知佢會黐我地幾耐。
怕陌生人呢樣，我會再慢慢試，鼓勵佢。

至於對佢惡... 唉，其實我成日讚佢，之前教佢食飯要坐定定；定時去廁所便便；玩完玩具要收好等等，佢8，9個月大就識，都係用讚既方法教識佢，你個方法真係WORK。但自從去咗嫲嫲度過夜，啲規舉慢慢冇哂。次次家庭聚會，成班大人一見到阿仔，就圍住佢氹氹團，我就好忟。

我覺得阿仔係知道我嬲佢唔乖的，因為有時我鬧得佢犀利，佢會喊住攬實我好似叫我唔好嬲咁，我會攬返佢話佢知點解媽媽會鬧佢。其實我唔係真係嬲個仔，而係好嬲6299同老公對個仔既方法，佢地愈就佢，我就愈想糾正返個仔。有時諗返，好似搞到個仔精神分裂咁，我唔想阿仔對住我就要PLEASE我扮乖，對住6299就生番大頭菜咁。

通常我都係鬧佢
(1) 唔肯自己「筆」飯要人餵，食飯唔坐定，食咗一半就追住餵（佢以前唔會的）
(2) 唔肯坐便盆大便，响片片屙咗又唔肯洗PATPAT換片（又係以前唔會的）
(3) 唔肯沖涼（以前佢好鍾意沖涼，但係响嫲嫲度就唔肯沖，要我或者爸爸過去同佢沖，依家發展到一話沖涼就扭計喊）
(4) 一唔順佢意就喊，例如熄佢電視（其實佢唔係太鍾意睇電視，不過突然間個環境唔同咗冇咗聲，佢就即喊要開返電視），熄風扇（唔知係我個仔執著定係個個BB都係咁，總之佢好唔鍾意有人打亂佢活動緊既環境），去街唔落地行要抱，玩完玩具唔收埋，揀飲擇食...

我唔知呢啲行為係因為老人家縱，定係因為佢開始有自我意識，踏入反叛期（我睇書話歲半至2歲會咁）

其實對住班老人家仲頭痛過對住阿仔！阿仔扭計，我叫6299或者老公唔好同佢講嘢，IGNORE佢，由得佢喊陣先，但係叫極唔聽，硬係要同阿仔講道理，但係講道理根本冇用，到我出口鬧阿仔兼借位鬧埋佢地先肯收聲... 次次都係咁，鬧完隔1分鐘就呵返佢，激死我，仲話我好鬧個仔，搞到我好似衰人咁。
其實之前係99嚟我屋企湊的，但係99多次明示暗示要帶個孫返去湊，加上要99日日過嚟真係幾辛苦，所以見阿仔開始識行識走，食飯沖涼都冇乜問題，就放幾日响99度，但真係估唔到阿仔反而會倒退成咁。好想辭工自己湊返，但係老公一份糧又唔夠用，唉～～你可否教埋我點對付班老人家......

私人傳訊

東東公主

積分: 2963

1926^#

發表於 14-5-28 08:44 |只看該作者

回覆：SandraLo 的帖子

看到上面karinawong 的post, 同我仔好似，以前番教會不怕羞，現在突然又怕羞，又唔鍾意比人模，在家都成日想我攬住佢，我不坐在他身邊就不吃飯，哩排唯一分別是我做了FTM, 會否是我一向不夠firm ，所以現在就蝦我！
唔陪佢又驚佢更冇安全感！

私人傳訊

積分: 33215

1927^#

發表於 14-5-29 23:32 |只看該作者

karinawong1031 發表於 14-5-28 01:22
回覆 SandraLo 的帖子

多謝SANDRA，你真係好有心機回覆，我一路追你的POST，你真係好全面好有耐心！

karinawong1031 :
我覺得 (1) (2) (3) 都有少少似係 attention seeking 嘅行為, 當然亦有老人家縱嘅成分............. 如冇老人家响度, 你試吓唔好响壞行為出現個陣俾 attention佢, 要由得佢, 但一坐低就讚佢坐得乖, 筆第一匙飯就讚佢乖自己畢飯, keep 住讚, 用讚嚟 keep 住好行為, 相反, 離開位就只叫佢一次要食完飯先好行開, 或去拖佢番嚟坐好, 温和同佢講要一齊食完飯先做其他嘢, 避免佢行開你就會不停話, 反而俾多咗 attention！
唔肯冲涼你地就去, 咁一定會扭啦, 佢扭嫲嫲就會要求你地去？
如佢本身都唔鍾意睇電視, 就索性唔好開, 等佢知電視係睇先至開........... 重有係小朋友不好看太多電視, 影響專注力的.

(待續)

私人傳訊

積分: 33215

1928^#

發表於 14-5-30 23:09 |只看該作者

本帖最後由 SandraLo 於 14-5-30 23:10 編輯

karinawong1031 發表於 14-5-28 01:22
回覆 SandraLo 的帖子

多謝SANDRA，你真係好有心機回覆，我一路追你的POST，你真係好全面好有耐心！

karinawong1031 :
(續昨)
老人家凑係好難搞, 唯有避重就輕............
老人家睇小朋友喊係好大, 你叫佢地唔理係冇可能, (唔理亦不等於 ignore, 小心用唔好搞錯) 只能迫佢地响囝囝喊之前就俾佢, 例如囝囝响嫲嫲屋企話唔冲涼, 你就話好, 唔冲住, 唔駛佢喊, 要乜就俾, 佢話唔畢飯, 你就話好啦, 你未餓, 一陣先食, 到佢餓就自然會好d, 如99爭如餵, 就話係咪要嫲嫲餵？但嫲嫲都要食喎, 咁你等嫲嫲食完先！務求盡量唔好俾佢覺得扭就有！

私人傳訊

IGL

別墅

積分: 578

1929^#

發表於 14-5-31 02:10 |只看該作者

請教，亞女快兩歲，公公湊佢，佢對住亞公好扭計好冇理，我地一閙佢，佢就要公公。但如果公公不在佢好聴話，自己玩吾會扭計。公公又捨得吾理佢，我可以點教佢吾好成日扭公公?

私人傳訊

積分: 33215

1930^#

發表於 14-5-31 23:25 |只看該作者

東東公主發表於 14-5-28 08:44
看到上面karinawong 的post, 同我仔好似，以前番教會不怕羞，現在突然又怕羞，又唔鍾意比人模，在家都成日 ...

東東公主：

查實小朋友好多要求, 唔會可以全部滿l足到佢地, 唔滿足又唔代表要鬧佢地, 或者會令佢地好唔開心喎, 你會唔會諗多咗？就用番佢要拖手食飯做例子, 教佢食飯係要兩隻手都放响枱面先有禮貌, 唔會拖, 出街就一定要拖, 响屋企睇電視都可以, 訂好之後就嚴格執行, 有乜問題？佢用喊反對？咁就用讚 + ignore 囉！

私人傳訊

積分: 33215

1931^#

發表於 14-5-31 23:26 |只看該作者

各位：
外遊數天, 回來續答！

私人傳訊

p_olivia

積分: 3813

1932^#

發表於 14-6-3 09:32 |只看該作者

請問如果小朋友硬頸0既話, 可以點處理? 謝!!

例子: 一向我個仔都好鍾意攞啲一樽樽啲cream 出黎, 之後我地會叫佢執番, 放番响個籃度, 有時好聽話一叫就做, 我就會讚佢, 有時要氹下先做, 我都會讚佢, 總之一做到就會讚, 但有時唔知係咪耍脾氣, 叫極都唔聽, 我由佢喊由佢扭, 到佢靜落嚟時, 再叫佢做, 佢都唔肯, 攞個樽比佢, 佢都唔攞住, 其實我個仔知要放番响個籃度, 但佢真係好硬勁, 叫極等極佢都唔肯, 最終我要硬捉住佢手仔放番啲樽落個籃度, 一面放一面喊. 之後佢指住話要按lift, 我話佢naughty, 唔比佢按, 佢無扭到, 無喊, 所以我覺得佢係知道自己錯, 但响陣佢知自己錯都唔做番啱, 可以點教/ 對待一個固執0既小朋友呢? FYI - 我個仔而家16個月大

點評

karinawong1031 我個同你仔仔一樣硬頸, 22個月大, 我覺得佢係試緊你底線, 所以要堅持發表於 14-6-3 16:04

私人傳訊

SARABO

積分: 1956

1933^#

發表於 14-6-3 19:15 |只看該作者

回覆：小朋友大脾氣,可以點教 Part III

Dear Sandra,
睇左你咁多解答, 我都想提問少少野，但我睇其他家長既小朋友都1~3歲,我仔仔先9個月，唔知應該點教，所以想請教下你。

仔仔比麻麻湊，之前無一齊住，依家我同老公要求奶奶過來同我地一齊住，觀眾左一排我發覺仔仔脾氣愈來愈大，要既野要即刻有，例如肚餓就大喊，遲少少就會喊到好悽涼，比佢睇到個奶樽仲不得了，依家識爬成日仲意攞d唔乾淨既野玩，例如麻麻綁頭髮條橡筋，麻麻開始都唔比佢玩，但佢就喊，麻麻就會心軟比佢，咁我之前會拎其他野來同佢交換，依家呢個交換既方法已經無用，咁我試同佢講唔可以，佢就喊，係認定左要果樣野，一定要到手先罷休，喊到踢晒腳。

另外仲有一個問題，好扭計，訓醒起身就喊，半夜好準時4~5點起身喊，大喊，有時喂佢食奶有時食有時唔食，合埋眼喊住咁搵人抱，抱左又要推開人，有時喊到差不多收聲突然見到人行過，佢又會喊返，(佢同麻麻訓，佢喊我地就會出去睇下，當我地出去果時佢已經收左d，咁佢見到我地又會喊返，無解) 之後爸爸就唱歌仔哄左好耐先會又訓返。

私人傳訊

積分: 33215

1934^#

發表於 14-6-6 22:14 |只看該作者

IGL 發表於 14-5-31 02:10
請教，亞女快兩歲，公公湊佢，佢對住亞公好扭計好冇理，我地一閙佢，佢就要公公。但如果公公不在佢好聴話， ...

IGL :
Sorry 你要教嘅唔係你囡囡, 係公公！
基本上, 邊個俾佢扭到, 佢就會扭邊個, 因為呢樣嘢係嗰個人(公公)所允許嘅, 要乜扭就有, 點解唔扭？

私人傳訊

積分: 33215

1935^#

發表於 14-6-7 14:56 |只看該作者

本帖最後由 SandraLo 於 14-6-7 16:55 編輯

p_olivia 發表於 14-6-3 09:32
請問如果小朋友硬頸0既話, 可以點處理? 謝!!

例子: 一向我個仔都好鍾意攞啲一樽樽啲cream 出黎, 之後我地 ...

p_olivia :
個問題似乎唔係硬頸, 係你叫佢佢唔做, 唔聽指令?
知唔知點解佢要拎 d cream 出嚟？玩？點玩法？

私人傳訊

zackyyiu

別墅

積分: 915

1936^#

發表於 14-6-8 00:02 |只看該作者

回覆：SandraLo 的帖子

請問一下
我仔2歲半個性好固執脾胃氣都差，我唔知點去教，情況如下：

1）叫佢唔好做既事佢越要做，仲係眼睇住你挑戰你咁樣。我會嚴厲同佢講冇用，最後要拎支藤條先識收斂。有次手督風扇講極唔聽唯有比佢比風扇親痛先知驚！出街要拖實有時甩左手叫佢咪走越要走。叫佢玩具唔好放入口就更加放比你睇！

2）有時會發神經撥哂台面玩具/書落地，叫佢執唔理你，又係要出動藤條倒數先肯乖乖執。

3）駁咀！鬧佢有時會發出駁咀聲！例如我叫佢睇電視太近要坐後面，唔聽。我好火就拉佢後面點好惡同佢講太近眼會有事。佢就就駁咀！

4）好嬲果陣有時會想打人，有同佢講冇禮貌！但係都會發生

好多時我試過好好同佢講但完全冇用，係都要拎支藤條 / 罰企先肯聽話。有時激到火滾我打佢佢會大喊有時仲會好嬲用腳dun地話我打佢。

但係如家人打佢雖然會喊但唔會有嬲既狀況！

點評

SandraLo 睇咗點用讚未？發表於 14-6-8 22:14

私人傳訊