worthy 發表於 16-8-4 15:51 
回覆 Athenalily 的帖子
我以前無. 以為兩公婆, 使乜咁攪, 有咩面對面講.依家都有試下喺whatsapp攪下 "咀 ...
非常好吖，你都願意改善溝通吖！加油！
太多留言我無時間追晒 。在我睇，你都係一個願意聽同接納人意見的人。只不過係你有一個心結還未能解開啫（唔係你唔想，只係你都因為限制而未能輕易做到）。我仲好想講，好欣賞你的堅持甚至係堅毅精神，加上你係金牛女的特質，當你面前有個難關，你係選擇要克服的而唔會選擇逃避。這個是大優點來，但你都要留意，唔好將自己拉得太緊，「堅持」處理得好，解難能力可以十分高，但如果太欠彈性就變咗固執，一成不變，咁都唔係一件好事。記住比返自己多 d 彈性。咁樣你的堅毅就會顯得更加溫柔。
尋日同你提過期望效應，以你的堅強再加返一個正向態度，加上從你對佢對家庭的形容，我覺得你地好容易過到呢一個難關。你要相信自己對家庭嘅投入係有意義，同樣對方的付出同投入你都比多 d 肯定佢。記住，「信任」自己同對方。
今日同你再分享心理學講，我地每一個人都需要有「情感依附」。無論係小朋友、大朋友都需要有情感依附的。有呢一個依附，人就有安全感，有咗安全感，人嘅性格上好的特質就會舒服咁流露，欠缺咗呢？就會在行為上有偏差，會有突破規範的情形出現。
你同你先生在呢一個時候係需要在家庭中重建呢個情感依附。從前未退休，工作、責任感、子女係你地依附的大基地。到退咗休，生活環境同責任轉變咗，呢一個依附要重新調適過。至於佢瞞住你同人通訊，你好傷心。佢亦都知的？是嗎？你要比到清楚訊息佢，你唔喜歡咁樣，加強返佢規範的敏感度。但用黑面、罵、鵝的方式都唔好。咁做只會啟動佢的防禦機制（簡稱為起鋼）然後佢會自然而然地拒絕接收你的訊息。這個時候，可以試下用文字表達。簡單咁比個 whatsapp 佢。文字通常經過思考過濾，可以淡化咗部分衝動。
加油，我睇好你地架！
Life is short. Enjoy your coffee, and... Remember to smile.
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
