喺孩子求學時期，家長們察覺小朋友「無時停」、「坐唔定」、「唔專心」，自自然然腦海就會浮現「過度活躍症」呢個詞語，開始擔憂起上嚟。
且慢！先唔好咁快落定論住，兩三個特徵並唔可以作出診斷，正式嘅評估工作要交俾教育心理學家或者兒科醫生嚟做。正式為孩子做評估前，不如一齊嚟了解下ADHD 究竟係咩回事，俾各位家長有個初步嘅概念先！
根據專注力促進會嘅ADHD基本知識資料：「ADHD 意指專注力失調（Attention Deficit） 及過度活躍症 （Hyperactivity Disorder），亦有稱之為多動症。」 值得大家注意嘅係，成人亦都有機會患上ADHD，當中小孩佔 3- 7%，成人約佔4-5%。
討論區熱話：懷疑過度活躍或專注力不足
更多文章：認識專注力不足與過度活躍症
了解AD & HD 嘅3大類型：
1. 專注力失調型（Predominantly Inattentive Presentation ）
2. 過度活躍及衝動型（Predominantly Hyperactive/ Impulsive Presentation）
3. 合成類別（Combined Presentation）
與同齡孩子比較，呢3大類型嘅患者會有以下較明顯特徵：
1. 專注力失調型
-無法注意細節，容易因粗心大意而犯錯
-難以專注於某一項事情
-與人交談時，難以耐心聆聽別人說話
-不能按照指示完成工作
-沒有組織工作或活動的能力
-善忘、容易遺失物品
-容易被周遭環境干擾而分心
2. 過度活躍及衝動型
-經常手舞足蹈
-說話無時停、多言
-不能安坐，就等坐底都會郁來郁去
-在不適當的場合，作過度的奔跑、跳或攀爬
-未能安靜地玩耍或進行活動
-在不適當的時候，離開座位在課室亂跑
-經常中途打擾或干擾別人
3. 合成類別
-此類別的專注力不足、過度活躍及衝動問題均相當明顯
更多文章：自閉症兒童智商高於常人？認清3大徵狀 助孩子走出困局
更多文章：認識專注力不足與過度活躍症
專注力不足/過度活躍症對日常生活有咩影響？
學習方面
注意力較同齡兒童弱，上堂時難以集中聽老師講解，溫習時亦難以集中精神，亦經常會因為粗心大意而喺做功課同考試時犯錯，因而影響學業成績，孩子嘅學習動機亦可能因而降低。
社交方面
活動量比一般同齡嘅小朋友多，而自制力又較弱。當佢自己同朋輩玩個陣，可能會因為多言或某啲衝動行為，同朋友仔發生磨擦，影響社交關係。
行為問題
患有專注力不足/過度活躍症嘅孩子常見嘅行為問題包括：欠交功課、經常離位、騷擾同學或課堂秩序、違反學校規則、打架等。
若果家長們察覺子女經常出現以上多項行為嘅時候，建議循以下途徑尋求專業評估服務：
-經兒科醫生轉介至智能及體能評估中心
-經學校轉介至教育心理學家
-自行尋找私人執業嘅心理學家或兒科醫生
-現時有不少社福機構都有提供教育心理評估服務，認真之餘收費亦較低
家長們要多多留意子女，如有問題應及早尋求協助，以免影響一生。
