由大dir出世開始有兩個習慣係dir媽點都想俾佢既，其中一個就係閱讀習慣，閱讀不限題材，dir媽自小是書蟲，一本書可以打發一天的時間，睇緊書既時候無人可以打擾我，會放低哂其他野！
睇書唔係為左要睇教科書，dir媽見今時今日其實好多媽媽都有俾小朋友睇書，從幼教開始，甚至參加林林種種既讀書會，我唔知當中有幾多媽媽自己本身鍾意睇書或者其實知道閱讀閱習慣有幾重要！
先唔講識字的廢話（幾個月既bb學咩人講識字？學識自己食飯先啦）閱讀有幾個好處 （親身經驗）。
1. 養成自學既習慣
自學有幾重要？依家科技發達人人都知，人人都可以係專家你又知唔知，點解話知識會貶值，除左係大學生充斥市場供過於求，最重要係因為我地咩都google到，既然網上資訊成行成風，我地既小朋友將來仲有咩藉口企係度話自己唔識，唔識就去搵啊，一search就彈哂出黎，問題係，點樣教小朋友自學，我覺得自學就從閱讀開始，從小就學會選擇自己要讀既書，要睇既資訊，將依d野變成你小朋友既習慣，諗起都覺得正呢！
2. 養成好既專注力
坐這山，望那山，一事無成嘛！專心專注幾乎係成功既必要條件，行行都出狀元，問題係你夠唔夠專業，專注無得迫出黎，只有潛移默化，慢慢培養既，我覺得每日分別一d reading time, 要無時停既小朋友坐定定睇一本書，係好好既培養專注力既方法。
3. 要養讀書變成習慣 成為樂趣
你唔會想小朋友成為書蟲，但如果佢鍾意讀書，起碼佢唔會覺得返學好辛苦先 （當然你俾好多壓力佢又另計）～
Dir媽細個係好d教科書學期頭就睇哂，尤其中文書，睇完又睇，睇到爛咁，當然dir媽可能係好異數啦，不過係真既，鍾意睇書起碼唔討厭讀書先！
從大dir 4個月起，我地每日都有reading time, 當然爸媽係伴讀小書僮啦，不過依個時間真係好溫馨既family time, 我每日都好珍惜呢個時間。
