唔經唔覺用咗大家減齡呢個APP都有大半年啦！每日有佢幫我記錄我嘅步數同時又可以賺取積分換兌換各種不同嘅獎賞，真係好正！今次好開心想同大家分享，我終於儲夠分換咗個價值$4000嘅「全面升級體檢服務」送畀自己！
首先，想話畀大家知我點儲到分！半年時間入面，我盡量每日都行多啲，接送小朋友返學放學，就算要搭車，都會早幾個站落車行，每日都會行過萬步，每日至少都會儲到80分以上。食完飯仲會跳吓Just Dance 活動吓，好似有一日我行超過1萬3千步，夜晚再「熱舞」，早啲上床瞓，瞓足8粒鐘，第二日睇就儲到108分啦！再加上我老公都有同我一齊儲分，大約3個幾月，靠佢分享分數畀我，同我自己嘅努力，我就成功有8000分啦！
其實以前每年都會自費去做吓身體檢查，我一路目標都係儲分換卓健醫療中心嘅體檢，慳返啲錢！換領體檢服務過程都好方便，仲可以揀近自己嘅分店，佢哋一向出名有規模，乾淨又夠衛生，所以即使疫情之下去做身體檢查，我都覺得好安全放心嘅！
估唔到呢個「全面升級體檢服務」檢查嘅項目比我以前自費嘅仲更加仔細，除咗有重點項目嘅心電圖、肺X光、肝腎功能之外，仲連驗眼同驗耳都幫我做埋。成個過程都覺得卓健醫療中心好有效率，醫生護士又有禮貌，成個體驗真係好好。
大概兩個星期之後就會有驗身報告，仲可以選擇有醫生親自去解釋埋，等自己可以更加關注同了解到自己健康嘅問題。始終依家好多疾病都趨向年青化，所以每年定期做身體檢查都係必須嘅！我最欣賞卓建有專屬APP，體檢完成之後，中心會上傳電子病歷紀錄，就可以隨時睇到重要個人健康參數，例如係血壓、血脂、血糖等重要個人健康參數，可以同之前嘅體檢紀錄做比較，咁就可以check住自己健康情況啦！APP入面仲可以下載返體檢報告，咁就唔驚自己大頭蝦整唔見紙本report啦！
如果你都關注自己嘅身體健康又想免費去做身體檢查就快啲download大家減齡呢個APP啦！我自己覺得個APP玩法簡單，輕輕鬆鬆每日步行或者做運動又得，賺取積分去換取獎賞就係咁簡單！而且獎賞好多元化，做善事又得，超市Coupon又有，連做體檢都有，包羅萬有！而且佢哋仲會不定期推出一啲運動任務，完成到嘅話將會有額外獎賞積分添！叫埋屋企人玩又可以互相Share 積分，更容易達到目標！
等我繼續度再努力啲做運動，希望可以儲夠積分再換埋其他獎賞送畀屋企人啦！
使用方法：
1. Apple Store或者Play Store下載「大家減齡」APP
2. 輸入個人資料，成為基本會員
3. 跟據指示，連接健康數據來源，將「大家減齡」APP連接Apple Health 或 Google Fit 手機數據來源
4.如果本身有Garmin 和Fitbit嘅用家，就可以直接連接配置
5. 根據官方儲分指南，每日要減齡2年就可以有48分，只需600分起，就可以開始換到各類生活百貨嘅電子現金券
提提大家，會員名額有限，額滿即止。
