「買口罩」、「排口罩」、「搶口罩」，相信呢啲有關口罩嘅熱話，同時亦成為咗唔少人日常社交，以至家常便飯嘅話題，一句：「你夠唔夠口罩」，真係仲窩心過問你最近好嘛？而講到購買防疫用品，相信網上都算係最方便嘅平台，之但係就有人竟然趁住呢個非常時期，喺網上進行唔同嘅騙案：呃錢、賣假貨、臨時加價等等，真係咩形式都有！除咗Juicy媽身邊嘅朋友遇到走佬騙徒之外，原來有唔少JM都一樣中伏！
更多文章：疫症見人心！網民：一個口罩睇清楚好多人
「懷疑受騙一定要報警備案，唔好比奸商得逞！」
「直至到今日都冇回覆，我諗佢哋應該block 咗我！」
「新開嘅就9成9騙案，佢哋博人心急，怕遲入錢排隊會排後咗嘅心態。」
討論區熱話：有冇因為買口罩而被騙？
討論區熱話：有冇因為買口罩而被騙？
Juicy媽真係愈睇愈嬲，講咗幾多次，口罩唔係你有得戴就得，要人人有得戴先可以防止疫症漫延！你抬高晒啲價錢，又或者無貨都走出嚟呃人，搞到其他人錯過撲到口罩嘅機會，係會死人咖！呢啲行為遠超有無良知，簡直係有無腦嘅問題！比你賺多一萬幾千，但真係搞出人命嘅時候，你真係過唔過意得去！
好！唔同你講人性，咁如果香港愈嚟愈多人中招，其實對你都係無好處，到時香港變成疫症重災區，經濟下滑，唔通你靠口罩、靠呃人，就可以持續生活咩？甚至有啲人連唔合規格都拎出嚟賣！講咩：「願者上釣，放晒相出嚟你自己唔睇！」，更加係自欺欺人！咁你唔標明唔防菌！
更多文章：在職父母抗疫心聲！在家工作＝困獸鬥？ 網民：畀我靜下得唔得！？
不過講到尾，同嗰啲無良心嘅人講良心都係嘥氣，最緊要都係自己睇清楚，千祈唔好貪一時之快！以下有少少辨認騙徒小貼士，大家下次網購時，記緊睇清楚！
1. 賣家使用單一付款途徑
喺全世界都撲緊口罩嘅時候，最好都係幫襯返啲有信譽嘅代購平台，至少佢哋比較熟悉當中運作，同時亦有相熟嘅廠商，即使唔係騙案，被Cut單機會都相對較低；而喺電子貨幣盛行嘅年代，其實有好多做開網上銷售嘅小店，都有提供不同付款途徑，好似話Payme、Wechat Pay、支付寶，以及銀行轉帳戶口等，從呢方面或者唔多唔少都可以睇得到賣家經驗，或者行商經驗。
2. 拒絕面交
呢個就唔使講都明啦，如果係呃人又點會肯面交，不過都明白依家疫情嚴重，而且咁多單，真係唔容易安排，之但係若然你係大手購入，仲就埋對方地點，對方依然拒絕的話，就真係要諗清楚！
另外，匯豐銀行早前亦曾經喺facebook專頁提供精明網購教室，教大家可以透過了解賣家嘅背景、過往記錄、聲譽同其他買家嘅評價，以及唔合理及無退款保障嘅交易條款等資料，加強警惕，避免誤墮網購陷阱。
