很多家長都希望小朋友可以快高長大，但拔苗助長並不可取。有港媽在網上討論區發文，控訴奶奶見鄰居的小朋友長得高，便嫌棄孫女長得矮，更自行購買了很多鈣片回來餵孫女食，令她十分無奈，又擔心女兒補充太多鈣質會影響健康。
奶奶嫌孫女矮狂買鈣片
該名港媽日前（26日）在網上討論區《香港討論區》以「奶奶嫌小朋友生得矮，係咁餵鈣片畀小朋友食」為題發帖，指就讀小學的女兒身高相對同齡小朋友而言是比較矮，但她覺得女兒的身高沒有問題。可是，奶奶喜歡跟別人比較，眼見隔離鄰居的女兒跟孫女同齡卻生得高很多，便開始嫌棄孫女的身高。
有天奶奶跟隔離鄰居閒聊後，買了很多鈣片回家，港媽初時誤以為是奶奶買給自己補鈣，其後才發現是是買給女兒吃的兒童鈣片，令她十分震驚又無奈，「其實小朋友都仲細，仲讀緊小學，都唔使咁快怕小朋友長唔高啦。」
奶奶平時寵容孫女偏食影響吸收
港媽表示，在網上看到攝取過量的鈣也有壞處，而平時進食都會攝取到鈣，擔心女兒吸收太多鈣反而影響健康。她又指，奶奶平日寵愛女兒，導致女兒偏食問題嚴重，影響均衡營養吸收，「平時小朋友偏食，奶奶又會話唔好逼佢食，搞到小朋友偏食問題都有啲嚴重，吸收唔夠鈣嘅話都係因為奶奶寵嘅。」
港媽已經跟奶奶表達過給小朋友食過多鈣不好，但奶奶沒有理會，擔心奶奶會趁自己不在家時餵女兒吃，「好擔心我小朋友，奶奶成日畀佢食，我係到先阻到，但我又唔係成日可以阻止到佢。」
帖文引起網民熱議，不少人贊同港媽的想法，「大人細路，持續過量吸收鈣，骨頭會鈣化，玻璃骨！千祈唔好食太多鈣片，足夠已可以！」、「所有營養都要用個肝同腎嚟運化成微元素，先入血，然後再入細胞，大量吸鈣係會整壞個肝同腎。」、「呢個奶奶嘅無知，有可能會害死嗰小朋友呢？」、「不必咁快食鈣片，叫小朋友不要揀飲擇食，跳吓繩，打吓籃球就得！」
兒童每日所需鈣量
根據本港衞生署資料，7至18歲人士每天不宜攝取超過2,000毫克的鈣質，因攝取過量鈣質可能會導致腎石和妨礙鐵質及鋅的吸收。因此，鈣質補充劑應在醫生的建議下才服用。
4-6歲：800毫克
7-10歲：1000毫克
11-13歲：1200毫克
14-17歲：1000毫克
