女人嫁入夫家，自然希望獲公平對待，被公婆視自己為一家人。但如果奶奶在新年時派的利是，媳婦獲得的金額較丈夫及兒子少，是代表什麼呢？有港妻在親子王國討論區發帖，以「奶奶利是大細超」為題，講述奶奶的舉止令她很難受。
她指，奶奶派利是給其丈夫及小朋友，金額均是$100鈔票兩張，而給她卻只有$50鈔票兩張，大感不公平，「平時又唔覺佢唔錫我，關係都唔太差，係BB啱啱出世，兩代人思想唔同有啲拗撬。」她指，雖然丈夫及小朋友的利是錢都是歸她所有，但奶奶如此對待自己，覺得心裡不太舒服，「唔係錢嘅問題，係好似排除咗我出嚟咁，我媽全部都係$100兩張！」
有網民同樣身同感受，另一港妻指自己未婚前，奶奶指她未入門，未是一家人，兩老派共$70利是錢，其丈夫則有$200，到她入門，利是錢終於「同價」。不過，她發現，奶奶一直都是派$200給叔仔的女朋友，「咁即係唔關入唔入門事啦，個刻開始，我就明白奶奶根本唔當我係一家人啦，做咩新年係咁叫我派利是畀姑仔叔仔呀！」
另外，其奶奶對她的大女同樣十分不公平，這麼多年來都沒有給生日利是，但因為細女與丈夫都是近新年生日，所以奶奶只會給生日利是細女與丈夫，「我同大女咩都冇。唔係因為錢，但要咁分類家人，就等佢分飽佢，我寧願唔要。」
大家又有沒有相同的經歷呢？
