小產對於婦女來說是莫大的傷痛，很需要丈夫的關心和互相扶持，有人妻在網上發文，指自己兩度小產後入院進行婦科手術，術後希望得到丈夫的陪伴和關懷，怎料對方堅持外出與朋友飲酒作樂，更向她表示：「接受唔到你咪走囉」，令她非常難受。
該名人妻在親子王國討論區以「老公選擇出去同朋友飲酒都吾（唔）選擇個老婆」為題發文，指她與丈夫拍拖10多年，同居數年，新婚半年，對方經常以減壓為由，外出與朋友飲酒作樂，但丈夫的經濟負擔並不重，「我咁多年唔使佢養，佢屋企人又唔使佢養，佢自己揾自己使」。
最近她2度小產，丈夫卻若無其事，甚至在她小產當天如常約朋友飲酒作樂，至近日人妻需要入院進行切除子宮肌瘤的手術，當時她提早出院，才知道丈夫已經約了朋友飲酒，「佢忍住我出院第一日無出，第二日佢又想出」，於是她要求丈夫當月不要外出，希望對方多陪伴和關心自己，卻不得要領，「佢直接同我講我係咁㗎啦，改唔到㗎，你接受唔到咪走囉」。
《星空下的仁醫》 劇照
丈夫的回應如當頭棒喝，令她心痛不已，更決心與丈夫分居，「我搬走晒自己嘅嘢，先發覺原來由拍拖到結婚差不多20年的行李只有這麼多」。
她又透露，與丈夫一同飲酒的朋友有男有女，而且丈夫多年都維持這個習慣，「但可能當時拍拖吾（唔）算一起住, 有時我返左自己屋企佢就出去掛，我依家先知原來佢都出得幾密」，雖然她曾經嘗試融入對方的圈子，但卻感到格格不入，「我唔煙唔酒唔蒲，每次都好似陪坐咁」。
帖文引起熱議，許多網民勸她善待自己，離開丈夫，「離開呢種男人唔係妳既損失，好好養病」、「宜家開始要好好咁對自己，扮靚啲食好啲」、「早走早著！養好身子，前面大把世界等你」、「他不愛惜你，不要為他傷心」。亦有過來人分享經歷，指她當年得知自己患有癌症，丈夫知道後卻沒有問候半句，「當年我有 cancer ，我同老公講，佢答我咁點呀，之後見到面都冇問一句，當刻我知道，原來互相扶持係好難，我地只可以靠自己」、「我個ex又係好鐘意同班fd飲酒，基本上隔日就約出黎（嚟），一齊8年無變過，我完全無打算同呢個人結婚，慶幸佢有第3者，迫我決定離開，先揾到Mr. Right」。
