成哥你好，我今年30歲，由上年7月一直失業到而家，我之前係做文職既，月薪大約18k，係呢幾個月我一直好努力甘搵工，但無奈地一直都未有offer！
我由上年開始有睇你既page，都有買你既書黎睇。
係呢段時間我有睇你介紹果本吸引力法則，我都有逼自己去運用，同埋日日做運動令自己唔好頹，但可惜既係，我對自己開始無信心。
連interview電話都無，就算到最後有得2nd in都係無offer，我知自己唔應該頹，但始終都搵左工好耐，開始比自己好大壓力。
同埋都好擔心唔知要再等幾耐，好似浪費左自己時間甘，每朝訓醒都行屍走肉。
成哥，你講過我地呢個年紀係應該係財富增值期，但我而家面對將來有少少無助，可唔可以教我點做，或者用咩心態去面對，唔該你！
更多文章：【理財個案2022】中年人無負擔想置業 這刻好時機？
個案重點：
‧30歲
‧失業一段時間
‧過往做文職，月薪18000
重點目標：
‧調整心態
‧希望找到工作
龔成老師分析：
記著，不要因為當前情況，就懷疑自己的能力，我每日都收唔少網友問答，都見到有唔少人失業的，始終當大環境不利時，就會有這情況，這不是你的問題，短期差完後，慢慢會好轉的。
你唔好懷疑自己，不是你問題，你現時最重要的，是增加自信，否則更難見成工！
你要建立時間表，規律生活，起身，做運動，閱讀成功類書，找工作，增值自己等等。總之，絕對不要比自己行屍走肉。我建議你每日要做1小時運動，睇2小時書（你可去圖書館借），2小時找工作，2小時增值自己（與你行業有關的知識）。
我地無可能改變大環境，要改變的，就只有自己的心態，你正向想法，就會有正向思維，得到正面結果！
更多文章：【理財個案2022】28歲女擔心無人養 為將來打算
你要令自己每一天都「充實」，每天都要自己完成了一些事，例如找了多少工作，做了那些事情去提升自己。
這刻只是外圍不境，反而要好好利用這段時間，絕對唔好浪費每分每秒，這反而是一段難得令你比其他人增值得更強的機會，你要好好把握！
如果用整個人生的角度去睇，你停工作幾個月去增值自己，令自己將來的事業發展得更好，其實更值得。
另外有一點要留意，如果你真的經常見工失敗，有可能當中有一些核心問題，我自己都試過聘請員工，有不同類型的人來見工，有些人不知道自己有問題的。如果有人見工遲到，我一定不請，如果有人說話太細聲、感覺無自信，我一般都不請。所以，你要想想，自己有否一些核心問題，是否見工技巧出錯了。
更多文章：【理財個案2022】千萬財富大重組
另外，自己的要求是否太高，又或你無法達到市場的要求，這些都要你細心去想想。
第一，保持正面。
第二，建立時間表，要自己充實，每天進步。
第三，檢討自己過往見工情況。
加油！我期待你的好消息！
