最近又學人整新嘢，就係滋潤又養顏嘅椰皇鮮奶燉蛋白！其實上次去泰國餐廳食唔到椰青之後，我個椰青癮都仍然keep住。最近竟然俾我見到有椰皇買，所以就買左一個返屋企，整個好味甜品畀自己潤一潤啦！
材料都真係好簡單，只需要呢幾樣：
首先就將一隻半嘅蛋白連同一茶匙糖打勻 (其實糖就好視乎個人口味，因為我唔鐘意食太甜，所以只係落少少)。
椰皇切去頂部倒出椰皇水，擘開椰皇真係好困難，所以就要大肥豬幫我啦。
將100ml椰皇水再加上100ml鮮奶拌勻。
之後將蛋白及椰皇鮮奶水拌勻後倒回椰皇。
用保鮮紙包好蒸大約30分鐘。
一個好味嘅椰皇鮮奶燉蛋白就出爐啦！
超滑鮮奶燉蛋白再加上啖啖嘅椰皇肉，真係好好食呀！
呢個甜品其實都真係好簡單，最大功夫我覺得都係擘椰皇個步驟，大家有興趣都可以試吓呀！
