早排小豬爸拎咗好多鮮奶返嚟，見到啲鮮奶，所以又心思思想整甜品，終於決定整呢個簡單又易整嘅牛奶布丁。今次呢個為食小小豬都有份食，仲讚好味添呀！
除咗鮮奶之外，仲需要砂糖、魚膠粉同淡忌廉。
先將5g魚膠粉用3湯匙水攪勻，再隔熱水座溶。
將350g鮮奶以細火煲至滾起。
加入44g砂糖，待砂糖溶後熄火。
將魚膠粉加入已離火的鮮奶中拌勻。
等一陣，待涼後加入150g忌廉拌勻。
倒入器皿中雪至凝固。
我雪咗大約三個鐘左右，就可以食得啦。
個質感都唔錯呀。
睇下小小豬食得幾滋味。
哈哈哈，今次我覺得呢個牛奶布丁係十分成功，好味就唔在講，仲係滑嘟嘟彈彈下，真係唔可以唔畀個GOOD自己呀！
