假日留喺屋企無嘢做都有少少悶，醒起之前買咗包藍莓鬆餅PRE-MIX，所以就同小小豬嚟個親子整餅時間啦！
材料：
開始啦！小小豬唔係玩玩吓，佢好乖又合作咁聽我哋嘅指示去做，仲好專心又認真添呀！
Mix好晒啲餅粉之後，就可以放入啲小杯仔度啦！雖然小小豬喺倒入小杯個過程就好似係「論盡」左啲啲，不過睇得出小小豬係好有耐性慢慢咁做呀~
仲幫手放埋入個光波爐呀~
哈哈哈……唔知係唔係小小豬知道啲蛋糕係佢自己整，所以係焗嗰個過程，小小豬唔肯離開部機，全程望到實呀！
我用180度焗咗二十分鐘左右，藍莓鬆餅出爐。依個小小豬急不及待要拎嚟睇！一見到啲蛋糕就好開心，仲不停係度唱生日歌呀！
唱咗一陣，等到啲蛋糕仔無咁熱，就可以食啦！睇吓小小豬食得幾滋味！
依個藍莓鬆餅可以話大部分都係小小豬自己整，所以我覺得特別好食。唯一係我較個溫度差咗少少，所以面頭就燶咗少少，美中不足咁啦！
睇小小豬今日個表現咁好，見佢咁鐘意食又咁鐘意整，所以等我都買多幾款唔同味嘅PRE-MIX粉喺屋企，咁想整嘅時候都可以好方便又簡單咁同小小豬再嚟親子廚房一番啦！
