2020-02-03

2K

【武漢肺炎】唔敢覆診?覆診點改期?8個公立醫院專科覆診疑難

「武漢肺炎」新型冠狀病毒的疫情愈趨嚴重,不少原本被安排於這段期間前往公立醫院專科覆診的人士,都擔心到醫院會提升感染武漢肺炎的風險。隨着早前公立醫院啟動「緊急應變級別」措施,專科門診診所的病人如對應否如期到診所覆診或做檢查有疑慮,醫院管理局將為此作出彈性安排,大家可參考以下資訊:

更多文章:【武漢肺炎】增強孩子抵抗力!5個媽媽必學食譜
更多文章:【武漢肺炎】世衞宣佈為「Emergency」!即睇衞生署16項防疫+外遊預防措施

 

Q1. 我擔心會感染到病毒,無去到或者唔想去醫院 / 診所覆診,咁點算呀?

唔駛擔心,你可以喺覆診紙上面搵番醫院 / 診所電話,打電話去搵同事幫手。同事
會因應實際情況,安排另一個覆診期俾你。
由於近期好多人打電話嚟診所,查詢熱綫有可能比較難打通,喺留言時請清楚留低
你嘅聯絡電話。如果唔係緊急情況,你可以考慮傳真嚟要求改期,記得寫清楚聯絡
電話,診所同事會再覆番你。

按此瀏覽專科門診診所聯絡方式

Q2. 我啲藥就嚟食晒啦,等唔到去重新安排覆診嗰日,咁又點算呀?

診所同事幫你重新安排覆診期嗰陣,如果你知道唔夠藥食到覆診嗰日,記住話俾同
事知,同事會睇番你嘅情況,可能安排你去藥房攞住一部份藥先,又或者安排你早
啲返嚟見醫生。

Q3. 如果我已經約咗日期去攞藥,可唔可以搵人幫我去攞?

可以搵屋企人或者家傭幫你攞藥嘅,不過一定要記住叫佢哋帶番你張覆診紙及病人
身份證正本 / 副本去診所,再去攞藥。

更多文章:【武漢肺炎】幼兒經常除口罩、手仔周圍摸?兒科醫生5個防疫貼士!

 

Q4. 我原本約咗要去照 X 光同做物理治療,係咪都可以打電話去改期?

如果你有任何擔心而去唔到醫院 / 診所做檢查,例如照 X 光、做物理治療、做職業
治療或者係見營養師等,都可以打番電話或傳真去醫院 / 診所,同事都會因應實際
情況,提供合適嘅建議。

Q5. 我唔改期照嚟覆診可以嗎?

可以。如果你嚟覆診的話,建議你先自行量度體温同監察健康狀況,進入同離開醫
院都要徹底清潔雙手,同謹記戴口罩。
為咗集中人手應付新型冠狀病毒感染相關的病症,喺你覆診嗰日,專科門診診所可
能會因應具體情況先安排你攞藥,再安排下一個覆診期俾你見醫生。

Q6. 而家你哋醫院 / 診所有咩措施可以保障病人?

醫院而家設有洗手區俾進出醫院嘅人士使用,而專科門診除咗提供酒精搓手液俾公
眾使用外,亦會喺入口進行體溫檢查,加强防疫。

Q7. 而家有乜野方法預防呢個肺炎?

建議減少去人多擠迫嘅地方,避免去受影響嘅地區外遊,要注意個人衞生,戴口罩
同勤洗手,同埋喺室內要保持通風,避免接觸懷疑同確診嘅病人。如果有唔舒服就
儘快去睇醫生。

Q8. 如果我有發燒或流感病徵,應該點做啊?

如果你有唔舒服,好似發燒、全身冇力、乾咳同呼吸困難,又或者接觸過肺炎病人
或去過受影響嘅地區,就建議你更改專科門診個期,同埋立即去就近嘅急症室求診。

資料來源:醫管局


相關文章

【武漢肺炎】新型冠狀病毒本地抗疫情況(不斷更新)

【武漢肺炎】SARI不等於新型冠狀病毒 各區急症室輪候時間(不斷更新)

【武漢肺炎】帶小朋友外出該如何處理?醫生教你抗疫小貼士

武漢肺炎——醫生教你抗疫小貼士!【長期病患篇】

緊貼武漢肺炎最新相關資訊