夏天消暑湯水：冬瓜粒粒湯

早幾日小暑，我買咗件冬瓜返屋企煲湯。幾忙都好，得閒下廚煲湯給家人是值得的，因為我收工之後發現昕昕跟老公將成煲湯消化晒。點解咁好飲？睇下我用咗咩材料煲湯啦！

煲冬瓜粒粒湯的材料好簡單，材料成本大約用了二十元左右。

• 花菇數粒


• 小乾元貝廿多粒（十多元一兩）


• 蜆肉半碗（約五元）


• 栗火一條（十元三條）


• 冬瓜半件（五元一件）


• 鹽適量

首先煲兩公升水，同時間將冬瓜、花菇切粒，粟米可選擇切粒或斬件。

水滾後先放冬瓜和粟米，待再一次水滾後放其餘的材料，煲大概兩小時就完成。

冬瓜粒粒湯真係好易整，而且小朋友都可以飲，近期我經常做無飯媽媽，昕昕跟老公去奶奶屋企晚餐，有幸間中有時間可以煲湯飲，因為我們一家人是飲湯的FANS，所以我和昕昕的皮膚都好好！