2015-03-25

87K

自家廚房:青欖桔餅止咳湯

resources-(1)

小小豬咳左都有大半個月,醫生都睇左兩次,雖然都叫做好左啲啲,不過都仍然中有幾聲咳。今次咳都幾厲害,就連上幾次飲即止嘅蒜頭水都唔得。

 

就係呢個時候,我去執開藥的藥材鋪店員教我煲青欖桔餅湯,見都簡單易整,所以就一試啦!

resources

 

材料就有瘦肉約$30、青欖$10、桔餅2個、果皮1塊、蜜棗2粒、 南北杏少許!

resources-(1)

 

青欖就多數係花檔或山草藥店有售,桔餅就係藥材鋪就可以買到。

先將瘦肉汆水後撈起備用!

resources-(2)

 

果皮浸軟刮囊,全部材料就先洗乾淨!

resources-(3)

 

青欖要用刀背拍一拍,等可以係煲時更加出味!

resources-(4)

 

煲內加入約3L水,然後加入先果皮!

resources-(5)

 

待煲滾水後,就將其他材料放入再煲滾!

resources-(6)

 

之後轉中火煲多大約一個半鐘小時,之後因應個人口味加鹽調味,然後就可以飲得啦!

resources-(7)

 

老實講,第一啖入口總係覺得個味怪怪咁,怪嘅唔係因為難飲,只係覺甜甜地得嚟又好似咸咸地咁。不過亦都因為個味道都幾特別,飲落又覺得幾好飲,大肥豬爸爸仲一口氣飲左兩大碗,叫我有機會要再煲添呀!

 

亦都可能依個湯甜甜地,所以小小豬就非常鐘意飲,唔洗幾分鐘就KO左一大碗湯啦!

止咳方面效果如何呢?我俾小小豬飲左一碗半,即晚都有留意到小小豬啲咳嘅次數好似係少左啲,所以可能對小小豬都有少少效用呀!

不過,就算唔係真係有咁大幫助,平日煲下依個湯都未嘗唔係一個好選擇,因為我家兩位老細都鐘意飲嘛!

 

【編按:以上內容為作者之個人意見及立場】

相關文章

水果真是健康首選? 果汁暗藏危機:解鎖守護兒童大腦健康

潮濕浴室成蟲患溫床 8歲女童中招 連續嘔活蟲1個多月

1類BB高危!麻疹來襲,爸媽如何保護幼兒免受麻疹威脅?

荔枝美味暗藏危機?6歲女童空腹食荔枝險釀大禍

緊貼新冠肺炎最新相關資訊