Baby Kingdom - 親子王國 香港 討論區 › 首頁 › 懷孕前後› 借個地方比我發洩一下

懷孕前後

收藏本版
發帖
返回列表
跳至頁

首頁
1

尾頁
   0
Healthy_BB


禁止訪問

積分: 3704


1#
發表於 07-7-29 16:43 |只看該作者
提示: 作者被禁止或刪除 內容自動屏蔽
私人傳訊

emmazlo


大宅

積分: 1659


2#
發表於 07-7-29 17:28 |只看該作者
你唔好咁唔開心啦! 放鬆d, 心情好d, 對自己同bb都好, 凡事總有解決辦法架!
可否搵個時間, 平心靜氣同老公好好地座低計劃一下將要預備既事情, 好老實講d男人真係好少主動諗呢d細節野, 佢地又咩都冇所謂, 但你可以主動同佢傾, 同埋分配某d事比佢做!唔好一個人自己咁煩!
至於奶奶, 真係好難要求佢會幫手幾多, 真係未必個個老人家都鍾意湊bb架, 平常心面對啦!
至於好多家務細節, 可否搵個鐘點黎幫下手, 座月搵陪月得唔得呀? 至於邊個照顧bb, 又唔想請工人既話, 有冇親戚幫到手, 或者託兒服務, 好好同老公商量一下啦!
總之, 凡事總有方法, 開心d積極d! :D


原文章由 Healthy_BB 於 07-7-29 16:43 發表
我已懷孕6個月了,呢幾日唔知搞乜, 情緒好波動, 太多事困擾我, 因為工作關係, 我同老公跟奶奶大伯一起住, 我跟奶奶沒二句, 大家都客客氣氣, 只是有時看不過眼奶奶偏心大伯, 今年年初我倆公婆決定搬出去住, 之後才 ...
私人傳訊

luckyQ


珍珠宮

積分: 31781


3#
發表於 07-7-29 17:36 |只看該作者
原文章由 Healthy_BB 於 07-7-29 16:43 發表
我已懷孕6個月了,呢幾日唔知搞乜, 情緒好波動, 太多事困擾我, 因為工作關係, 我同老公跟奶奶大伯一起住, 我跟奶奶沒二句, 大家都客客氣氣, 只是有時看不過眼奶奶偏心大伯, 今年年初我倆公婆決定搬出去住, 之後才 ...


首先我明白大家大肚時特別會亂想及想好多..比未懷孕時真的多好多憂慮,因我都係咁,其實最親既人要知你既憂慮,第一同你老公搵時間認真傾清楚去..第2你自已屋企人都要講,唔好話怕煩到佢地,係屋企人既都關心你的,幫唔到你比d意見or宣洩下都對自已好的,你有bb是意外嗎?點解咁遲先計劃咁多野..點都好咩都有辦法解決的,唔好比自已困死,一定要同人講..叫你老公唔好避..大不了咪返外家座月囉~依家bb第一,唔好唔開心啦~
私人傳訊

BNTYA01


大宅

積分: 2419


4#
發表於 07-7-29 18:26 |只看該作者
你有咩就得閑上嚟ventilate下，唔好屈埋呀！
首先，你真係要主动向你老公商量下，唔好等佢開口啦，話不定你講咗你想要咩，佢一一幫你解決。
你有心理準備第一個bb会遇到很多問題，之前預備好啲，到生咗出嚟会好些。
  • 找下朋友，有冇邊個可給你舊bb衫和玩具、日用品
  • 你現在買bb嘢差唔多啦， 叫老公一齊買
  • 同老公一齊上產前course，知道如何揍bb，e.g沖涼和餵人奶
  • 睇下揍bb書和雜誌
  • 8月4日至6日会展有bb展，去揀下嘢啦
其實，你会越來越知道，有了小朋友都好開心，佢哋有時啲一舉一动好攪笑，所以我宜家都陀緊第三胎。
你都加油啦！

私人傳訊

boboT


大宅

積分: 4362


5#
發表於 07-7-29 18:48 |只看該作者
原文章由 Healthy_BB 於 07-7-29 16:43 發表
我已懷孕6個月了,呢幾日唔知搞乜, 情緒好波動, 太多事困擾我, 因為工作關係, 我同老公跟奶奶大伯一起住, 我跟奶奶沒二句, 大家都客客氣氣, 只是有時看不過眼奶奶偏心大伯, 今年年初我倆公婆決定搬出去住, 之後才 ...


(1) 計公司產假 ---計嚟計去都係 10個星期, 同老細講掂數就完啦
(2) 開刀或順產 ---順到就順, 醫生話順唔到就開刀, 順產復完快, 你無咁易 '橙后益屈' 呀.
(3) 諗邊間醫院 ---如果順產, 去政府定私家都無所謂, 開刀就諗定搵個信得過嘅醫生, 住私家醫院, 休息好啲, 住院期間有人湊住 bb.
(4) 清潔新屋 --- 請鐘點, 300 蚊一日, 一天之內全屋攪掂晒
(5) 執屋搬屋 --- 咪做粗重嘢, 你老公唔做咪鬥忍囉, 到時執晒自己同 bb 果啲, 等佢自生自滅. 做人老豆仲等人湊咩!!
(6) 安排簡單傢俱 --- 訂左必須果兩件先, 其他坐完月先慢慢揀
(7) 搞入伙for有地方坐月及方便朋友上來探訪 --- 你咁多個火頭, 咪節外生枝啦. 呢啲嘢遲幾個月先攪都得啦. 同埋 bb 未滿月唔好搬呀. 啲老人家話唔好架.
(8) 煲薑醋 (cut薑, 晒薑皮) --- 去八珍買現成嘅. 慳功夫
(9) 坐月補身 --- 叫天妍康 or 有陪月員就買廿八坊, 慳腦汁
(10) 邊個幫照顧bb --- 有熟人幫就搵熟人, 無就請工人, 大不了咪自己湊幾個月先出嚟搵過份工. 天無絶人之路. 不過呢一點要首先解決.
(11) 買bb物品 --- 個個星期執啲, 當係產前運動.
(12) 洗bb新衫 --- 日日做, 當做功課
(13) bb改名 for bb 出世, --- bb 出生後 42日內改都得, 唔急, 又可以搵師傅改
(14) bb出世後, 同bb沖涼, 洗bb衫, 自己又要食,又要煲薑水沖涼, 等等…請鐘點 or 陪月啦.

[ 本文章最後由 boboT 於 07-7-29 19:03 編輯 ]
私人傳訊

bosch


瑪瑙宮

積分: 128515

2025中秋節勳章 母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 開心吸收勳章


6#
發表於 07-7-29 19:01 |只看該作者
搵個機會同老公傾下, 或者同佢約法三章, 佢打機之餘都請佢每日抽少少時間去幫輕下你啦!! d 男人唔知一個大肚婆係需要 d 乜, 又見你行得走得以為你冇事, 可能咁就疏忽左你, 所以你要主動同佢講番你既感受同埋面對的困難.

(1) 計公司產假 - 到你落實預產期後咪叫公司 d 人去計, 或者前二後六就算啦, 唔好太煩到自己.

(2, 3) 坦白講, 都係睇你既意願架咋... 你唔好擔心太多野, 一就一, 二就二. 你有乜野要考慮? 或者你講出黎大家一齊分析下幫你做決定啦.

(4-7) 搞入伙果 d 我覺得你唔好理住, 或者索性住在你奶奶度先. 你自己都顧唔掂就唔好理人地啦, 暫時唔好俾d 同事朋友上黎探你地住, 只係俾較親密的親友上黎就 ok, 佢地都應該會明白你呢排係忙, 分唔到身去理咁多野. 而家係你生 bb 湊 bb, 你要好多精力架, 有時間你不如去訓下覺, 而唔係做公關去擔心點去招待客人. 薑醋咪得閒時拎去俾你地 d 同事.

(8-14) 要出聲要老公幫手, 一齊去買野, 上下 d 產前 course, bb展, 等奶奶返到黎叫佢幫手準備薑醋. bb 野佢唔買就自己間中出去買下咁, d 野分開慢慢準備, 最緊要唔好俾咁大壓力俾自己. 唔好擔心太多野啦.

唔好介意我將以上的point 講得咁 harsh, 我老公在外地做野暫時未返到黎, 乜都都係要我自己搞掂同埋好彩我阿媽有幫手照顧我, 好彩老公都好關心我和 bb個情況, 但始終好多野都要自己去做決定, 所以我唔會猶疑太多野 (e.g. 去邊度生等問題) . 得閒我會出下街, 游下水 relax 下. 你自己都唔好煩咁多野攪咁多上身, 有時就出去行下街, 找朋友食下飯, 或者返黎傾下.

[ 本文章最後由 bosch 於 07-7-29 21:02 編輯 ]
私人傳訊

豆豆B媽


男爵府

積分: 8044

認識瑞士牛牛第一回 育兒性格勳章 我的育兒心得勳章 貓狗褓姆 爸B勳章 BK Milk勳章


7#
發表於 07-7-29 19:14 |只看該作者
原文章由 boboT 於 07-7-29 18:48 發表


(1) 計公司產假 ---計嚟計去都係 10個星期, 同老細講掂數就完啦
(2) 開刀或順產 ---順到就順, 醫生話順唔到就開刀, 順產復完快, 你無咁易 '橙后益屈' 呀.
(3) 諗邊間醫院 ---如果順產, 去政府定私家 ...

其實你有外家backup, 就唔好怕煩到佢地. 可能你父母都好歡迎你同佢地分擔呢 ? 試下同佢地講, 可能佢地好喜歡湊孫? 咁到時你生完咪星期一至五放響外家湊, 星期六日先湊返屋企羅. 香港地方咁細, 最多咪2個鐘車程, 唔怕啦. 家下最緊要係你同bb既身體健康. 老公個d係要你主動同佢傾架啦. 可能佢都係大細佬一個, 無諗得咁detail呢.男人係咁係啦.唔好指意佢主動,但佢唔主動又唔等於佢唔想幫既.

[ 本文章最後由 豆豆B媽 於 07-7-29 19:18 編輯 ]
            
私人傳訊

mosquito_chu


大宅

積分: 2899


8#
發表於 07-7-29 19:37 |只看該作者
老土說句(船到橋頭自然直),你宜家成日都憂心咁多野,對你的情緒同bb都唔好嫁!
私人傳訊

tonimaow


大宅

積分: 1813


9#
發表於 07-7-30 10:33 |只看該作者
下面幾位朋友都比左意見你每個問題點解決, 其實我既睇法同佢地都差唔多, 不過我認為最緊要既就係一定要同老公坐低慢慢傾, 個家同 bb 佢都有份, 好應該兩個人一齊去解決問題架, 大肚期間已經唔舒服, 如果樣樣野都固執地要自己諗哂佢, 會好辛苦! 有 d 男人就係咁笨, 唔講比佢知就真係唔會知, 好似我老公咁, 開頭果 3 個月我情緒都上落好大, even 好少事我都會發好大脾氣, 又容易喊, 跟住就會開始轉牛角尖個個都唔想理, 咁我要個 bb 黎做乜!! 好彩之後同朋友傾過計, 佢地建議我同老公解釋番, 大脾氣有時連自己都真係 control 唔倒, 我自己都好辛苦, 希望佢可以體諒下我; 結果佢都明白, 凡事都盡量容忍 (真係頂唔順咪行開一陣, 落去買本書又好, 同 d 狗玩下又好咁), 到而家我地都冇問題啦, 佢見我唔舒服佢都好肉痛 tim~ 其實知道老公 support 自己真係好緊要架, 唔好同自己鬥氣, 有咩就開心見誠同佢傾下啦~ :p
私人傳訊

snowkit


大宅

積分: 2446


10#
發表於 07-7-30 12:28 |只看該作者
唔好唔好開啦！生ｂｂ是開心的事，而且你咁樣會影響到ｂｂ的情緒架，咩事總會解決，唔洗擔心，有時男人都係粗心ｄ，你先生是不是有時貪玩少少，但都有自己的計劃呢？有時男人心裡想好，但又唔講出來，你有時間有咩問題就同佢講下，煩下佢好過自己一個人屈住！

(1) 計公司產假：　通常都是前４後６，即１０週，你未看你的身體頂唔頂到及工作忙不忙，唔忙就遲ｄ放，之後可以多ｄ時間休息，我朋友試過計到一放產假，後一日就生，咁就有１０週慢慢休息，不過都唔好計得太盡，因為產前都好辛苦，唔想出街。

(2) 開刀或順產：　其實你唔想煩就問醫生好了，因為兩樣都有人做，兩樣都各有各好，你問醫生你的情況係唔係一定要開刀，否則就順產，身體又可以恢復得快ｄ，又平ｄ可以把錢用在其他的地方。

(3) 諗邊間醫院：　這個你就要快ｄ決定，因為現在的醫院都真的很緊張，你問下醫生那間好，但最好當然是方便近屋企，咁你要生都可以快ｄ到醫院，你先生看你都方便ｄ

(4) 清潔新屋 (5) 執屋搬屋 (6) 安排簡單傢俱 (7) 搞入伙for 有地方坐月及方便朋友上來探訪 ：　這些你就不要理了！６個月你都累啦！就叫你先生去做，他不做你都不理，現在都有地方住，這些你要去做就太辛苦了！要諒力而為！

(8) 煲薑醋 (cut薑, 晒薑皮) (9) 坐月補身 (10) 邊個幫照顧bb：　這些其實你真的要同你家人商量下，看可不可以幫你，坐月仲自己做咩？唔好話怕煩到家人，如果你有事有ｂｂ唔要他們幫手，他們會更加不開心，生ｂｂ是一家人都開心的事，如果他們可以做的他們一定都樂意幫你，不用擔心

(11) 買bb物品 (12) 洗bb新衫 (13) bb改名 for bb 出世, ：
這些是很開心的事，我一想起就開心，得閑去行行街，人都開心ｄ啦！又想想自己的ｂｂ穿上靚衫，一定很可愛，咩唔開心都唔記得啦！你得閑未找個朋友去行下街啦！

(14) bb出世後, 同bb沖涼, 洗bb衫, 自己又要食, 又要煲薑水沖涼, 等等………………..：　這些後話，你要想想可不可以找人做，鐘點都係＄５０一個鐘，可以就請長ｄ，唔可以未請短ｄ，而且到時ｂｂ在哭，難道你先生都不幫忙嗎？同你先生講一講，唔請人就叫佢做，唔好自己在胡思亂想．．．．所有問題都可以很快解決的，開心ｄ啦
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy