夫婦情感 今日: 1 | 主題: 42710

積分: 63

1^#

發表於 07-9-3 11:31 |只看該作者 |倒序瀏覽 |打印

我同老公結左婚3年,
呢3年成日嘈交,
嘈到今時今日, 我已經唔想講任何野~

我地當然都有唔嘈交的日子,
不過都毫無歡樂氣氛~

我未夠30歲, 我老公3x歲, 我地無小朋友,
一年前我地唔避孕準備隨時有BB,
點知過左半年都無,
於是我提出想去睇醫生,
結果被佢潑冷水,
佢話我太過緊張, 根本唔需要睇醫生!
最終次次都係我自己進出不育診所~
感覺好難受, 好似自己一廂情願想生BB咁~
到今時今日, 有時嘈交我會話唔生啦!
到大家和好如初之後, 佢又會叫我不如生啦......其實佢係想生的~
所以我更加唔開心,
因為想生BB係兩個人的事,
但佢根本唔想付出~
連陪我去見不育醫生都唔願意~
------------------------------------------
佢講的東西永遠岩的, 同一樣野出自我口就唔岩!
比喻說食涼瓜(打個比喻)
佢問我今晚食咩菜好, 我話不如涼瓜丫, 可以下火丫嘛~
佢會不停ban我!!! 佢會話唔好啦, 涼瓜好涼架~
到兩日後我問番佢食咩菜好, 佢會話番涼瓜!!
我話早兩日你又話好涼?! 佢居然可以答番我『下火丫嘛~』!

總之我提出任何野, 佢都話唔好,
到佢自己提出時, 就咩都好!!
-------------------------------------------
我覺得在佢身邊好辛苦,
佢講野成日都潑我冷水,
我唔想見到佢、唔想聽到佢講野.......
我逢Sunday放假,
如果佢果個星期又係放Sunday,
我會有種莫名其妙的唔開心!
-------------------------------------------
供樓錢、水電煤、差餉管理費、電話上網有線、百佳雜貨等等加加埋埋二萬左右, 佢每個月比一萬我, 即係我都要出一萬~ 大家人工相約~ 佢成日覺得個個月有錢比我已經係"愛"的表現~
-------------------------------------------
完全無一個家的感覺, 我覺得自己對佢已經好淡好淡....
但又覺得佢罪不致死,
佢準時比果一萬蚊我、
佢唔煙、少少酒、唔嫖(以我所知)、唔賭、唔吸毒、唔會打我、痴家~

係咪已經算係一個好男人呢? 我係咪唔應該諗離婚呢?

0 0 0

私人傳訊

吹吹水

禁止訪問

積分: 2329

2^#

發表於 07-9-3 11:52 |只看該作者

提示: 作者被禁止或刪除內容自動屏蔽

私人傳訊

積分: 63

3^#

發表於 07-9-3 12:03 |只看該作者

原文章由 吹吹水 於 07-9-3 11:52 發表
兩夫妻問題一定有，講真你老公其實都算好，起碼對你真心，無滾，男人個個以為俾左＃做家用己係責任，而且無個男人願意佢個ｄ地方，因佢吔會覺得自己唔掂，唔好怪佢吔
不如你諗吓ｄ之前開心日子，或計劃去旅行開心吓，日日想住ｄ唔開心日子好難 ...

真心?? 唔滾就=真心?? 我完全感受唔到佢愛我、緊張我!
而家佢就係覺得比左果一萬我就係愛我! 果一萬蚊只係夠比一半架咋, 我自己個個月都要再拎一萬出黎架! 佢成日叫呢d就係"家用"!
我地公一份、婆一份, 即使我買左少少野, 佢都會話我又買野!!

開心的日子??!! 呢3年婚姻生活, 開心的日子只在頭3個月!! 我十分唔開心!!

旅行......我提出過了~ 佢第一個反應係：『旅行要錢架......』我已經唔想再同佢講野~

私人傳訊

shakeshake

複式洋房

積分: 239

4^#

發表於 07-9-3 12:21 |只看該作者

佢可能係一個好自我既人，你再想想佢其實是否都係愛你，有d人只係唔識表達，弄巧反拙，佢兩日之後想食苦瓜，會唔會係佢知你想食，想逗番你？

不過，我覺得暫時o係咁既關係之下，千祈唔好有小朋友住。

私人傳訊

積分: 63

5^#

發表於 07-9-3 12:29 |只看該作者

原文章由 shakeshake 於 07-9-3 12:21 發表
佢可能係一個好自我既人，你再想想佢其實是否都係愛你，有d人只係唔識表達，弄巧反拙，佢兩日之後想食苦瓜，會唔會係佢知你想食，想逗番你？

不過，我覺得暫時o係咁既關係之下，千祈唔好有小朋友住。 ...

係, 佢係一個超級自我的人!
佢其實是否都愛我?? 我真係一d都感受唔到佢愛我~
苦瓜..........只係一個比喻~
我意思係佢經常自打咀巴, 我提出時佢反對, 之後佢竟然提出番我之前所講既野! 仲加埋一大堆歪理去支持自己!!

我唔打算要小朋友住了!

私人傳訊

Connielai

嵐嵐之家
[url=http://lilypie.com]

積分: 19208

2023年兔年勳章畀面勳章 BK Milk勳章

6^#

發表於 07-9-3 13:50 |只看該作者

我係你就吾會要小朋友住, 會睇多幾年,等兩公婆d感情穩定d先。
其實我覺得你好介意比家用, 個家你都有份, 一起比又有mud所謂呢?吾通要個老公比哂? 我同老公都share所有開支, 講句說話都大聲d, 買野關你mud事, 我用自己錢。鬧起交黎, 仲可以同佢講: 你沒有養我嫁, 大家咁高咁大,又吾駛靠佢, 仲好。

私人傳訊

烏租租

大宅

積分: 4645

畀面勳章

7^#

發表於 07-9-3 13:59 |只看該作者

樓主︰

我都試過你差吾多的經驗,不如分享下丫！

其實,2 個人响吾同的環境成長,一定會有好多生活小節的出入,打個比諭,你係仲意用牙膏由底按出黎,但係你老公仲意好隨意按,咁你會吾會因為咁就放棄同佢一齊丫？最重要係,你2個人响千百萬人中相遇,拍拖,結婚現在還有生bb的打算,我唸連精算師都計吾到尼個百份率。生活係磨合出黎,吾係一朝一夕的。

(小小愚見,勿怪)

私人傳訊

雲妮彭

積分: 19437

好媽媽勳章

8^#

發表於 07-9-3 13:59 |只看該作者

唔~
如果我俾意見既話,
我覺得你講既野,只係你地之間既相處問題,
又或者係性格問題.
呢d問題,未至於要諗離婚甘嚴重,
除非你地之間已經無左愛!

-無避孕半年都未有bb,其實都唔算遲,
我都係成年半先有bb.明白當時人係會緊張同擔心,所以你想去check,都無可厚非.但你老公唔想亦唔怪得佢.因為男人既想法,真係可以話半年未有,未必係有問題架.而且,去check既話,佢地可能覺得晒錢同尷尬.甘樣唔代表佢唔緊張既.....只係睇法唔同jet.

-佢咩都band你,可能係性格問題.試上同佢溝通下,唔好下下都band你.........之類.

-家用方面:如果兩公婆都做野,一人出一半家用,其實好平常.唔好以為老公應該要俾晒全部,而自己個份就儲埋做私己.甘諗只會唔開心.無野係必然架.佢準時俾家用,已經ok.

-通常男人都會覺得女人成日買野......如果你係用自己錢買既,佢應該無聲出既..唔使理佢啦甘.

唔好甘容易話離婚啦,結婚先3年,甘快放棄?我諗第二個男人都會有呢樣個樣問題架啦.......你列出老公既野,其實基本上佢已經算係好男人了.當然,你地再加埋"愛"上去,就更完美了.

[ 本文章最後由雲妮彭於 07-9-3 14:03 編輯 ]

私人傳訊

積分: 63

9^#

發表於 07-9-3 14:25 |只看該作者

原文章由 Connielai 於 07-9-3 13:50 發表
我係你就吾會要小朋友住, 會睇多幾年,等兩公婆d感情穩定d先。
其實我覺得你好介意比家用, 個家你都有份, 一起比又有mud所謂呢?吾通要個老公比哂? 我同老公都share所有開支, 講句說話都大聲d, 買野關你mud事, 我用自 ...

你可以話我介意家用, 但唔關個錢碼事~
因為一人一半我都唔覺有問題~ 如果我有所謂, 就唔會3年黎都係咁~
只係好多時候, 我同老公撒嬌話感受唔到佢緊張我、愛我, 但我老公會用"家用"黎同我講：『如果我唔愛你, 就唔會比成萬蚊家用你啦!』我愈聽, 條氣愈唔順, 因為果一萬蚊係所有開支的一半, 我唔係袋落袋架! 我自己都要比一半架! 佢點可以用呢一萬蚊黎=愛我呢???? 佢又唔出聲~

而家就係所有開支都share一半, 我都以為大家好公平, 但就係我買乜佢都要管! 佢鍾意支配我~ 坦白講, 如果你有道理, 我接受你意見, 但佢真係歪理連篇~

私人傳訊

積分: 63

10^#

發表於 07-9-3 14:32 |只看該作者

原文章由 烏租租 於 07-9-3 13:59 發表
樓主︰

我都試過你差吾多的經驗,不如分享下丫！

其實,2 個人响吾同的環境成長,一定會有好多生活小節的出入,打個比諭,你係仲意用牙膏由底按出黎,但係你老公仲意好隨意按,咁你會吾會因為咁就放棄同佢一齊丫？最重要係,你2 ...

我明白兩個人的相遇好講緣份~ 兩個背景不同的人一齊生活, 當然會有磨擦, 生活上的習慣有不同, 唔係你就我、就係我就你~ 就好似你個比喻咁 - 牙膏~ 按法不同, 我就到佢而又唔會令自己難受委屈的話, 唔洗同佢傾都可以就佢~ 如果自己就唔到, 就同佢傾~

我同老公之間的大問題係：
次次我的意見, 佢都潑冷水打擊我, 我有任何野都唔想同佢講, 周佢講左的話, 只會令自己唔開心~

私人傳訊

積分: 63

11^#

發表於 07-9-3 14:40 |只看該作者

原文章由 雲妮彭 於 07-9-3 13:59 發表
唔~
如果我俾意見既話,
我覺得你講既野,只係你地之間既相處問題,
又或者係性格問題.
呢d問題,未至於要諗離婚甘嚴重,
除非你地之間已經無左愛!

-無避孕半年都未有bb,其實都唔算遲,
我都係成年半先有bb.明白當時人係 ...

比你一針見血講中左~
我感受唔到佢愛我、而我亦知道自己好心淡~

家用問題, 可能我表達得唔好, 令大家誤會, 我回覆左 Connielai ~
其實我唔介意一人一半架~ 我只係介意佢成日話比一萬蚊家用我就代表係愛我~ 我覺得佢好野蠻、打橫黎講!

買野我當然係用自己錢, 但佢都會多多野講~

我都覺得佢基本上算係一個好男人, 但我認為就係無左"愛"的存在!
我曾經同佢傾過, 佢又話：『比一萬蚊家用你仲唔算愛你??』

唉~

私人傳訊

積分: 63

12^#

發表於 07-9-3 14:51 |只看該作者

我再講多少少比大家聽：

佢今日放假, 但尋晚先同我講, 佢話：『我聽日放假呀, 約左d同事上大陸打保齡同按摩~ 未決定食唔食埋飯先返落黎~』我唔介意你去娛樂, 但你今日先知聽日放假嗎???? 點解唔早d同我? 驚我唔比你去嗎?

家中養左幾隻倉鼠, 其中一隻尋晚比我見到抽筋, 我好緊張咁抱起佢然後同老公講：『哎呀, 佢好似抽筋呀, 點算好呢....』佢竟然答我：『唉~ 小動物之嘛~ 洗唔洗咁緊張呀!』第一隻倉鼠係佢兩年前送比我的~

佢對住我媽媽爸爸等人時, 講野陰聲細氣、成日微微咀笑.........但如果同我兩個人在屋企, 我地間屋靜到烏英飛過都聽到, 我覺得好悶、佢唔鍾意講野、成日木口木面~
簡單d黎講, 佢係一個雙面人~

之前提及過"旅行", 我覺得我同佢之間有問題, 想去個旅行大家relax下, 佢一句：『旅行要錢架!』我已經無野好講~ 之後我家姐同姐夫同我地講計劃黎緊去Thailand, 叫埋我地一齊, 佢竟然歡天喜地話：『都好喎! 去邊度好!』

私人傳訊

banana18

積分: 79

13^#

發表於 07-9-3 15:06 |只看該作者

其實拍拖0個陣係咪都已經知道佢係一個咁既人啦...如果係的話冇得好埋怨,我都好怕人成日俾負面意見又嫌三嫌四,我諗你要同老公拿出來講下,如果唔係成世人好可憐呀...佢都俾唔到你知道佢愛你....

我希望世界上每個mama都美麗,健康,快樂!!!

私人傳訊

Connielai

積分: 19208

2023年兔年勳章畀面勳章 BK Milk勳章

14^#

發表於 07-9-3 15:15 |只看該作者

你話你老公好"痴"家, 咁佢又吾同你傾計, 佢做什麼?

私人傳訊

積分: 63

15^#

發表於 07-9-3 15:17 |只看該作者

原文章由 banana18 於 07-9-3 15:06 發表
其實拍拖0個陣係咪都已經知道佢係一個咁既人啦...如果係的話冇得好埋怨,我都好怕人成日俾負面意見又嫌三嫌四,我諗你要同老公拿出來講下,如果唔係成世人好可憐呀...佢都俾唔到你知道佢愛你.... ...

就係婚前婚後兩個人~
拍拖時佢好有情趣, 會用紙巾摺玫瑰花比我~
亦好主動話去睇戲,
但而家叫佢去睇戲, 一係就話等出碟, 一係就話我提出果套戲唔好睇, 睇佢想睇果套~

婚後先睇到佢個人好自私, 凡事都先以自己為中心~ 而且對錢銀睇得好重~

私人傳訊

積分: 63

16^#

發表於 07-9-3 15:35 |只看該作者

原文章由 Connielai 於 07-9-3 15:15 發表
你話你老公好"痴"家, 咁佢又吾同你傾計, 佢做什麼?

因為佢分三更制,
如果返中段或夜更, 基本無乜機會見到面,
不過返早更的話就同我office時間一樣~
我一放工返到屋企就會見到佢,
有時佢會煮緊飯, 有時等我煮~
由我放工見到佢開始起計,
一係煮緊飯,
一係睇電視(但十次有九次都訓著教~),
一係開機洗衫,
一係上緊網,
一係打緊NDS,
一係坐在按摩椅合埋眼.........

就算開飯食飯果陣,
佢都好少出聲,
有時d劇集勾起左個話題,
我撩佢講野,
佢個反應總係好冷淡, "哦"、"唔"、"係"、"唔知呀".......

我覺得好無引、好悶~

私人傳訊

雲妮彭

積分: 19437

好媽媽勳章

17^#

發表於 07-9-3 15:52 |只看該作者

~唉~

都唔知點俾意見你好,
好多野,要當事人先知有幾難受.
你講個d問題,其實你老公覺唔覺得有問題?
佢知唔知你因為甘而唔開心?
知道左,佢有咩反應?

如果你同佢講:想分開/離婚,你估佢會點做?
不如你直接問佢,仲愛唔愛你(叫佢唔好再用"家用"來做代表),
如果愛你,可唔可以好似拍拖時甘樣對你?

如果你覺得已經盡了力同佢溝通都無進展,
甘你可以"以退為進",對佢冷淡一排先,
之後睇下可唔可以再一齊.....

私人傳訊

Connielai

積分: 19208

2023年兔年勳章畀面勳章 BK Milk勳章

18^#

發表於 07-9-3 15:54 |只看該作者

其實你老公都幾好,又肯煮飯,又肯洗衣服。我老公今年33,返到屋企剩係識打機同睇波。煮飯一星期三次啦,其餘ud都吾做。你地係沒有話題啫,嘗試借其他人力量, 好似你家姐話去旅行, 你老公都話好, 咪等你家姐出馬,幫你地報名, 到時佢想反口都吾得啦。

私人傳訊

banana18

積分: 79

19^#

發表於 07-9-3 16:53 |只看該作者

咁你有冇同佢講過你感受呀?我覺得你好慘呀,返屋企一個人對住幅牆咁,一個人都唔駛睇佢面色啦,不如冷落佢一排啦,你冷淡d對佢,睇下有咩效果?

原文章由 ~唉~ 於 07-9-3 15:17 發表

就係婚前婚後兩個人~
拍拖時佢好有情趣, 會用紙巾摺玫瑰花比我~
亦好主動話去睇戲,
但而家叫佢去睇戲, 一係就話等出碟, 一係就話我提出果套戲唔好睇, 睇佢想睇果套~

婚後先睇到佢個人好自私, 凡事都先以自己為中 ...

我希望世界上每個mama都美麗,健康,快樂!!!

私人傳訊