夫婦情感 今日: 0 | 主題: 42745

積分: 692

1^#

發表於 07-11-15 19:19 |只看該作者 |倒序瀏覽 |打印

我之前post過, 講過我老公因為生意出左事, 經濟出左問題, 而家過渡期, 等老公搞掂左就會冇問題, 咁我而家係外家到住住先, 但我已感到好委屈.....好辛苦..我知我而家寄人籬下, 我都好忍.....為個仔...為將來 , 以前老公同我講過, 一個人冇錢時, 咩親情友情都係假......我吾信, 我話吾會, 我而家信lo:cry:

我係屋企細女, 我屋企環境吾算差, 因為個個仔女都會比家用媽, 就算我結左婚, 我都一樣照比, 因為我覺得呢個係個責任, 而且我好錫屋企人的, 係我同老公好環境果陣, 我每個月都會照比幾仟蚊我媽, 去旅行都會帶埋佢去, 佢自己去旅行, 我又另外比$$佢, 而我家姐佢要咩我都買比佢,, 電話, 名牌手袋,銀包....我從來吾會同屋企人計較, 只要佢地開心就夠, 總之有乜好野都會唸左屋企人先, 我真係好錫佢地.好環境果陣, 佢地好開心架,又乜又物...但冇唸過佢地會咁對我....
經過這次逆境後, 我真係完全感受到人情冷暖.....我而家同個仔係媽到住.....我已經覺吾好意思, 但佢地言語間成日傷害到我, 而家困境,我兩個月冇比錢屋企(因為老公都有困難, 佢每月比到ge$我只夠我同個仔生活費)....於是我唸住搵份工頂住先啦, 到而家我出來做返野(我做野我老公都冇比$我啦, 因為我吾想佢咁吃力), 份工有萬幾蚊, 我比返幾仟蚊我媽, 因為佢幫我湊住個仔先,而我自己都慳d洗, 點知我媽問我係咪只係包食..我下左一聲, 跟住佢話淨係湊個仔呀, 跟住佢話不如叫你老豆湊啦, 佢又冇野做, 我想返工呀,(其實佢係嫌小$想搵老豆達我), 因為我媽(差吾多60歲啦)..而家佢做果份工好辛苦要成日企又要濕水, 佢又有風濕, 每日返到屋企都呻腳痛好難頂...想吾做, 於是我就唸出來做工, 一來老公冇咁大壓力, 二來媽又吾洗咁辛苦只係湊我仔返學放學.....點知佢又嫌少錢要求我比多d, 佢明知我而家咩環境...都冇體諒我:cry:
而我家姐, 有時講野好刻薄...上次我仔生日, 我走去買個蛋糕氹佢開心, 我買左個黑森林. 因為個仔中意食, 點知我家姐返到來見到個cake, 即刻鬧, 問我做乜買黑森林(因為肥)..好嬲咁話我吾食啦!!....你真係賤格!...我當時好嬲...我仔生日吾係你, 梗係買我仔中意ge cake, 係咪, 你可以吾食架, 係咪, 點解要鬧我賤格!?
我仔好大汗...每晚訓覺都要開冷氣...但我都知電費重皮, 所以每次當個仔訓著左後我都會即刻關左佢.....吾想哂錢, ...有次我家姐因心情吾好, 見我仔又話開冷氣, 係咁鬧, 鬧我仔少爺仔咩!, 成日開冷氣, 吾洗$$呀!!!..我仔吾敢出聲........我忍住肚氣...我心想忍下...要忍呀吾好嘈,鬼叫你而家寄人籬下.....之后我匿埋係被到咸:-( .....我仔望住我咸.....我叫自己堅強d啦....而自此之后我都冇再開冷氣, 用扇同個仔潑涼.....

雖然呢個只係過渡期, 但日子真係好難過.....每次有呢d事發生我都會同老公講...因我真係就來癲...老公都好難過, 安慰我叫我而家暫時忍耐下, 人冇$ge時候就係咁,要接受現實, 而且山水有相逢...到有日佢搞掂哂d野, 就即刻接我地...叫我吾好放棄, 要堅強d....
老公..我真係好辛苦呀.....:-( :-( :-( ,係自己一廂情願對佢地好, 而家我地逆景.., 都已經好難受...佢地有冇唸過我感受........我真係好傷心好失望....感到人情冷漠...我地一定會爭氣!
而家我同老公都慢慢開始有好轉, 我地亦就來有好日子過....但經過呢次, 我真係明白好多野, 個人更睇化左

0 0 0

私人傳訊

小寶貝兒

珍珠宮

積分: 30295

2^#

發表於 07-11-15 19:39 |只看該作者

有好多人可以共富貴, 但有幾多人可以共患難?

經過呢次, 妳更加體會到, 妳同妳老公, 仔仔, 先係一家人......

堅強, 加油!! 再強大既風雨, 總有過去既一天! 記住~~ 希望在明天丫~~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

積分: 692

3^#

發表於 07-11-15 20:08 |只看該作者

佢地每樣野都刺痛我心, 己經想如果走左之後, 吾想再返來........
老公話以後都不會再令我受委屈, 不會再要我不開心....

私人傳訊

renren

子爵府

積分: 12024

好媽媽勳章

4^#

發表於 07-11-15 20:36 |只看該作者

慢慢黎,唔好傷心...以前我地都遇過難關,只要兩公婆同心協力一齊面對,咁你將來會幸福.至於屋企人...算吧啦,有能力就快D搬開,住板間房都開心過而家.第時再有番環境時就會記得响你最落寞邊個最好,你要用最好方法報答因人,邊個最衰乜野都唔使做,疏遠佢就得,屋企人都係咁話.
患難見真情,而家俾你睇到真性情都未算遲,幫你慳唔少錢.
加油,你老公一定會番身.

春有百花秋有月夏有涼風冬有雪若無閒事掛心頭便是人間好時節

私人傳訊

烏租租

嵐嵐之家
[url=http://lilypie.com]

積分: 4645

畀面勳章

5^#

發表於 07-11-15 20:42 |只看該作者

完全明白,所以,我發誓點都吾會再比自己PK架喇,比d心機,臥薪嚐胆,壞的日子總會過去的,到時米一吐怨氣！加油呀！

私人傳訊

kary512

積分: 739

6^#

發表於 07-11-15 20:45 |只看該作者

呢個咪叫做患難見真情囉~你屋企人係點對你..依家真係咩都可以見到哂~!我知道依家叫你唔好唔開心都冇用!因為針唔扎到肉唔知痛!果時我記得我剛剛有左個女冇幾耐~都係好似你咁要見外家...但後來我爸爸有事..唔o係屋企度住..得我阿哥養屋企!過左冇幾耐~我哥佢就同我開聲叫我走,因為如果我未嫁佢就話養個妹,但係嫁左人就唔同...佢養唔我唔到!而我阿媽對我都好明顯有分別..呢o的我剛剛嫁~我都覺得好難受~仲記得第一年新年...做冬我想返去阿媽度食飯...點知我阿媽話叫我唔好返去~同我講話外嫁女返去做冬就會貼窮外家~!我聽完之後真係好唔開心~但係就明白到咩都係假...理掂自己先啦~!!同埋我覺得如果你有萬幾蚊個月~不如自己儲幾個月錢~自己出黎租間平平地既屋,搵個人揍仔...橫掂你都要俾幾千蚊個月你媽咪啦~咁樣你又唔使受人氣~!!如果你搬左出去..你就唔好再俾錢你阿媽喇~你阿媽都知你咁既情況啦...佢仲問你拎..你就同佢講...冇錢囉!

私人傳訊

積分: 692

7^#

發表於 07-11-15 20:48 |只看該作者

係,我同我老公都話過, 今舖番身我地吾會再pk, 我話過我吾要再過呢d日子, 所以而家都咬實牙根...!
我定會記住在低潮時邊個幫過我, 邊個嫌棄過我的

私人傳訊

柚子

積分: 4939

8^#

發表於 07-11-15 20:52 |只看該作者

樓主，堅強點吧，逆景好快會過去，每個人都有逆景的時候，係呢段時間可以看清楚身邊的人，都幾好，可能會好難過，不過只要咬緊牙關，一定得的。

好多年前，我同老公係剛買樓不久。老公公司突然生意出現問題，
損失左好多錢，加上剛剛買樓，周轉上出現好大問題，
剛巧近過年，係食團年飯果日，老公同父母講，過年比唔到錢佢地，因為周轉有問題，將來個一年的家用可能要比少好多，佢地聽到後，就話（到你有時先比番），不過老爺加了一句（錢我幫唔到你），大伯二伯姑奶他們也跟住說話（我地都好手緊等等說話）。
老公回家後好不開心話：（我都未開口，也無諗過要開口，
佢地唔洗咁對我，我好唔開心，仲話一家人，無事果時就一家人）。

相反，當我父母知道的我地經濟出現問題，立即伸出溫暖的手來幫助老公解決當前問題，弟妹們對我很好，係１年內既飲飲食食都幫我比哂錢，仲成日買衫褲日用品比我，父親仲周不時比錢我洗，
母親成日買定好多餸上我屋企比我。
好好彩我地涯左一年之後所有野都回復正常，如今，我老公對我父母很好，比自己父母咁加好，至於老爺奶奶，我老公對他們只有做兒女既責任，
其他野唔係好想去理。

私人傳訊

積分: 692

9^#

發表於 07-11-15 21:00 |只看該作者

以前老公對我屋企人好好架, 好疏爽, 乜都吾介意, 而家佢知我咁受委屈後, 佢都心淡埋.....佢話以後只有我們一家三口好了.....

私人傳訊

smpoon

子爵府

積分: 14992

好媽媽勳章大廚勳章畀面勳章

10^#

發表於 07-11-15 21:18 |只看該作者

回覆 #9 changeyourmind 的文章

自己的父母,兄弟姊妹都咁樣,我聽倒都好唔開心啊~ :cry: 就當今次係一個好機會,睇清楚他們吧!!!!!:lol:
希望你加油啊~
支持你~

私人傳訊

mcyu

積分: 1482

11^#

發表於 07-11-15 21:53 |只看該作者

uummm... 如搬 la....租間套房la.....起碼開心好多....再受落去都唔係辨法...有 D 学校係全日..放工去凑佢返屋企...

私人傳訊

weima

禁止訪問

積分: 940

12^#

發表於 07-11-15 22:37 |只看該作者

提示: 作者被禁止或刪除內容自動屏蔽

私人傳訊

wlk168win

積分: 1289

13^#

發表於 07-11-15 22:46 |只看該作者

原文章由 changeyourmind 於 07-11-15 21:00 發表
以前老公對我屋企人好好架, 好疏爽, 乜都吾介意, 而家佢知我咁受委屈後, 佢都心淡埋.....佢話以後只有我們一家三口好了.....

:-( 我完全感受到...妳要堅強, 但唔好比個仔知發生咩事,
如果成件事, "佢地"的確係"嫌"妳, 而唔係咩誤會或者妳多心,
咁, 我覺得妳以後無論咩環境, 都應該同佢地保持"距離".

愛得越深, 傷得越深, 係真架!! 可能你兩公婆以前對佢地過份好喇!

以後送咩送咩都免喇, 除左亞爸亞媽生日外, 可以送吓禮,
平時食飯都免喇, 無謂大家做戲大家辛苦...妳明唔明?

最多, 得閒就去酒樓飲吓茶, 見吓面就得啦, 而且酒樓環境唔同屋企, 可能大家會多些"話題", 唔駛你眼望我眼:tongue: .

我聽到都嬲呀

! 不過, 你唔好傷心, 記住, 呢次生意上既意外, 可能亦係個天想比你早d知道一d"事"姐, 咁你以後識點去行呢條路, 點樣去對你老公, 亞仔, 同最緊要曾經"雪中送炭"既人喇!!

至於其他一律當"普通朋友"得架啦, 有緣一齊, 人地唔識珍惜, 係佢地既問題, 你亦無野可以做到!

你要多謝個天比你咁早知道呢件事添! 祝你自己一家人以後開開心心, 萬事順利呀)))))))):-P :-P

[ 本文章最後由 wlk168win 於 07-11-15 23:25 編輯 ]

私人傳訊

積分: 692

14^#

發表於 07-11-16 00:22 |只看該作者

我都唸個天比個考驗我, 要我睇清人性, 要我更自強......我都唸一夠$就搬出去, 但仍要比$我媽, 只多比少d(因我要租屋又要請工人)....壓力都好大....有時望住個仔, 我覺得我地好似乞兒咁..真係唸到都想咸.......將來我點, 我都吾會再好似以往咁對佢地咁好, 乜都為佢地先, 至多都係做返盡女ge責任算
多謝你地, 你地ge安慰我好感動, 老公都同我講我地要夫妻同心, 不可灰要有信念.....希望光明日子好快來臨啦...!

私人傳訊

simb

積分: 733

15^#

發表於 07-11-16 00:34 |只看該作者

私人傳訊

Circlelok

等待驗證會員

積分: 1745

16^#

發表於 07-11-16 00:40 |只看該作者

加油呀！屋企人咁對妳地唔緊要，最緊要一家三口可以一齊，錢無左可以揾過，只要努力一定可以再黎過，明天會更好！支持妳！

私人傳訊

mcyu