吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 千祈唔好住墾丁綠海棧

親子旅遊今日: 5|主題: 161838

收藏本版

發帖

返回列表

跳至頁

查看: 1268 | 回覆: 34

[台灣] 千祈唔好住墾丁綠海棧 [複製鏈接]

pikupi

子爵府

積分: 10840

陪月勳章

1^#

發表於 14-7-1 12:31 |只看該作者 |倒序瀏覽 |打印

報告：我而家係墾丁走，千祈唔好住綠海棧！我地係今日退房，知道11點要退， 10：35打黎提。

我老公今朝又暈又嘔，民宿唔包早餐，等到9點幾，終於等到人返黎，都姑且問下有乾糧餅乾，係無既！唔緊要，都明，拍隔離班學生門，問人拎左少少餅。我其實有包芝士餅，但我老公麻麻地。

我有同民宿講，我老公同女都有嘔有痾，可能要去醫院。佢地一句無人開車，只可以叫的士，我亦都明，所以我話有需要就搵佢。

我過左隔離盤古拉睇下有無野食買，但果時廚房整早餐既員工收左工，無野食買。老闆娘可能覺得有事，佢問我有無野幫手，我初初驚我老公揸唔到車出高雄，老闆娘即刻幫我打電話問協作司機，有無人可以幫我地揸車。如果搵到我話我會照俾代駕費用。
老闆娘知我地想盡快出高雄，又幫我打去租車公司問可唔可以架車放係佢地到等收。租車公司唔太願意，但一定要的話都可以，不過要收1500台幣。老闆娘幫我拒絕左，因為覺得咁安排仲俾多左錢。

老闆娘知我唔係佢既住客，叫我返民宿休息陣，會打俾我，就算係香港電話。我由盤古拉返到去，又接到催還房電話，勁想鬧人囉！如果唔係一大一細唔舒服，我一早check out 左！

後來老公無事，唔洗搵代駕，我打唔到俾盤古拉老闆娘，行過去搵佢，佢原來仲幫我搵緊人代駕（超感動，忍唔住喊左）佢仲安慰我，身體無事就好，但提我地睇下有無需要經過恆春去醫院睇一睇醫生。我再次多謝佢。

返到綠海棧，又催退房，果時11：35。我話：我告訴過你我老公不舒服，所以才有點延遲，但我現在都打算離開！民宿條友話：好吧，我多給你十分鐘，因為遲退房有收費！（我心入面小晒鬼）我老公「懷疑」間房風水有問題，我琴日朝訓醒就頭痛，出去食左早餐，去到海生館落車後，見暈，成身標汗又嘔，要去人地女司機休息室休息左成個鐘先無事。

好彩一大一細食左藥休息左2個鐘就精神好多，無晒事。所以勸大家一句，千祈唔好住哩間「綠海棧」！有事係唔會有人幫你手。我上次住21.5，民宿啲人都係好好，有事會幫忙。

0 0 0

私人傳訊

pat614

伯爵府

積分: 18575

2^#

發表於 14-7-1 19:37 |只看該作者

引用：報告：我而家係墾丁走，千祈唔好住綠海棧

原帖由 pikupi 於 14-07-01 發表
報告：我而家係墾丁走，千祈唔好住綠海棧！我地係今日退房，知道11點要退， 10：35打黎提。

我老公今朝 ...

咁衰架， 5幫手重追生晒，佢地十陣冇事嗎？

私人傳訊

pikupi

子爵府

積分: 10840

陪月勳章

3^#

發表於 14-7-1 22:26 |只看該作者

引用：Quote:原帖由+pikupi+於+14-07-01+發表報告

原帖由 pat614 於 14-07-01 發表
咁衰架， 5幫手重追生晒，佢地十陣冇事嗎？

最嬲就係咁啦，係香港都話自己死去睇醫生，人在外地就需要人幫忙架啦。

大人同細路都無事喇，今朝最恐怖就係老公同女一齊唔舒服，一齊有嘔同發燒，但2、3個鐘就無晒事，好奇怪。

私人傳訊

mcchan2008

男爵府

積分: 9143

4^#

發表於 14-7-2 11:46 |只看該作者

其實遇到呢d情況(風水或果d野)第一時間離開就算唔去好遠,寧願去大龐或室外坐下都唔好逗留
我試過一次係戶到好累,係突然累得好緊要果隻
即時走去其他地方,抖左成個鐘果人先醒番d

當然有時未必feel 到關呢d野事,同埋遇到d咁既工作人員真係無辦法
如果換轉係我,我會即時去第到或你去果間民宿租間房,半日或幾個鐘都好
因為唔知情況可能要抖更長時間
講明情況都唔幫手仲要催走,無謂比佢搞到自己更燥,最慘係家人聽到會怕無事硬頂仲下仲衰
錢無左唔所謂

爆佢一陣又話影衰香港人,最緊要自己家人無事

私人傳訊

pikupi

子爵府

積分: 10840

陪月勳章

5^#

發表於 14-7-2 12:22 |只看該作者

引用：其實遇到呢d情況(風水或果d野)第一時間離開

原帖由 mcchan2008 於 14-07-02 發表
其實遇到呢d情況(風水或果d野)第一時間離開就算唔去好遠,寧願去大龐或室外坐下都唔好逗留
我試過一次係戶到 ...

好彩係食左藥無事，我老公一見暈無耐就食醫生開既藥，抖左3、4個鐘，我要佢出去房門口吹下風，見下太陽，我觀察左佢10分鐘，見佢精神狀況良好，先敢俾佢揸車。
民宿條友令人超失望，唔幫手都唔緊要，只係唔覺得平日都仲要咁急催交房囉，我住過好幾間最差既一間。

間房係咁樣，啲窗簾藍色，朝早起身有陽光透入，但個感覺怪怪地。我老公暈完就話覺得係室內好唔舒服

私人傳訊

mcchan2008

男爵府

積分: 9143

6^#

發表於 14-7-2 13:11 |只看該作者

pikupi 發表於 14-7-2 12:22
好彩係食左藥無事，我老公一見暈無耐就食醫生開既藥，抖左3、4個鐘，我要佢出去房門口吹下風，見下太陽 ...

每個人感受唔同,時運有高有低我通常訂房時都會要求有窗(就算要比多d都要)
如果我住我諗唔會關窗簾呢一下

私人傳訊

pikupi

子爵府

積分: 10840

陪月勳章

7^#

發表於 14-7-2 16:05 |只看該作者

引用：Quote:pikupi+發表於+14-7-2+12:22+好彩係

原帖由 mcchan2008 於 14-07-02 發表
每個人感受唔同,時運有高有低我通常訂房時都會要求有窗(就算要比多d都要)
如果我住我諗唔會關窗簾呢一下

有兩邊窗，不過係平房式，出面有人行，所以要落簾，但我日頭盡量只落一半，夜晚訓就落晒。總之下次一定唔會住哩間，因為其實有啲怪事我無講，就係琴日朝我老公既事

但因為唔知係自身問題太攰而發生，定係真係有關，公平起見，我無寫出黎。
今次只係想分享一下佢地管房人員既態度。

私人傳訊

yumi8989

別墅

積分: 744

8^#

發表於 14-7-2 18:08 |只看該作者

嘩, 好有興趣想知咩事

點評

stepchk x3 發表於 14-7-3 13:54

classical x2 發表於 14-7-2 21:12

私人傳訊

pikupi

子爵府

積分: 10840

陪月勳章

9^#

發表於 14-7-3 00:08 |只看該作者

引用：嘩,+好有興趣想知咩事

原帖由 yumi8989 於 14-07-02 發表
嘩, 好有興趣想知咩事

因為我唔敢肯定係住哩間房所以發生哩啲事，定事有巧合，我老公同個女一齊唔舒服，女女仲忽然發燒，但3、4個鐘後兩個一齊無事，唔肯定係夜市食物唔乾淨引至，定關間房事

而家諗返我仲係驚驚地，果陣朝早6半打後，出晒太陽，所以唔肯定係咪間房有問題，係有一刻見到窗簾透光覺得不安。

琴日朝我仲訓緊，突然聽到廁所有撞跌野聲，老公嗌左聲，我問佢做乜事，但無應我。我以為佢唔小心撞跌地下飲完既膠水樽，見佢唔答我咪繼續訓。

跟住聽到bang ling pang lar 好大聲，再聽到撞到枱聲，我即刻係床彈起身，果刻已經見我老公撞到梳妝枱跌左係地下，眼神極到驚恐，果刻以為佢發羊吊。即刻按實佢，嗌佢，問佢做咩事，唔好嚇我。過左手10-15秒佢清醒返，眼神正常，識答我暈暈地，我叫佢唔好郁，因為佢撞到眼皮損左，好彩只係皮外傷流左丁丁血。扶佢起身話暈但肚痛，扶佢去廁所坐低，有想嘔，但嘔唔出。果時我睇電話係6：42。

阿女係我落床時醒左，佢22個月大，唔知爸爸咩事，不過無喊有去睇下爸爸。但無幾耐，我聞到佢便便左，跟住隔一陣就嘔，少少咁嘔，嘔左2次。佢攰到攬住我，唔肯換片。都搞左一輪先換到，因為佢好想訓覺。換完片就俾佢訓，我打俾老公做護士既朋友，佢前排去台南實習，睇下佢有無識朋友係墾丁，果時7點左右。

老公係廁所出黎，扶左佢上床，佢食左2粒頭痛藥同止暈止嘔藥就繼續休息無訓。我就一路同老公護士朋友whatsapp 住2人情況。阿女嘔完後有燒，訓訓下到8點零醒過，又有嘔左少少，一路都俾唔到藥佢食。到9點零我老公情況好少少，落到床攬住女女，我就去搵人幫手。阿女10點零醒左，俾左腸胃藥同退燒藥，但嘔返少少出黎，半個鐘唔夠，佢成身大汗，出完汗就退左燒，仲有精神搞事同我老公掙食芝士餅。
其間我見佢兩個好少少，過左盤古拉2次，因為初初驚我老公揸唔到車要搵人代駕出高雄。後來到11點零，見佢出左房門口晒過太陽都無事，行得走得，即刻離開