香港18區媽媽會今日: 0|主題: 156991

收藏本版

發帖

返回列表

跳至頁

查看: 5602 | 回覆: 2

[東區] 鰂魚涌洗冷氣黑店, 小心! [複製鏈接]

cleaner

別墅

積分: 545

1^#

發表於 14-7-8 18:36 |只看該作者 |倒序瀏覽 |打印

我本想清洗屋企所有冷氣黎迎接小B. 點知換黎一肚火!

是咁的上個禮拜, 去搵屋企附近一間冷氣水電工程舖頭叫凱X, 近116巴士總站的, 從來未幫襯過的, 想洗3 部冷氣. 後來事頭婆話要過夜先洗好, 所以只洗一部. 咁約咗第二日收機, 我決定先洗客廳部機, 就$390.

第二日就收機, 同日凱X打黎話已經洗好, 不過要加雪種, 唔夠凍, 仲有塊板生锈, 要整就$950連洗. 我唔相信, 因為我都識少少冷氣, 部機好凍, 同埋一年前原廠整過, 我已覺得佢昆我, 所以我話淨洗. 同晚, 佢地送番黎, 不過屋企人接收, 夜晚返到黎, 發覺嘈到轟轟聲

因為之後幾日都唔得閒去理論, 亦睇下部機有無好轉, 結果到禮拜日, 我忍不住打番去凱X, 叫佢上黎再睇, 我話唔可以收我錢, 因為係你地有問題. 結果佢上黎話, 因為你無整機, 所以嘈, 我話唔加雪種同生锈, 都唔會令到佢嘈, 佢話只係簡單啲咁講, 個壓縮機有事, 咁即係當我咩都唔識啦!

我老公為免我動胎氣, 其實都已經好嬲!佢就話算俾佢整番收$650. 比原先全包多咗$90. 好!算!

到今日, 佢搬番部機黎, 開機夠凍, 無聲, 但半個鍾後我發現滴水, 真係人都顛

. 又叫佢地上黎, 佢今次竟然話我本身部機無接水盤, 同埋佢地洗得太乾淨, 制冷強咗, 所以滴. 要整又$650. 簡直荒謬!我除咗覺得俾佢昆外, 我已經無野同佢講, 即刻趕佢走. 本身都無滴過一滴水, 宜家搞到咁, 我覺得我好對唔住部機!

請各JM留意, 就算唔係呢間, 附近冷氣舖都會有類似欺騙手法. 今日真係好激心!