吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 你0地奶奶肯唔肯幫你湊仔?

夫婦情感今日: 0|主題: 42761

收藏本版

發帖

返回列表

跳至頁

查看: 5449 | 回覆: 43

你0地奶奶肯唔肯幫你湊仔? [複製鏈接]

12 3

juliet

大宅

積分: 2540

1^#

發表於 07-12-11 12:43 |只看該作者 |倒序瀏覽 |打印

唉!講到尾都係自己亞媽最好,話說我奶奶同媽咪都係住係我附近,佢0地係住同一座樓架,但我媽咪就唔同~(我奶奶咁):tongue:佢差唔多每日都會來幫我手,話晒我雖然唔洗返工姐,但要全職湊兩件,都好辛苦架麻,況且兩個都咁細,大果個仲要返學,每日都要我接送,又要帶住兩個去買送,返到屋企又要教功課,又要煮飯做家務,簡直成個人都散晒,雖則咁樣,但我一D都無依賴其他人幫手,我媽咪佢係唔忍心見我咁辛苦,先主動話哩幫我手,其實我都唔想佢辛苦,我只係叫佢睇住0下兩個一陣,等我可以落街買送,唔洗帶住兩個陀手能腳喳麻,其他0野都係我一腳踢,我真係冇麻煩其他人,但整係咁簡單我奶奶都冇哩幫下我,兩個月都冇一次,有時我睇見我媽咪咁辛苦日日哩,我個心真係過意唔去......我曾經將哩件事同我老公講,佢有當面叫奶奶多D哩幫下我手,估唔到奶奶0既答案係:唔啦!我腳痛呀

難道我媽咪又冇咩!佢夠有腳痛啦!佢咁辛苦都哩啦!甚至我叫佢唔哩,佢都照哩!所以世上真係只有媽媽好,媽媽的愛真係偉大:-(

0 0 0

親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.

私人傳訊

MINIBEAN

大宅

積分: 2328

好媽媽勳章

2^#

發表於 07-12-11 12:55 |只看該作者

我個仔5歲,我奶奶一分鐘都冇幫過我,我要返工,做家務兼湊仔返學放學,只係有一次我"麻麻"死左,全部人都要去守夜,叫佢幫我湊一晚,點知佢話驚湊唔掂,咁我就知道佢係無論你死,佢都唔會關心你的,咁可以點呢,佢又唔係你亞媽,唯有減少見面,而家連我老公都唔想去,我老公話只要佢屋企有喜事同白事至出席,不過有時真係好唔明白,點解呢個世界會有d咁冷漠既家庭,比較之下先知道,原來我自己屋企係咁有家庭溫暖:lol:

私人傳訊

clc_ivy

大宅

積分: 3347

3^#

發表於 07-12-11 13:00 |只看該作者

我99會幫我手湊兩個仔架(5/6歲)!有時我想同c6去街或釣魚,佢都會幫手....不過如果嗰日有馬賭就一定唔可以叫佢幫手,因為佢已經稱自己做賭后....

其實你99係唔係唔like你架?如果唔係佢無理由唔理你.....兩個仔,不過你99咁樣我諗呢度有好多bk mama都想

私人傳訊

CeciLeung

大宅

積分: 3196

4^#

發表於 07-12-11 13:03 |只看該作者

我奶奶都有幫過下手啦，不過個女開始大，開始曳，佢就唔like揍佢喇~~~

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

5^#

發表於 07-12-11 13:11 |只看該作者

我奶奶要返工,同我老公同一間公司,一日返12粒鐘
所以佢唔會有時間幫我湊bb(謝天謝地)
就算佢有時間肯湊我都唔制,寧願自己辛苦d都唔想佢幫我!:tongue:

私人傳訊

ioi

伯爵府

積分: 16557

6^#

發表於 07-12-11 13:43 |只看該作者

我奶奶肯幫手湊仔, 只係我唔鍾意佢湊, 因為佢唔識湊, 又唔識教, 兼且會縱壞我工人, 所以我唔歡迎佢黎我屋企幫手, 即使佢住得好近我地. 佢同佢d朋友和我老公呻, 點解人地有孫湊, 佢無孫湊.

相反我媽咪就唔肯湊, 我叫我媽咪辭職黎幫手教bb兼監察住個工人, 我俾番錢佢, 但係佢都唔肯, 又話遠, 又話賺人地錢好過賺自己人錢, 又話要打理自己頭家(我阿哥細佬都未結婚), 又話現在自由d, 放工後鍾意去下街, 飲下下午茶又得, 間中上黎同我個仔玩又得...... 其實呢d都唔係主要原因, 主要原因係佢知道各人有不同的湊仔方式, 佢d做法都未必完全符合我心意, 佢知我份人奄尖, 唔幫手係免得大家傷和氣.

其實我都明白我媽咪的用意, 俾著第時我有個孫, 我都唔會幫手湊, 我諗我到時體能未必應付到. 而且老人家無責任必定要幫自己的仔女湊bb. 湊得唔好又俾人話, 唔湊又俾人話, 點都係難做的.

私人傳訊

YEN-AU

別墅

積分: 645

7^#

發表於 07-12-11 14:03 |只看該作者

我奶奶都肯幫手湊仔,都係一時時啦,都ok既,不過有時真係想佢幫手湊仔果時佢有話要打麻雀又話要陪62入馬場喎唔想佢湊有話要湊,有時搵左我亞媽幫我湊99又話比佢湊真係唔知99想點,我亞媽唔咪整日得閒幫我湊.我亞媽話99唔係"馮指"幫你湊咖,咁都係既,我都係好少叫99幫令願自己做返費事比人講............

私人傳訊

BABYPURPLE

子爵府

積分: 13261

8^#

發表於 07-12-11 14:17 |只看該作者

我奶奶好樂意幫我湊仔添..成日都話可以一湊幾個......
其實..佢以前既年代...好多人都係自己湊仔...以前D人仲生得多D添...都無人幫手湊...我奶奶7個..我阿媽3個..都係自己湊...
佢幫我湊..我會好感激..唔幫我湊...又唔會怨佢..話晒佢自己都湊大左7個...辛苦咁多年...

私人傳訊

bebee0526

大宅

積分: 2817

9^#

發表於 07-12-11 14:28 |只看該作者

我咁耐以黎都冇諗過要佢湊,就算佢話幫我湊我都唔比架啦,因為我同佢唔岩,而且淨係見面我已經覺得佢會教壞我個仔,個死99,又教呀仔打人又打佢隻手仔,又粗口~打死我都唔會比佢湊囉!!

而我媽咪,我只係叫佢幫我湊左一日夜晚,就係我生日果日,直到而家,我同呀仔都係24小時都唔會分開架~雖然係好辛苦,不過我好開心,因為我教佢野佢學識時,係好大滿足感~

<b><font color="orange">我的腥架

私人傳訊

逸逸媽咪

複式洋房

積分: 297

10^#

發表於 07-12-11 14:31 |只看該作者

回覆 #8 juliet 的文章

我99仲pk呀,

我大囡未出世時明明應承同我揍,點知個孫都未出世突然話唔揍又係話我隻腳唔係幾好都係唔揍啦!驚揍唔到,最後都係我呀媽揍所以世上真係只有(自己)媽媽好:-(

私人傳訊

???papamama

複式洋房

積分: 456

11^#

發表於 07-12-11 14:57 |只看該作者

我99同我們一起住, 初時bb比我媽照顧, 因婆婆太"love"我個囡好得很利害,人家問 99好busy 后來個囡差不多大些要返學自己請工人照顧.
99多節目不願困身. 總之有苦自己知
c6都understood 99 的野.

私人傳訊

yau_grace

子爵府

積分: 14680

12^#

發表於 07-12-11 15:09 |只看該作者

其實, 有 d 99 想湊, 又比新抱話麻煩 / 唔鍾意.
有 d 99 唔想湊, 又比人新抱話唔幫手.

其實 ....... 做人奶奶都幾難.

私人傳訊

littlefatc9

大宅

積分: 4170

13^#

發表於 07-12-11 15:23 |只看該作者

d奶奶/外母湊大自己仔女都盡晒責任,都係時候玩o下喇o卦
每人性格問題,如果佢地唔想再湊bb唔通係滔天大罪咩?

呢d野睇人囉

有幾多人情願奶奶唔插手呀

[ 本文章最後由 littlefatc9 於 07-12-11 15:27 編輯 ]

私人傳訊

rebeccawyc

珍珠宮

積分: 32718

醒目開學勳章

14^#

發表於 07-12-11 15:33 |只看該作者

我同99一齊住, 佢好好架由大女出世到細仔佢都一路湊, 又唔使我做家務, 可能我要返兩份工的原因, 但佢又好識做喎, 雖然都有少少怨言, 譬如我哋結婚周年, 生日要兩個人出去食飯或都兩個人返大陸揼骨都無問題, 最多哦幾句, 咁到我哋都好識做, 星期日如果無咩特別會同d細路出街, 等佢就可以休息, 所以我呢個99好好架, 之於阿婆就話明唔湊, 不過一有時間佢就會同佢地出街玩, 飲茶, 見吓d姨婆呀咁樣, 都算係俾我99休息的一種

私人傳訊

雲妮彭

伯爵府

積分: 19439

好媽媽勳章

15^#

發表於 07-12-11 15:37 |只看該作者

阿囡出世到依家兩歲幾,
都係我屋企人幫手,
(我家姐幫我手湊)
男家(除左老公)無幫過手!!
奶奶見到阿囡都只係撩下佢玩,
從來無為佢煮過一餐粥仔,
無買過一件衫仔.......
相反,我阿媽見到外孫,好似見到寶甘樣,
每次去到都又煲湯,又煲粥....服侍周到.....

唉~~~:cry:

私人傳訊

CALVEN

水晶宮

積分: 64829

好媽媽勳章醒目開學勳章畀面勳章環保接龍勳章

16^#

發表於 07-12-11 15:41 |只看該作者

我無問過佢帮吾帮我湊,不過佢之前已經成日向我地面前講佢有白內障,睇吾到野,又失憶,又吾識路,:tongue: 我吾係同佢一齊住嘅,而且我坐月佢一句都無問過我是否要帮手,只係黎過我屋企探我1 次時不斷數落我媽吾識照顧我,

最奇怪之處係佢可以日日自己識路去吾同地方唱k,只眼又睇到歌詞,

但如果1 家人去酒樓食飯佢一定話吾識路(間酒樓佢已去過不下10次,而且向佢唱k附近),要人接送,似太后出遊,

不過如果佢第日有事,我亦吾會照顧佢.

私人傳訊

bonbon16

大宅

積分: 3663

17^#

發表於 07-12-11 15:48 |只看該作者

原文章由 ioi 於 07-12-11 13:43 發表
我奶奶肯幫手湊仔, 只係我唔鍾意佢湊, 因為佢唔識湊, 又唔識教, 兼且會縱壞我工人, 所以我唔歡迎佢黎我屋企幫手, 即使佢住得好近我地. 佢同佢d朋友和我老公呻, 點解人地有孫湊, 佢無孫湊.

相反我媽咪就唔肯湊, 我叫 ...

你都好呀!!呀媽要番工唔幫你湊仔,我呀媽唔使番工,身體幾乎好過我,會行會走,健步如飛,唔好話幫我湊,連黎睇下呀b,都系滿月前既事,滿月後至而家3個月,連電話都無個,只系早2星期去飲,見到佢,佢就系親戚面前讚我個仔點可愛,點得意,等親戚以為佢有幾關心我地2仔na我心諗,關你鬼事咩,怪之得我老公成日問我系咪我呀媽生既???相反,我老爺奶奶,雖然唔系住系香港,但每個週末晚,都通電話,仲要我地系甘意整喊呀仔,等佢2老聽下佢把聲喎!!我坐月時佢地就黎左幫我湊呀b,所以我同老爺奶奶感情好好!!佢地好錫我!!!

真系抵我每年都犧牲我既大假去探佢地!!!

私人傳訊

kellyly

侯爵府

積分: 24623

好媽媽勳章畀面勳章

18^#

發表於 07-12-11 15:49 |只看該作者

我99佢好想湊,尤其知道係仔之後.
想盡辦法陪我坐月la,收買c6話唔洗比錢佢地la,仲搬左去我家附近.
但知道我係點都唔會比佢地湊後,佢地即搬到好遠,我要轉幾次車至去到.
唔比佢湊就因見佢湊緊個湊得唔好,唔煮野比佢食,要食就食麥當努,朱古力,chips,soft drink呢d,就算煮就煮公仔麵.
佢仲湊到成日病,個個星期要睇醫生,又要見營養師(營養不良)
試問我點可比我仔佢湊.