吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 扮無知姑仔, 唔肯講我個囡跌倒落地的情況, 我真係想打佢 ...

婆媳關係今日: 0|主題: 27778

收藏本版

發帖

返回列表

跳至頁

查看: 2750 | 回覆: 15

扮無知姑仔, 唔肯講我個囡跌倒落地的情況, 我真係想打佢… [複製鏈接]

Kee

大宅

積分: 2061

1^#

發表於 08-4-14 11:36 |只看該作者 |倒序瀏覽 |打印

前晚那位八婆生日, 佢地一家人同佢慶祝, (我地呢d外人唔想去都要去) , 我一向都好憎佢, 又自私又貪心. 不過係屋企孻女, 我老公勁錫佢, 又大佢10幾年, 當佢係掌上明珠. 近年對佢的不滿已放下很多, 諗住佢都大學畢業, 成24歲,點都會好d, 點知白痴的人係唔會改變的.

生日去了食飯, 食完佢要同我個女係外邊玩, 我見頭先食飯前都有去玩, 當然無反對. 自己食完行出去睇下. 外邊有些入錢比小朋友玩的機動車., 我個女坐在車上, 個八婆輕描淡寫地說 : ‘嵐嵐頭先係呢度跌左落地下’, 講的時候個樣笑笑口,又懶姣的樣, 我當時當佢講笑, 我問個女佢點頭. 我當然再問那八婆, 她又話係呀, 個頭跌落地. (但係用一些懶怕羞的態度), 那時自己開始心急, 撞到個頭 ? 前後問了她3,4次, 究竟發生什麼事, 佢又似講笑又似真.. 我那時都未火起, 只係覺得很無助. 只想她好好講出什麼事, 但對方都係那個發姣樣.

唯有入餐廳叫個C6出來, 佢一聽到的反應就係, “又跌倒 “ , 原來係食飯前的事, 個C6知道, 佢出到去, 個八婆用個含冤受屈的樣對住佢亞哥, 表示好驚我我意思. 我即刻食正呢一棍, 佢好陰濕呀.. 我同那個八婆講我無鬧你, 係自己個女坐得唔好, 唔小心, 我自己睇有時都會跌倒, 我只係問你發生什麼事, 你只係扮無知唔識講 . C6怕佢亞妹比我鬧, 即刻見佢入去. 跟住C6入去執野走, 當時個C6無幫我,我只係覺得當時好無助, 而家走左, 裡面個八婆點篤我都得啦 ! 自己開始失控. 上到的士, 個C6講左一句 : 你好惡呀 !’ 我頂………
我之前問了她好多次, 都係好無知, 扮可憐呀.
C6淨係幫住個妹, 你個女跌倒想問清楚都唔得. 我好嬲, 好嬲, 回家後嘈了一場, 其實得我一人嘈, 佢唔出聲, 最後喝了我一句 : 講完啦 ! 好彩個女無事, 如果唔係, 第一個走去打佢個死八婆.

而家仲搞到我兩公婆面阻阻, 條氣好唔順, 次次都係為左佢亞媽同佢個妹.

0 0 0

私人傳訊

Kee

大宅

積分: 2061

2^#

發表於 08-4-14 11:38 |只看該作者

仲有一個經典例子比大家睇下個八婆的尊貴人格 : 那時亞B得3個月大, 回佢家吃飯, 那天剛好黃色暴雨, 好大雨犀利, 停車場離開屋企較遠,C6楂車停在屋企樓下, 打電話上去叫人下來幫手開傘, 我一個人抱住亞B開唔到傘, 個八婆接電話, 話唔方便, 剛換左衫唔方便落街. 最後佢老豆急急下來, 又大雨, 又狼狽. 佢老豆成70幾, 我都唔好意思. 上到去, 原來佢同個男友係房”溫書喎 “. 我個C6見到覺得無問題, 我當時真係想上前教訓佢, 個bb得3個大, 朋友都會幫,手, 佢係姑姐就……..唔方便, 當時傾盆大雨, 我只可以用無人性來形容佢.

私人傳訊

paklok

侯爵府

積分: 21203

好媽媽勳章醒目開學勳章畀面勳章環保接龍勳章

3^#

發表於 08-4-14 11:45 |只看該作者

真係唔明點解咁鍾意搞人d囝囡,
鍾意咪自己生囉, 唔好搞人地心干寶貝黎較飛啦! 正PK! 你姑仔呢d人, 我完全想像到佢個樣, 最憎人扮可憐, 最慘係你老公仲晒計, 大佬跌落地可大可少架, 你有無睇琴日報紙果個小朋友呀, 可以好嚴重, 仲要唔出聲, 到有時果陣就推卸責任! 下次呢d聚會咪去啦!
自私自利!

但求順利

私人傳訊

Kee

大宅

積分: 2061

4^#

發表於 08-4-14 14:06 |只看該作者

呢d聚會不嬲都好唔like, 但無計. 今次辣著我頭上先慶到火滾.有時覺得自己好黑仔. 點解佢屋企得5個人, 除左我個c6同姑奶人格正常外, 其他3人都......... 唉........ 尤其佢亞媽同個細妹.

,最慘係個c6最錫就係呢2位大姐.
記得有次講起佢亞媽的扮無知的說話, 但真係好過份的.(亞囡自細去大大都唔多好, 我同我亞媽用了很多很多不同方法都係時好時差, 那次亞b都係1歲左右. 佢2老來我家, 講起此情況, 佢亞媽話自己都係去得唔好, 唔出奇呀. 我心諗亞姐你可以用其他方法幫你, 個b1歲可以點 ? 佢都烚下烚下. 點知跟個句住仲頂........., 佢老母話可能要食屎先有屎疴呢 ?) 有無人叫自己的孫去食屎, 個c6聽住無出聲.
佢走左之後我話真係忍唔住想回應佢. 點知個c6好激動話, 唔理亞媽講d物野, 我駁咀就係我唔岩. 那一刻自己即刻叮一聲醒晒, 原來我只係small potato, 好hurt. 佢話佢老母講笑, sorry, 我唔覺得好笑.
我d friend 知道後話我要應佢, 你疴得唔好, 你自己有無食過呀 ? 我如果真係講, 我諗都離左婚lu.........

私人傳訊

小寶貝兒

珍珠宮

積分: 30295

5^#

發表於 08-4-14 14:35 |只看該作者

唉.... 你99都係叫個孫食屎姐, 我99仲誇呀, 咒我阿婆果頭近呀!!!

我聽到火到黎埋, 同老公講, 佢居然話佢阿媽係關心我阿婆!!!
我頂!! 關心就係話咒人果頭近, 咁我咁關心99, 係咪每日都要佢講, "你阿媽果頭近架啦!!"

火到我丫!!!

尋日又黎料啦, 呢排成日幫佢做呢樣做果樣, 自己d野都唔得閒搞, 甚至我婆婆唔舒服我都差d陪唔到佢去睇醫生, 幫到咁盡, 為乜姐, 咪就係為左個衰佬之麻!!
點知99尋日無啦啦打電話黎, 發晒癲咁鬧我, 話我唔去整返個冷氣!!
大姐呀, 係你個仔想慳d錢, 遲d先整之麻!! 又燒埋落我度!! 我講左幾廿百次都係咁講, 我都費事理佢, 叫佢個仔黎受佢d"關心"!!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

stickyrice

複式洋房

積分: 308

6^#

發表於 08-4-14 15:03 |只看該作者

原文章由 paklok 於 08-4-14 11:45 發表
真係唔明點解咁鍾意搞人d囝囡,
鍾意咪自己生囉, 唔好搞人地心干寶貝黎較飛啦! 正PK! 你姑仔呢d人, 我完全想像到佢個樣, 最憎人扮可憐, 最慘係你老公仲晒計, 大佬跌落地可大可少架, 你有無睇琴日報紙果個小朋友呀, 可 ...

完全同意，以后唔好俾你姑仔同你個女單獨一齊

，白痴與年齡無關

stickyrice

私人傳訊

Vca

男爵府

積分: 5681

7^#

發表於 08-4-14 16:37 |只看該作者

唔知點解姑仔依類怪物咁鍾意扮可愛冇知既呢?

我又係有一個咁既怪物姑仔!!! 平時返6299度食飯，99會夾魚比姑仔食~ 但99夾咗比佢，佢會好似個白痴咁懶嗲同99講: 點解妳唔幫我整走塊魚皮既?? 真係睇見都毛管棟!!!!!

尋日先同佢一齊飲完茶(都係唔想既!)，飲飲吓茶時，姑仔竟然叫62幫佢叫杯可樂(減肥果隻~) 有冇野呀? 廿幾歲人做緊醫生~ 明明同埋一張枱我唸極都唔明點解佢要叫62幫佢order?

尋日飲茶時仲係有客人喺度既~ 飲完茶後客人同我講 - 我+老公未到時，我姑仔"lur"62買新車比佢! (當住人客面喎~) 我老公聽完之後講咗句: 真係唔知醜!!! :;pppp:

姑仔經常唔理場合時間情況...何時何地都喺人前人後撒嬌! 在佢來講，可能佢想show 比全世界人睇6299有幾鍚佢~ 但在所有其他人眼裡面 - 只會覺得佢係一個spoiled brat!!!

其實我老公以前係好鍚姑仔架! 但自從我同老公拍拖後，姑仔開始妒忌老公咁鍚我，唔妥我到越來越出面! 對老公越來越冇禮貌 - 好似想逼老公揀要鍚佢多d咁!

(霎戇!!!!!) 好彩我老公係明白事理既人來，所以一直都係企喺我果邊!

[ 本文章最後由 Vca 於 08-4-14 14:45 編輯 ]

私人傳訊

bobo_bo99

大宅

積分: 4947

8^#

發表於 08-4-14 17:51 |只看該作者

原來大家屋企一定會有隻奇怪既生物, 我屋企就有隻外星狗, 人類既稱呼叫大伯, 正一係賤人中既賤人, 點衰就唔好講囉, 係仆街過仆街. 成33歲人仲要99幫佢還錢. 有老婆仔女仲死去玩女人. 我99仲要同我地講佢好努力工作係冇人欣賞佢, 條大伯好努力讀書係考唔上姐. 佢好賭因為要搵錢姐. 出去玩女人係因為個老婆唔照顧佢. 嘩.....甘既藉口都出埋, 唔怪得個仔甘仆街, 因為全部野都唔係條賤人錯係世界既錯, 唔俾機會佢, 我都想馬會俾機會我中一次六合彩呀, 都白痴嫁

私人傳訊

paklok

侯爵府

積分: 21203

好媽媽勳章醒目開學勳章畀面勳章環保接龍勳章

9^#

發表於 08-4-14 21:51 |只看該作者

我果邊無怪物, 全部都係蠻夷!

小寶貝兒,
你果個講都賤格, 我果件直頭俾我個女食呀!

但求順利

私人傳訊

JFL

伯爵府

積分: 17189

10^#

發表於 08-4-14 22:03 |只看該作者

原文章由 Vca 於 08-4-14 16:37 發表
唔知點解姑仔依類怪物咁鍾意扮可愛冇知既呢? 我又係有一個咁既怪物姑仔!!! 平時返6299度食飯，99會夾魚比姑仔食~ 但99夾咗比佢，佢會好似個白痴咁懶嗲同99講: 點解妳唔幫我整走塊魚皮既?? 真係睇見都毛管棟! ...

你地個姑仔都話得２Ｏ幾歲,我個成四章啦,同佢老豆亞媽講嘢Ｄ語氣重慘個我Ｄ仔女,我個女十幾歲都冇咁白痴呀,同６２９９出去食飲佢系要同我Ｄ仔女坐,但又識照顧佢地同佢地夾餸,淨系識夾比自己食,大佬咁你就唔好生霸死霸啦.到我Ｄ仔女大Ｄ,食飯唔肯同佢坐,佢就嬲我話我唔比佢地同佢坐喎!佢都白痴架,我安安樂樂食返餐安樂茶飯唔好,如果唔系佢照顧唔到佢地,我就唔會食都冇淡好食啦!

[ 本文章最後由 JFL 於 08-4-14 22:06 編輯 ]

私人傳訊

mrs_makmak

民房

積分: 4

11^#

發表於 08-4-15 14:26 |只看該作者

樓主, 下一次如果跌倒就即刻同個女去急診室, 重要同個死佬講, 話驚住好似之前個男童咁.

私人傳訊

hinhofion

大宅

積分: 4120

12^#

發表於 08-4-15 15:35 |只看該作者

我都最憎姑仔同99,可以的話,e世都唔想見:;pppp: 正一係"陰濕母女精":;pppp:

私人傳訊

bebu123

侯爵府

積分: 23162

好媽媽勳章醒目開學勳章

13^#

發表於 08-4-15 17:51 |只看該作者

呢d死八婆，唔打唔醒架

我贊成當日應該立即入a&e，嚇下個八婆都好呀

我係bebu mama~~我同bebu baba都好鍚bebu bb架~~bebu b你快d來啦!!!!be~~bu~~be~~ bu~~

私人傳訊

pekklegigi

大宅

積分: 1038

14^#

發表於 08-4-15 22:44 |只看該作者

你個姑仔大學畢業, 成24歲, 都咁不知所謂,
落雨唔出街, 溫習喎! 實情係房E 泣啦!

我C6個二哥同佢二嫂離左婚, 當然係為左第三者啦

佢二哥成三張幾, 識左條女二張幾, 相差成十年, 條女又無禮貌, 次次黎親都唔出聲, 我地以為佢啞, 我62同99唔知實情, 以為條女係二哥離婚後先識, 其實係條八婆破壞人地家庭幸福.

健康活潑的BB來臨了 ;-)

私人傳訊

kantanjin

大宅

積分: 1272

15^#

發表於 08-4-16 17:29 |只看該作者

樓主:

以後如隻姣姑姑又話要帶囡囡出去玩, 妳記住根埋出去. 妳話要同埋囡囡玩, 根住咪拖住囡囡一齊去玩. 仲要好開心好開心, 姣姑姑要做戲, 妳都要, 記住當住c6及佢家人面前 (出去玩前) 對住囡囡講, 我地同埋姑姐去玩咯. 但妳隻手就拖實或用個身阻住隻姣姑姑埋身

等隻姑無隱亦都吹妳唔脹. 咁都知佢實用可憐功, 妳咪照用慈母親女功咯

(妳又唔係叫個囡唔同姑姐玩, 相反仲要明講同佢玩, 但妳就要拖實mark實個囡)

我都唔明白點解d姑姑呀, 姑絲呀 (姑奶的仔女) 係都要拖走人地的仔女要專登同媽媽分開先開心既. 我個d姑絲, 姑姑仲離譜, 推開我唔准我掂自己個仔, 當正係佢地自己生既, 在酒樓滿場飛, 一係我抱住時就死都要用手搶走. c6話呢d叫做錫bb喎, 但我隻6去見我家人時, 就死抱住唔放, 唔比我家人抱. 真係火都來!