吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 做人新抱是福?還是禍?

婆媳關係今日: 0|主題: 27770

收藏本版

發帖

返回列表

跳至頁

查看: 2117 | 回覆: 13

做人新抱是福?還是禍? [複製鏈接]

pang90002

複式洋房

積分: 336

1^#

發表於 08-6-13 16:27 |只看該作者 |倒序瀏覽 |打印

我未結婚前,未來奶奶對我如女咁,到結婚後兼陀住bb,佢對我更好,令我覺得做人新抱其實係一種福,但直到生左囡囡後,因為湊囡囡上有唔同,而且佢認為我咩都唔識,所以大家就有磨擦,再加上自己性格有的固執同小家.所以樣樣事都同佢計較.再加上一齊住,令到兩人的關係
我自有左bb後再無做野,我一心想自己湊囡囡,而奶奶一直都有做野,只係請左一個月假陪我坐月,但果個月係我最痛苦的一個月,仲因此入左醫院,,仲從此同奶奶有左縫隙,亦會日後關係一路轉差埋左伏線,我個女有咩事佢第一個責怪我,有一次,個女隻眼紅左少少,一家人都唔覺,佢即入房問我用咩整到個女咁,我咩都無講,剩係識喊,又一次,個女塊面敏感,佢唔講佢個仔成日俾可好樂個女飲,(我個女果時得7,8個月.)運醫生都話有咩可能俾佢飲可樂.但我奶奶竟然話係我煲南瓜粥俾個女食,所以食到個女敏感,我又唔出聲,一直忍.
但我真係好辛苦,我開始有一種想法:我盡量唔俾佢見個女,佢一放工返來,我同個女即刻入房.或者出街,或者返我阿媽度住.但呢種我過得好辛苦,因為我係我個女4個月後又再有左,但我幾乎隔兩三日就喊一次,不過都係等個女訓左之後,因為我唔想係個女面前喊.
我第二胎又係女,我知道我奶奶好恨有一個孫仔,但我陀既係女,佢對我既態度完全唔同左,我老公話我多疑,但我係有眼睇,有耳聽嘎,我老公孝順佢阿媽我無權理,但我都有情緒嘎!
於是我成日都好唔開心,肚里既bb由中碼變左細碼,最後由於胎水偏少而要催生,而我個細女出世時得4.9磅,我奶奶只係怪我,話我咩都唔食先搞到個女咁細個.講真,我都想食嘎,但我完全食唔落野.我見到個細女咁細粒,我身為佢媽媽俾任何人心痛十倍千倍.
我生細女住左四日院,我大女俾奶奶湊,佢辭左工幚我湊,但我大女病左,仲係我出院時入左院,於是我將細女俾我奶奶湊,我係醫院陪大女,最後搞到自己入左急症室.果種痛苦比生第一胎時還要犀利.最後仲要俾個老公同奶奶話我害到個女入院,(因為我未生細女時,我湊個女返左阿媽度,但我唔知我媽病左,)所以佢地係度怪我.果時我真係想死,我生完個女已經虛脫,我都知我老公同奶奶都好辛苦,但我唔可以再體諒佢地,因為佢地都唔會體諒我.依家我個細女都10個月了,但10個月前的野,我仍然歷歷在目,每次想起,就好似俾人捅左一刀咁痛.
所以我既坐月唔係坐月,我唔想係屋企對住我唔想見既人,我日日湊大女去公園,我也成日返我媽度,因為我只可以湊到一個,所以即使有好多不願都留低個細女俾奶奶湊.
直到聖誕節前一日,我同奶奶爆發左,奶奶激到出左街,我老公都在場,我老公叫我返我阿媽度住住先.(其實果日我無同佢嘈,我只係一路都黑口黑面,之後佢出左街)由個日起,我地再無講過野,我差不多湊住我兩個女住左係我媽度好耐,我知我老公好辛苦,但人係自私的,我見左健康院的姑娘,社工,心理醫生,但都無幚助.依家我同老公搬左出來,但我唔想再見到自己唔想見既人.

或者有人會覺得我做的好過份,其實我同奶奶關係變差唔只係為左兩個女.因為我有一次返我媽度,我媽同我講左d野,我媽話係我生大女時,我媽同奶奶,仲有奶奶的親戚(我媽都識)係出面坐係度等,我奶奶竟然同我媽話我身體差,差到連阿婆都不如,仲話如果唔係得佢同佢細佬,我未必生到個女.仲令我難過的係佢話如果我身體再差,佢會叫佢仔搵第二個,我生大女時我先21歲,身體差極都有限啦,我知佢一開始見我時已經唔鍾此意我,我又無樣無身材,或者覺得我配佢個仔唔起嘎,既然唔鍾意點解開始又對我咁好呢?

0 0 0

私人傳訊

laimanw

複式洋房

積分: 399

2^#

發表於 08-6-13 16:55 |只看該作者

我同你情況好似, 條賤人都是開頭對我好好, 但最後...
我同佢都勢成水火, 我好鬼死憎佢!
我勸你, 既然你做什麼事, 她也不喜歡, 也會話你, 倒不如如你覺得不見她會開心點, 就不見她好了, 這句說話是我媽教的。我現在也照樣行, 我要愛鍚我自已, 令自己開心。

私人傳訊

hinhofion

大宅

積分: 4120

3^#

發表於 08-6-13 17:04 |只看該作者

我生呀仔時都比99攪到有抑鬱,最後要用上3年時間先醫療好99對我ga傷害,唔見面係冇可能ga la,唯有少d見,見到面時咪湊女唔好理佢lor,食完野就走人,咁已經算係比足面c6,又唔令c6難做ga處境,我好明白你心情ga,我個時直情一聽到話要見99,我就情緒波動得好勁,c6個時又迫我見佢呀媽,其實我可以唔去見,只要c6自己帶呀仔去見99就得,但係我唔甘心,我唔鍾意比佢單獨見呀仔,我覺得佢冇資格弄孫為樂,所以我次次都會去,每次去自己都好唔開心,每次去我都唔會比99抱呀仔超過5分鐘,個時ga我可以話憎到佢出汁,所以我好明你心情.....盡量睇開d

私人傳訊

kvstephanie

禁止訪問

積分: 1368

4^#

發表於 08-6-13 18:31 |只看該作者

提示: 作者被禁止或刪除內容自動屏蔽

私人傳訊

pang90002

複式洋房

積分: 336

5^#

發表於 08-6-13 19:05 |只看該作者

原文章由 hinhofion 於 08-6-13 17:04 發表
我生呀仔時都比99攪到有抑鬱,最後要用上3年時間先醫療好99對我ga傷害,唔見面係冇可能ga la,唯有少d見,見到面時咪湊女唔好理佢lor,食完野就走人,咁已經算係比足面c6,又唔令c6難做ga處境,我好明白你心情ga,我個時直情 ...

我都係唔想返去食飯,但老公話每個星期要返一日,我唔但自己唔想見佢,我就連我兩個女都唔想佢掂,開始我以為自己有問題(精神),但想到來呢到,我先知道自己無問題.
我都係好憎我奶奶,依家佢的親戚覺得我係一個衰人,佢係好奶奶.但我唔想理了,我唔想再唔開心.

私人傳訊

hinhofion

大宅

積分: 4120

6^#

發表於 08-6-13 20:14 |只看該作者

原文章由 pang90002 於 08-6-13 19:05 發表

我都係唔想返去食飯,但老公話每個星期要返一日,我唔但自己唔想見佢,我就連我兩個女都唔想佢掂,開始我以為自己有問題(精神),但想到來呢到,我先知道自己無問題.
我都係好憎我奶奶,依家佢的親戚覺得我係一個衰人,佢係 ...

岩ga la,唔好理佢,你e+唔止有兩個女,而c6更加係你身邊,我e+會咁唸架,我有個仔,c6又係我身邊,而99?佢係有個仔,不過已經比我佔據左,佢係有孫,不過個孫唔跟佢,我覺得我贏左佢,我唔會再同佢正面衝突,見面咪見lor,之前為左唔想見99,而成日同c6嘈,我發覺自己好笨呀,仲乜要為99而同c6嘈,咁反而幫左99,佢就做左大好人,我就係衰新抱,連孫都唔比佢見,我e+會比個孫佢見,一個月見2次la,不過個仔同我日對夜對,感情不知幾好,而99?佢想同個孫fd下都冇,有時99想博下fd都食檸檬,見到咁ga場面,有時幾心涼

私人傳訊

BigPink

大宅

積分: 1346

7^#

發表於 08-6-13 22:06 |只看該作者

都唔明d 99做乜要咁對自己d新抱??
佢自己都做過人新抱,點解仲要咁??
乜野叫認為新抱咩都唔識??
個個一出世就識做人呀媽架...
唔識咪慢慢學囉,d老一輩認為細路天生天養嘛
成日恨想有孫仔..女有乜唔好,無女人,d男人邊度有後代

私人傳訊

echoo

珍珠宮

積分: 33168

好媽媽勳章

8^#

發表於 08-6-13 23:58 |只看該作者

你奶奶都唔係咁差JER, 佢初時當你係女咁, 就連你生左個女(唔係仔)佢都請一個月假幫你坐月喎, 我奶奶由頭到尾未對我好過, 佢無野做都唔會幫我坐月, 我仲係生左個仔.

我覺得你地的矛盾係緣自湊女果時, 你都話你唔想99去睇個女, 其實咁既心巳經唔係咁好, 你奶奶初時對你咁好, 而你咁對佢, 佢都FEEL到架, 咁佢既心都會唔舒服.

私人傳訊

ballchi

洋房

積分: 415

9^#

發表於 08-6-14 14:02 |只看該作者

既然係吾想見咪等大時大節先去羅.起碼你c6同你一齊.一家四口樂也融融.我覺得最重要係比心機凑女.好好栽培.到時仲有邊個話你吾識凑呀.(係仔係女吾到我地强求.有d人想有bb都難但係你有2個小朋友已經好幸福la)

私人傳訊

咪咪豬豬

複式洋房

積分: 224

10^#

發表於 08-6-15 18:44 |只看該作者

我奶奶就成日話姑奶個奶奶乜野都唔好.
煮野難食又污穢又唔識做.
我心諗你未一樣咁既人, 有口話人冇口話自己.
依d係報應. 我做人是禍前世久佢地一家.

私人傳訊

芷珈媽咪

大宅

積分: 1216

11^#

發表於 08-6-15 19:23 |只看該作者

做人新抱是福?還是禍? ?
咁就要睇你 99 係咩人, 有幾煩啦 !

開開心心每一天！

私人傳訊

我愛Corina

瑪瑙宮

積分: 138145

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

12^#

發表於 08-6-15 20:17 |只看該作者

暫時黎講,我做到我6299新抱係叫福...因為99對我真係好好...但我係一個好無所謂既人,唔係咩大件事,我都唔出聲...但我唔知往後既日子會唔會變...
我個女出世果陣都叫細碼baby,不過無樓主果個咁細..有5磅幾....99無責我,佢只係話,chinese d 係咁上下..大大下會肥ga啦,唔好擔心....

私人傳訊

wmpl

大宅

積分: 3000

13^#

發表於 08-6-16 03:47 |只看該作者

原文章由 咪咪豬豬 於 08-6-15 18:44 發表
我奶奶就成日話姑奶個奶奶乜野都唔好.
煮野難食又污穢又唔識做.
我心諗你未一樣咁既人, 有口話人冇口話自己.
依d係報應. 我做人是禍前世久佢地一家. ...

我Ｃ６阿媽又係成日咁同我講話佢個女個９９點衰？點唔識湊孫？點樣對佢啲仔女大細超？點樣俾說話佢個女聽？佢自己條氣又有幾唔順？又話個女婿冇本事，娶到佢個女係人哋個仔執到？？

我心諗你比起你襯家衰十倍都唔止啦，
有咩資格話人哋唔好？

[ 本文章最後由 wmpl 於 08-6-16 03:49 編輯 ]