超級唔愉快既買鞋經歷
21/04/2015 (TUE)
放左工行聯合係 INFINITY 睇中左對鞋但冇我碼 , 一名操不純正廣東話既男sales 叫我落$100訂 , 7-10 日貨到會call 我取貨 , 睇下睇下想要埋另一對都係冇我碼要訂 , 個 sales 仲寫埋第2對鞋既野落我張單度 , 但最後我決定唔要第2對 , 個sales就立即變臉 , 仲話要收全數 , ok fine , 我就比全數, 因為我真係想買對鞋
28/04/2015 (TUE)
訂貨後一星期, 我打去鞋店問有貨未 , 個sales (操不純正廣東話,係當日果個) 答我要下星期先有貨 , 我提醒佢買鞋當日佢係話”7-10日”, 再等一星期即係一定over 10日,佢話都冇辦法 , 叫我再等等 , 我無奈咁收線 , 等待佢下星期 call 我
04/05/2015 (MON)
一星期又過去 , 仍然收唔到鞋店電話 , 於是再次打去問有貨未, 個sales 話未有 , 要遲多兩三日 , 仲改口話當時係同我講要 2 個星期先有貨 , 我同佢講 , 其實等左咁耐你而家仲改埋口, 如果聽日都未有貨可以退錢嗎? 佢話公司規矩唔比退錢 , 我同佢理論 , 當初訂貨就收足錢 , 應承左人7-10日 , 而家等左 13 日都未有確實日子幾時有貨, 收左錢冇貨比人又唔肯退錢 , 生意唔係咁做囉 , 但基於我真係鐘意對鞋 , 我同佢講如果聽我過黎都係冇貨你就要退錢比我 , 後來佢嫌我煩話唔好煩啦退錢啦 , 我話咁係應該架喎 ! 佢就話 做咩呀?而家退錢比你又唔滿意呀?大佬 , 你咩態度呀?? 最後個sales 係電話度問候左我既家人 , 仲狼狼咁cut左我線
05/05/2015 (TUE)
放工後 , 我個fd 陪左我去間鞋店 , 我一入到去我比張單個 sales , 佢問退錢丫嘛 , 我點頭 , 佢攞緊錢既時候我fd 問佢其實對鞋應該幾時先有, 佢好細聲講 , 我地聽唔到 , 我個 fd 叫佢大聲d講, 佢就話 , 對鞋已經到左 , 不過而家唔賣比你 , 個款好好賣好多人訂 , 話未見過有人好似我咁煩 , 一個星期就打黎催 , 個 sales 究竟咩料????
結論: 聯合一樓 INFINITY 是無良商店 , 客人比足全數 ,逾期冇貨交, 令顧客等了又等 , 起初仲無理收錢冇貨比人唔肯退錢 , sales 態度什差 , 會係電話講粗口同 cut線 , 最後原來貨到左, 但 sales 有心玩野 , 退錢但唔將件貨賣出 !
佢d 鞋幾靚 , 個舖位幾靚到假 , 可能佢唔憂做 , 但做生意做到佢咁 , 間舖終有一日關門大吉!
係 , 佢 D 鞋款係唔錯 , 好容易襯返工衫 , 但係今次之後絕對唔會再光顧 , 亦勸大家如果冇碼既話千其唔好同佢訂呀! 間野完全冇信用 , 職員態度不可理喻!
發表於 
唔知淘寶有冇呢
返回列表
