親子旅遊今日: 5|主題: 161726

收藏本版

發帖

返回列表

跳至頁

查看: 2310 | 回覆: 45

[台灣] 台中巿區遊溫馨提示 [複製鏈接]

12 3

l_wingwing

伯爵府

積分: 17021

醒目開學勳章畀面勳章

1^#

發表於 15-5-28 11:45 |只看該作者 |倒序瀏覽 |打印

本帖最後由 l_wingwing 於 15-5-29 20:36 編輯

-BRT原來七八月免費, 大家可以去7仔買悠悠咭, 但注意小童咭不是間間7仔都有得賣! 由於免費, 所以BRT都幾多人搭, 但D車都算密. 另外, 帶BB車的上車係唔需要收車的 (職員親口講), 所以都十分方便

-由於我去時好多日都下雨, 所以去了好多室內地方. 科博館OK多野睇, 小朋友最愛恐龍館, 因為有幾個會郁的恐龍模型! 個人認為台中科博比台北的更多野睇!

另外又去了金典綠園道商場的"騎士堡", 係呢度JM介紹的, 我地兩大兩小約3XX港紙, 全日任玩, 我地玩左兩個幾鐘, 小朋友好開心, 因為幾多野玩, 最好玩係大人都可以陪玩的巨型滑梯, 有幾層樓高, 我仔女來來回回玩左好多次!

香蕉新樂園可以食野之餘, 可以影下相, 我覺得幾懷舊幾得意, 搭的士時司機都有推介, 佢話好有台中"古早味", 食下野hea下都OK

此外勤美誠品一定要去啦, 我覺得比台北誠品更大, 尤其兒童部, 好多書! 我都買左好多返來

-如果唔下雨, 我推介去東海大學行下, 除了睇下個教堂地標外, 仲有牧場睇下牛牛, 飲下牛奶食下雪條..嗰度好大, 比小朋友跑下也不錯

-大家有無留意, 台中的標誌, 係兩個"亭"? 聽司機叔叔講, 嗰兩個亭原來响台中公園入面, 1908年已起, 係台中地標, 佢話無去過就唔算黎過台中喎...咁我又襯最後一日有少少時間, 由酒店行過去睇下...原來台中公園對面就係新開不久的"日曜天地"outlet, 因時間關係我只的兜了一圈, 入面好多大熱牌子, 我見連gucci, chanel都有, 有時間大家可以行下

-食方面, 春水堂一定要試, D湯面真係好好食! 另外, 推介勤美誠品對面的"魔女露露的廚房", 成間餐廳以南瓜為主題, 佈置得好靚, 放滿精品及公仔, 食物又不錯, 去嗰日都幾多人等位, 主要係當地人, 我地都等左半小時.. (另有一分店名"南瓜屋", 無記錯好似响美術園道附近)
我地仲去左大遠百的饗食天堂buffet, 當日我地無Book位, 我地7點去, 等了半小時左右. 建議如果無book位可以7點左右到, 因為dinner 530開始, 好多人食到7點走, 所以7點左右開始多位

-好多JM話去台灣要買鞋, 我自己就無買, 因為D款唔啱, 但買左兩對俾仔女, 一對光之美少女100港紙有找, 一對而家好hit的robocar poli百五蚊港紙左右, 真係非常抵!! 其他牌子仲有frozen, spiderman咁, 正版兼made in taiwan

-走時遇到個的士司機好好, 佢提醒我地, 話知道好多香港人鍾意包車去效外, 但佢話很多車其實係非法的私人"白牌車", 無第三者保險的, 建議大家找包車時搵合法而且有品牌的車隊

補充:

唔記得講下台中火車站後面的"新時代購物中心", 入面除了有家樂福及39元店, 仲有一個playhouse"遊戲愛樂園", 有兩層咁多, 適合125cm以下小朋友 (主要幼兒為主) 我個女超過高度所以無去, 但我見都幾多野玩, 如果細的小朋友會好適合! 落雨去就最啱!

另外入面有間比利時啤酒餐廳, 食物水準不錯, 仲有比利時啤酒飲, 可以一試!