參加了勝x遊旅行團, 真一肚氣
, 覺得倒錢入海, 仲蝕了假期, 很激氣
話說去巴爾幹半島呢D歷史國家旅行 ,諗住有很多歷史故事聽 ,
去惡補下D歷史,個領隊導遊 (Patrick C
Y Leung) 對當地歷史完全唔講,
每曰4, 5小時的車程 , 一粒聲都唔無出 , 全車dead air, 到有團友好聲好氣叫他介紹下當地的歷史 ,
講 D 當地D故事,
佢就塭堆紙出黎, 唸經咁照讀兩日 , 收工。 嘩 , 佢唔熟唔識 , 無火 , 無熱誠 , 心情差 , 咪唔好接個job囉, 哦, 錢佢又要, 收人錢咪做野囉, 都要交下戲啦, 日日對住佢, 眉頭深鎖個樣, 完全唔交戲 , 問佢: 附近有咩野好行呀? 佢: 呢度冇野好行架。 問佢: 附近有咩野好玩呀? 佢:呢度冇野好玩架。唔係呀馬, 後來問番D酒店staff, 原來D人晚上係大街開派對。仲要信佢D失實陳述, 比佢老點返晨早返酒店訓覺。
之後在旅途中段, 團友們聯名寫投訴信去香港勝X, 香港勝X遊冷淡回應, 叫我們自己和肥熊傾, 大公司呀, 同佢傾得掂就唔駛寫信求救啦。
肥熊知道收到投訴信後, 表現更差, 上車早晨都唔講, 去到全程重點城市時, 就話行一個鐘後返酒店, 當然全團起哄。之後跟住又對自費節目隻字不提, 當有團友問起, 佢就話時間唔夠去唔到, 要去的話, 就要我們簽紙話我們自動放棄其他行程, 當然全團又起哄, 直言我們被人賣豬仔,跟住又試過住酒店無電, 又試過D酒店房細到打唔開行李, 搞得放假心情全失,很不愉快。
我仲心諗肥熊一定是這香港聲稱四大行之一口既獨立事件, 回到香港 , 一定要向勝x遊既包青天投訴, 討回公道, 點知經過三星期調查後, 勝x話佢自己手下肥熊確有不善之處 , 已叫肥熊參加公司的再培訓課程, 酒店也有不足。嘩, 大公司呀, 你陪訓手下既賬單, 貴公司自己付責嘛, 唔好犧牲班客,
拋個次貨出來, 招呼D客, 唔掂就再去受陪訓, D客就硬食, 我地已經比同期康x同旅程, 少玩四天, 都仲貴四份一團費,
買你地既公司信譽, 品牌, 服務質素, 簡直完全不合格, 我地又唔係比次貨團費, 問他們搞得這麼差, 都要賠償吧, 客戶主任楊小姐就講, 送$300下次參加旅行團贈卷, 我講: 你地唔係瓜,?!差到咁, 冇可能接受喎。佢跟住再講: 這是佢上司張經理決定, 已作出賠償, 但你不接受嘛, 你可以尋求第三投訴呀。