EggBB 發表於 15-9-19 08:04 
回覆 rose-mag 的帖子
有勞妳了。
1）淮山，黨參，陳皮，薏米，沙參，玉竹，南杏，北杏，蜜棗，圓肉，蓮子，芡實，百合，杞子，加雞肉/雞腳（連骨）同一小塊瘦肉。清水加入以上材料（除雞、瘦肉及杞子外），大火煮滾水後轉細火，加入雞（去皮）及瘦肉（先汆水），中細火熬一個小時，飲之後將杞子用熱水沖一沖後放入湯中，試味後加鹽。
＊＊我鍾意用雞腳，有膠質，唔好斬去腳趾，食果陣至斬，唔係會出油。
2）雞（去皮斬件）、瘦肉（先汆水）、當歸、黨參、北芪、淮山、圓肉、杞子、紅棗(去核)，所有材料除雞及瘦肉、杞子外，放入清水中煮滾，轉中細火再煮15分鐘出味，加雞及瘦肉再煮半小時，熄火焗15分鐘，臨飲之前加杞子，試味後再調味。
＊＊藥材要因人體質而異，份量唔好太多，有人飲當歸紅棗會躁熱，又有人唔受得黨蔘北芪等藥材，紅棗去核以防太躁。呢D藥材行氣活血要小心，M到或有高血壓者留意。
花旗太太生活在花旗國，留意時差，你問我未必即時答到。
發表於 
返回列表
