美容扮靚今日: 8|主題: 138154

收藏本版

發帖

返回列表

跳至頁

查看: 469 | 回覆: 3

有無sis一齊告必臭站 [複製鏈接]

madamanda

洋房

積分: 63

1^#

發表於 15-12-9 15:59 |只看該作者 |倒序瀏覽 |打印

我係必臭站嘅老客，上兩個星期因地理位置方便轉咗分店，因為本來想做我自己個plan（得返兩三堂），我去之前又收到短信可以試做其他療程，迷出示個短信囖。跟住落嚟就係噩夢嘅開始了，佢走入嚟幫我做C9（當時無話係C9，凈係話呢兩個月新返嘅激光機，以前無）。跟住落嚟點sell好多受害者都知道啦！總言之俾佢哋掠咗我3萬蚊分期，但事實係，我計計佢當時話個單價，實際總價應該係萬幾咋！咁都算了，佢跟住入嚟鼓吹個美魔女（我知我知係我蠢）但當時我瞓係床度，起都起唔身，佢哋花言巧語話乜你實得冠軍啦，我哋5個人選3個得獎你點會唔得，點解唔參加呀。我點都唔肯，佢哋又唔肯俾返我信用卡，後來提出幫我碌咗先，叫我第二晚攞證明過去辦分期，咁之前碌嘅數就全部退返。結果又直接碌咗我萬幾，第二日我上去簽咗個申請（竟然唔係銀行呀，係個貸款公司，佢哋拍曬心口保證一定正規唔係貴利）我先肯簽。
至到上星期，分店打電話過嚟同我講貸款唔批，我先發覺唔妥，計計下個數，發現俾人呃爆。跟住就同寫字樓投訴及要求退款啦，總言之前前後後同唔同嘅人幾個回合，最後一次一個officer串爆我話我自己簽嘅自己負責，大家成年人，唔好話詐騙咁大個罪名。無法溝通，我都決定尋求法律手段嚟解決。
唔知有無sis有相似經歷，可以share下最後點樣解決嘅？
有無sis都想告必臭站，我哋可以一齊入稟，互相作證。