純粹八掛公分享
先直接回覆ssssky所講的情況，你可以搵“香港驗車中心” ！自己上網睇睇詳細情況吧！佢哋係一個團隊（二至三名師傅）上門幫你驗車，一部工程車去到你要求嘅地點，徹徹底底，清清楚楚及非常專業咁驗，我記憶中收費大約1300-1500，歷時都好幾句鐘。但你可以絕對放心，他們並非浪得虛名！
至於，你覺得用1300-1500驗一部易手車，「值得嗎」？
如果！你純粹買一部“纏柒” 玩下，那當然無需浪費千幾蚊啦！不過，如果你買嘅車都成5萬或以上，甚至係過十以上，又或者，你唔想部車到手之後先發覺七勞八傷浮晒出嚟，要你一擲兩、三萬維修，之後牌簿字數越高又比人打咗折扣，唔知部車放唔放好，我就建議你去做。因為，佢哋所有細微細眼嘢都會驗得到，部車有無“扇過灰”、“翻噴過”等 係一目了然！之後一份詳盡報告比翻，免得第日拗數！
（後話）
就你嘅情況嚟講，我會問自己「點解架車無牌費」？
唔知道哩部車嘅來源、年份或其他資料，無論係易手車網，又或者係經車房、汽車展銷場，甚至元L錦T露天車房等等（朋友私讓另計）…….. 簡單一句，我建議真係唔好買！試諗諗，最基本仲有牌費即代表部車仲行得！有牌費至少免除咗好多背後存在不利嘅因素，例如過唔過到驗車續牌呢？又或者，車主知道部車有隱憂，唔想花錢去執翻好，索性放咗佢都有可能。
當然賣家總有許多說法，例如老婆唔揸啦，無車位費事養兩部車（諗住唔揸囉咪唔徙錢續牌囉）林林種種嘅解釋。作為買家，我建議你都係小心為尚，慢慢揀。除非係古董車、限量版或者超名貴，否則我都係問一句「點解唔續牌費呢」？如果係屬於展鎖場又無牌費又要上會，我梗加唔建議你去買！
發表於 
返回列表
